Epesus 1:3 - Vato Vari Vakameka Voru Ia Batu Ne

³ Mata vazaka God Tamana Batu ita Jesu Kristo! Tanego loborona ko kameka ita de ikoego Kristo ia iva makaolo qita iteke ne madau qita osina sosovolomo na vudu rani ne.

Epesus 1:3 Referans Kwoze

Kameka Pita 1:3

I lete velaka sivala mata teke ne seko velaka de ikoe God Tamana Batu ita Jesu Kristo! Tanego Mana ia i teke ne qita too voru loborona va too ivae mego Jesu Kristo tepa le ne. Ia dena nanao iva puraka qitae ita ruruqe i too taru osina ṉalu.

Karua Korinti 1:3

Mata seko velaka ne God, ia i God mana i Tamana Batu ita Jesu Kristo, i God na varinanao, God i reqe me osina tavisi ro.

Epesus 2:6

Loborona ko vari vakameka ita de ikoego Jesu Kristo, God i vatoo palu napu qita ita go tatana ko batu tavisi ze ia komala na rani ne.

Epesus 1:20

God i vazazua go i vatoo ze go Jesu tepa le ne. God ipala vapopoka ia mana i vakoloku ze tepa matauna tanuna tepa rani ne.

Epesus 6:12

Iago vakeba osina pata varitara ia God ninidena! Go musaqara sakataro iri lama go, ramu tanuna degere vanadu, go tina tavisi ne qamu varitara ule na de iri koego kana ro ramu, go na dokae to valupolupona, ramu tamuna degere vanadu so.

Epesus 3:10

Do ninidena God i va zazua eklesia go tina vasadake go nanao velaka ro ia God, de iri koego aqeloro ne mana kero ne karaputa ro zakazaka ne.

Qalesia 3:9

Abra-am i vaogote God, mana God i va makaole ia, gerena napu so osiqira basoero iri vaogote go ia iri pala makaolo gerena Abra-am.

Tarama Velaka Ia Jesu Kristo I Karo Go Jon 17:21

Mamae, qa peni go, go osiqira basoero iri vaogoto ava go era, tarina kameka, gere na ituru qaturu kameka go. Qa peni go, go basoero dena tarina kamekae de qaturu koego, go basoero na kolabana pua dena tarina vaogote, aro qo turi nava era.

Epesus 1:17

Mana qa pene God, de ikoego Batu ita Jesu Kristo, sauna Tamaqita ni lete menomeno sivala go mara teke ne qamu Spirit tabo go mara vatarove qamu. Mana mara vasadaka ne qamu God go tamuna rove go ia.

Karua Korinti 11:31

Go God Tamana Batu ita Jesu, vitoṉona itabo osina ṉalu, i rove era qaki poqe kaega.

Karua Korinti 5:21

Kristo i kaega ne vasakata pata, do i sauqita ita, God i kena tavisi ze ia vasakata pata ro ita, go ita tatana ko kameka e de i koego ia mana tatana pala go totoloṉo ia God.

Kameka Korinti 12:12

Kristo i gere kameka tokama, do i topu soso takoborona, Patavolomo i topu soso takoboro na, do iara kameka tokama so.

Leta Ia Pol I Karo Ne Qira Basoero Na Rom 12:5

Gerena ianae, patavolomo ita qata basoe topu gonae, do ita qata gerena so kameka tokama, tanego qata lama kameka ego Kristo, iago lama kameka ita nae i gerena to topu na paqara ireqe go so kameka tokama.

Epesus 1:10

Nanao dena tina lama vaogoto ze to ṉalu musaqara na ne. Iato tina teṉo lupo qira osina pataro i vazari zego.

Karua Korinti 5:17

Ṉalu kaki basoe i vakameka ne Kristo, ia i basoe voru, ke bana ne i lupo to, ke voru to i lama go.

Leta Ia Pol I Karo Ne Qira Basoero Na Rom 15:6

go osiqamu muna kameka vazaka God Tamana Batu ita Jesu Kristo.

Iburu 8:5

Zazu iri zazu nego patere ro i dudulena so pataro i zazu ego rani ne. I gere napua so de i koe Mosese, ṉalu God i sine ne Mosese dego zazu na pade iri pala zaza ne go, ia igo, “Ono mia velake zazu tono vae nego, ono valulu velaka ze so de qa va mia goe era popokona kubolo ne.”

Pilipae 2:11

Osina basoero mara sine vasadake, “Jesu Kristo i Batu, go kero ne basoero tarina vazaka God Tamaqita.”

Kameka Korinti 1:30

Do God i vazao qitae loborona vari vakameka ia Jesu Kristo, God i vadegere Kristo tina tarove ita. De ikoego ia, ita qata ko totoloṉoe de i koe God, ita qata basoero tabo ia God mana qata kavele go.

Iburu 9:23

Pataro qatara pepeu lupo zaqe go, i varipadana so patana ro rani ne, tina rupe poka bana ze so parasa go tina dalo go. Do pataro ikoego rani ne, kaki komakoma i lete mazala sivala tane i mazala go vadalo na.

Tarama Velaka Ia Jesu Kristo I Karo Go Jon 20:17

Jesu i sine ne ia, “Oniki siba va, tanego qara kaebo ule za na de ikoego Mamae. Do ono zae de iri koego vakitaka ro era mana sine ne qira, era tuna ule za de koe Mamae iato i Tamaqamu, mana i God era, iato i God ramu go.”

Tarama Velaka Ia Jesu Kristo I Karo Go Jon 14:20

Tina doka go musaqara na ne, ramu tamuna rove era qa koe loborona Mamae mana ramu qamu koe loboroqu era, gere na era qa koe loboro qamu ramu.

Luka 2:28

Simion i sua ze karisina sale ne, mana i seko velaka zaqe God