Iburu 10:30 - Vato Vari Vakameka Voru Ia Batu Ne

³⁰ Osiqita qata rove bana God igo, “Era tuna toli vaule napua, tuna kavala napua so pata sakata ro iri zazu nego”, mana i sine napua, “Era Batu ramu, tunara zazu ze vivine de iri koego basobasoero era.”

Iburu 10:30 Referans Kwoze

Leta Ia Pol I Karo Ne Qira Basoero Na Rom 12:19

Turaquro, kasi vari soka soka ule ne na pata sakata de iri koe go basoero ne, do vamao ne God go mara zazu ne varitanae de iri koe go, tanego Batu ne i sine ze Buka tabo ne, “Era to i ko nava karaputa go tuna varatanae ne qira go basoero ne, mana tuna soka vaule ne qira go pata sakataro iri zazu ne go.”

Karua Korinti 5:10

Do osiqita tatana sadaka e tarakenaqana Kristo ṉalu tina zazu nego vivine ia. Ia tina vine too ita, mana tina teke ne qita voli ba kimata i tora go pataro qata zazu nego, Kristo tina zazu ne iadena, sauna osina zazu velaka ba zazu sakata ro qata zazu nego, ara too qata vaego pua dena.

Leta Ia Pol I Karo Ne Qira Basoero Na Rom 13:4

Tanego batu nae i basoe zazu ia God, go iara zazu ne go sauna velaka qamu ramu. Do ṉalu ramu qamu zazu ne go vatovato sakata, muna sareki ne ia, tanego karaputa i pala go, tina vakimata qamue go i totoloṉo. Tanego ia i basoe zazu ia God mana i zazu ne to vari vakimata ia de iri koe go basoero iri zazu ne go vatovato sakata.