Iburu 10:22 - Vato Vari Vakameka Voru Ia Batu Ne

²² Iago ita mata za garogaro God, tanego nanao qita i dalo mana vaogoto ita i karaputa. Nanaoqita i poṉo ego vasakata pata, tina vavoru ze parasana Kristo, mana tokama qita tina dalo tanego qata seqe ne besi voru.

Iburu 10:22 Referans Kwoze

Tarama Velaka Ia Jesu Kristo I Karo Go Jon 3:5

“Masine nigo pata ogoto,” igo Jesu, “ṉalu ka basoe iki podo e kaega besi mana Spirit tabo gogo ne, basoe nae tina makure keba zana Too ikoego vari miasoka ia God.

Kameka Pita 3:21

mana besi dena i lalana bapitema iva kavele qamue go God. Sauna bapitema dena iki besi saboro va dalo na kaega korena tokama, do i sauna go muna zazu ne pui de ikoego God, ireqe mego nanao velaka ramu, mana iato i vakavele qamue go loborona too ivae napu me tepa le Jesu Kristo.

Epesus 5:26

go eklesia ne tina tabo go. Ia iva vorua eklesia ne, ṉalu i saboro ze ia loborona besi mana i sine vasadake go seko ro ia.

Kameka Korinti 6:11

Kakia ro ramu qamu go bana to nae. Do ninidena Kristo ivadalo qamu, i vakuziki lupo ne kebu ro ramu. Mana i vine qamue de koego God, ramu qamu ko totoloṉoe de koe God, loborona zazu ia, Batu ita Jesu Kristo mana de koe Spirit ia God ita.

Iburu 7:19

Tanego Tamana ia Mosese i makuru tina vavelake kaki pata. Do ninidena God i papaqa kameka zuka qata mazala vanadu ze na nanao qita mana i vagarogaro qitae de ikoego God.

Karua Korinti 7:1

Iago vakitaka ro era, God i pui bana ne qita topuna pataro dena, iago ita mata vadalo tanuqita, sauna pataro i mazala go va poṉo na tokama qita ba madau qita, mana mata vatabo too ita. Mata padapadae de ikoego God loborona too ita.

Iburu 4:16

Osiqita mata vanadua nanao qita, mana zae de koko ia God i koego Mana ia. Dego qata mazala pala zena manava mana soba zena Mana tina mazala go tavisi ne qita go ṉalu qata soko go.

Iburu 12:24

Qamu lama dokae de koe Jesu, ia i vanama go vari toqe voru, mana parasana ia i va voru bana qita go, i vasadaka me topu na pata velaka, sivala ne parasana Ebolo.

Taetusi 3:5

iva kavele qita. Iki sauna kaega pata velaka ro qata zazu ne, do i sauna so manava ia, go ni vakavele qita go. Spirit tabo iva dalo qita, go ita mata podo napu, go tatana pala too de ikoego ia.

Kameka Pita 1:2

Ramu qamu basoero tavine bana ia God Tamaqita, mana i vatabo bana qamue Spirit tabo ia tanuna, go ia ramu tamuna vaogote Jesu Kristo, mana daloe parasana ia. Qa pene God mara Mana ne qamu mana mara teke ne qamu bule osina ṉalu topu ro ne.

Epesus 3:12

Iago loborona vari va kameka ita de ikoego Kristo, mana loborona vaogoto ita i nadue go ia, ita mata kasi sareki ne na lamae na de ikoego God.

Jemisi 4:8

Muna lama ko garogaro de ikoe God, go God tina ko garogaro qamu go. Muna vanane vasakatapata ramu vano qamu zazu ne qo vasakatapata, mana vadalo puṉu qamu ramu vano qamu tatakiu go.

Iburu 9:19

Pata kenaqa Mosese i zazu ne, i sine vasadaka ne osiqira basoero osina manoga seko ia God i karo vanadue go Tamana ne, taramuzina i pala parasana nanikoti mana buluka mana i lomiri ze besi, gonae i qolo varipalu ne uguruna pula manamana mana uguruna sipi i mesara go, mana i rupe poka ze buka na Tamana ne mana osiqira basoero go,

Matiu 3:11

Era qa bapitema qamue ramu besi go tina vasadake ramu qamu manava sakata ne vasakata pataro ramu. Do valeke tinara lama taramuziqu era i lete karaputa sivala nava era. Patavolomo makebotu ia do era ki torava kaega tuna pala ne go. Ia tina bapitema qamue ramu Spirit tabo mana nako.

Jemisi 1:6

Do ṉalu qamu pene go muna vaogote, mana kasiara ruama. Basoe i ruama do pene God igogo ne, igere so kameka tubitubi na masi i ubolo me, do sokoro ne ikiure ia za kaega so igo.

Iburu 11:28

Loborona vaogoto ia de koe God, ia i vatupia go musaqara lavata na Pasova, i sine ne qira basoero ne tarina sapi ze parasana pata qaraqara iri puare go siporaṉa na pade ro ria, go ṉalu aqelo tina turine me God tiniki lama vae vale qira kaega sale valekero kenaqa ria vano Izirel.

Iburu 10:19

Iago turaquro, tanego parasana Jesu i va voru bana qita, qata mazala so keba zana kova i lete tabo sivala go.

Iburu 9:10

Tamana ro dena i patana so pekapeka na basoe, zazaona pata gege, besi, mana de go va vadalo, tamana ro dena tina ko go na doka ṉalu God tina kavale osina pataro mana tina va voru lupo go.

Kameka Timoti 4:2

Vari vatatana igogo ne, i reqe me too legulegu ria vano iri poqepoqe go, tanego nanao velaka ro ria i le lupo bana.

Revaleson 1:5

Bule mana Mana dena i reqe napu meso Jesu Kristo i basoe totoloṉo i tarama ne go seko ia God, mana iato i too kenaqa me tepa le ne. Mana ia napu to i kone go karaputa i sivala ne qira go vano batu lavata na ro vudu pua dena. Jesu Kristo i lete mamaligara ne qita mana ile ne sauna vatalukasana vasakata pata ro ita.

Epesus 6:5

Vano seka, muna osaka ne qira batu ro ramu. Muna momokolo ne qira mana padapadae de iri koego. Muna zazu ne pata ro dena loborona puṉu totoloṉo gerena qo zazu ne zazua ia Kristo.

Zazu Ria Apostoloro 8:21

Aro iki tora go kaega tono zazu tavise go zazu dena, tanego puṉumu aro iki totoloṉo e kaega tarakenaqana God.

Tarama Velaka Ia Jesu Kristo I Karo Go Jon 8:9

Ṉalu iri gata seko igogo ne, koko kakia zaza so iri go, tupi to ria ke kazigarataro go osiqira to zaza lupo to iri go.

Luka 1:1

Ke! Tiopilus. Era qa mia ria iri pada ne karo na pepeu na, deni gogo pataro isadaka e de qata koego ita.

Zazu Ria Apostoloro 22:16

Avigo qo ara piri vaumata go? Degere mana bapitema, go vasakata pata ro aro mara talukasa lupo, ṉalu aro qo pepene e loborona vitoṉo na Batu ne.’ ”

Iburu 6:11

Remu qi lete soko osiqamu muna palataru vanadua vaogoto ramu, go na doka go, ṉalu pata qamu ala nego tina lama doka ogoto go.

Iburu 10:1

Tamana ro ia Mosese, iki dudule ogoto na kaega pata ogoto ro i ko go, i gere so dudule na pata velaka ro tinara sadaka me. Kameka ado na so komakoma iri zazu nego osina ave, iago ava tina go tane Tamana na de go komakoma ro dena tina vatotoloṉo lupo qira go basoero iri lamae de i koe God na?