Iburu 13:5 - Vato Vari Vakameka Voru Ia Batu Ne

⁵ Kasi poro va riqo zena too ramu, mamaligara ne na kesa, do muna kula neso pataro i ko ne qamu go. Tanego God i sine, “Era tuniki vana nigo kaega, mana era tuniki paqa kasi nigo kaega go.”

Iburu 13:5 Referans Kwoze

Matiu 6:25

Iago ma sine qamu, kasi lete nanao vokara ne pata gege mana besi tina va too qamu mana kasi nanao vokara ne poga tamuna vabaribari ne, tanego, too i sivala ne pata gege, mana tokama i sivala ne poga qamu va baribari ne.

Matiu 6:34

Kasi nanao vokara ne ava tina doka go bakubaku. Tanego bakubaku mana nogotona musaqara iko rigo ia tanuna.”

Kolosia 3:5

Muna vae vale too ba vatovato na pua dena ni zazu e loboro qamu, gere vari vagabu sakata de koe kene basoe, ba zazu ogoto ne pata sakata de koe kene basoe, nanao ba soko na zazu sakata, mana kasi qora ne patapata ia kene basoe, tanego i gere ṉalu qamu vazaka go beku.

Luka 3:14

Kakiaro vano soldia ro iri tana napu ne ia, “Avigo remu? Avana tane timuna zazu nego?” I vataule ne qira igo, “Kasi va tutubo qira basoero ne, go tarina tekene qamu kesa, mana kasi poqe ne qira basoero ṉalu na varitanae, sauna pala naso kesa ro ria, do ramu muna pala so voli qamu.”

Karua Pita 2:14

Kaega so kaki pata iri lete soko go, do zazu nena so taunata osina ṉalu. I makuru qira va mamanava na too sakata ria nae. Mana iri lete va bulaṉoi qira to basoero i memelaka go vaogoto ria, go mara vasakata napu qira iri go. Mana puṉuqira i lete soko so pala na patapata ro ria basoero ne go. Iato nae tane God i sine bana, tina vakimata qira igogo ne.

Kameka Timoti 3:3

Ia tiniki poro ge loka kaega, ba poro varitara kaega, do tina vakapo qira basoero mana tina basoe bulebule go, mana mara kasi poro soko kesa go.

Epesus 5:5

Qamu rove bana ramu, basoero iri varivagabu go mana zazu ne pata sakata ro napu gogo ne, basoero nae i kaega ne qira ka de koko too de ikoego vari miasoka ia Kristo mana God go. Gere napu qira so vano iri qora ne patapata ro ria basoero ne. Basoe igogo nae too ia, i vazaka god poqepoqe.

Karua Pita 2:3

Vano vari vatatana poqepoqe ro nae, iri soko so pala na kesa ramu, iago iri vari vatatana ne so pata poqepoqe ro. Do kimata ria vano vari vatatana poqepoqe ro dena, i nama bana me so. Iago i makuru qira tarina paqa ne, ia tina vae vasakata qira go.

Epesus 5:3

Ramu qamu basoero ogoto ia to God, iago iki tora kaega ramu muna poro pepeua go pata sakataro gerena, varivagabu ba zazu nena vatovato iri gere go too ria pata qaraqara ro, mana sokona pala na patapata ro ria basoero ne.

Kameka Korinti 5:11

Talupasa na seko era igo dena, kasi va kameka ne na basoe igo, tanuna i basoe lotu, do ia i zazu ne too vari vagabu ba soko na topuna pata, ba i vazaka qira beku ro, ba i pepeu vasakata qira kero ne basoero ba i poro ge loka vari vabulaṉoe mana sikosiko gogo ne, kasi ara koloku tavisi na ṉalu qamu ṉaṉa go basoe nae.

Luka 8:14

Paturu ro i soru ego de i podo ego qolo paqo ro ne, i gere to basoero iri gata go seko ia God, do iri nanao vokara ne pata vavagado na ro pua dena, mana kero ne pataro i vakula qira go. Iago seko ia Batu ne, iki ure kaega de iri koego.

Maka 7:22

taunata, sokona pala na osina pata, mana zazu nena soso pata sakataro, poqe, zazu ne na ba sine vasadake na pata ni lete sakata sivala go, qora, pepeu valu na basoe vazakanapu mana zazu nena pata ni lulua go too bulabulaṉoe.

Judi 1:11

Iago iri na miasoka! Tanego iri lulua go vatovato i lulua bana go Ken. Iri lulu napua de igogo propeta Belam, ipala ze kesa loborona seko poqe ro ia. Iri vae vato gerena de igo bana go Kora i vae vato e de ikoego God. Iago God tina lete vasakata sivala ne qira gere de ivane go Kora.

Kameka Korinti 6:10

mana vano iri siko mana vano iri soko pala na topu na pata, ba poro ge loka ba poro pepeu valu qira kero ne basoero, ba vano iri poro sikosiko go. Kaega kaki kameka ria dena tarina keba za go Too ikoego vari miasoka ia God.

Leta Ia Pol I Karo Ne Qira Basoero Na Rom 1:29

Iago nanao qira ne i purake to soso adoado na vatovato sakata ro. Iri le ne pala na patapata ria basoero ne. Iri vasakata qira basoero ne, iri poro misi, iri vae vale basoe, iri varitara iri muma ne qira basoero ne, mana iri poro pepeu valu qira basoero ne go.

Matiu 6:19

Jesu igo napu de, “Muniki soti ze pata vavagado ramu pua dena, tanego kokorosi mana bebega tina mazala vasakate na mana vano sikosiko iri mazala papatena pade ne mana siko vavagado nae go.

Karua Korinti 4:9

i topu sasakata vano iriki soko qemu kaega, do iki kaega ne qemu kaega vakitaka, kaviaro ṉalu iri va vokara qemu, do iki vasakata qemu kaega.