Tetewiteri 21:3 - Riosia Warijio Nayewani Ahpo Tisiwa Kaaweruma Tuuyewari

³ Waikao inamukania wa'ao, ki ku'ita siinachaniame, pu'ka Riosi yasirachi o'iniaopua: —Riosia, yomatiame weeechi ti'tijoeekachi kahtiame puuuapa wa'asi. Ti'tijoeria Riosi mochiwari enemeripua, Apoe Riosia pu'ka ti'tijoeri mochiwari, Riosiwara enemeripua.

Tetewiteri 21:3 Referans Kwoze

2 Koorintio 6:16

¿Ihtatia kaawe teereta ri'riosi netetiamea, Riosi tiopachio? ¿Ki nane'reka mochikame eemea aamoo, te'ta Riosi ahjamekamera tioparakoo?

Waani 14:23

Eesusia, nehjiakao chaanekapua: —Aamoo noochi paparasoopua, no'o Noonoa neeea tiameo, piiripichitia yasitomeripua amochio.

Eureo 8:10

Nape neipami pu'ka weemera kateweri no'o yahchariachio, yooma noochi e'enaka paparakameopua no'o tatana iintapasaopua, eee iintomiaa, cheere Riosia: yomachiami i'isaeri noochi paparakamechio, yomatiame noochi paparaka te'ta i'isaeri enepakamechiopua tiameo, no'o nuurari iyoripuameo, pu'ka inatarichi teerepamania, i'ka ti'tijoeri iikarachiopua tiameo, wa'a iyotepa tiame iintapamania no'o nuurariopua tiame. Pu'kao neeea, Riosiwaraa enemapua, aapoeo no'o mochiwaria enemapua.

Eureo 11:16

Nape puuu poorosimiwaa, ehpe taawechiamisi teetoniamepua pehjio, pu'ka tewekachi mochipuamechi inatatoka, te'ta Riosi kahtiachiopua, te'ta kaaweruma mochirachi. Pukaepa Riosia, ki suuwe e'ramepua pu'ka ti'tijoerio, pu'ka Riosiwara tewaniai. Pukaepa Riosia katewiamepua pu'kawichioo, te'ta ahpo ahjama mochimiachiopua.

Tetewiteri 7:15

Pukaepa i'wa nokayamepua Riosi tetewachi, Riosi kahtiachi tekipanamepua, yooma taawe yooma tukawariopua tiame. Pu'kao Apoe Yawichi yasirachi kahtiame neesetomeripua pu'kao, ahpo ahjama ohjoekopapua.

2 Koorintio 6:18

pu'ka no'o tuuya ikisoo, kaawe uuka aamo tetewimania waikao. Aamo Noonochitia teeremania waikao, eemea, no'o tatanachitia te'teremapua, wa'a chiiame apoe Paamiraa, yooma ihta itapitichi utewaemea.

Tetewiteri 21:7

Aaata ka'karumachi newitokamea, no'o taana enemapua; neeea, noonora enemapua pu'kao, Apoe Riosi.

Waani 1:14

Puuu taamo Noono Riosi tiiaria ahpo Naerao, tijoe iintapamo eraparepua pu'kao, i'ka weeechi oimichiopua ahpo e'rari naewatukao. Pukaepa oowitiamechi naawaterepua pu'kao, i'ka wehjoari mochiwachiopua. Wa'a iika Riosi Naeraa, tijoetusaapa tamochi yaajatokamepua, te'ta apoeche Riosi Taanarachitia. I'kao teemea, Eesusi ajawariaa, ma'chiame tetewamepua, Riosi tisiwarichi o'inia eenakamekopua pu'kao, ki nu'unti Riosi utewari yachatoka. Puuua i'ka weeechi oiaio, i'ka weeechi mochikameopua, tísia ahpo nakiya tetewiterepua, kihta wihtuki nayewaka, te'ta Riosi pichiwarichi simiyameche nayewasika.

Tetewiteri 12:10

Puuu raakonia weeechi ipatiamekapua yooma ahpo ku'iwari ahjamapua, Eesusio weeechi o'inia tewekachi eenariopapua, yooma natetewaopua tatakori tiiameo. Waikao tewekachi o'inia inamukane chiiameo: —Natetetiame itipikame yooma tatakoritiameapa, asikame i'waopa Riosi newipariaapa, yooma aaata Riosichi paparakamewichioo. Riosie Weratiamea, yawichitumia yasipakame puuuapa i'wa tewekachio, weeechi ipatiamekopua Satanasio, tísia wenejika yasitoriameopua Riosichio, yooma taawechiopua tukawariopua tiameo, yooma weeechi mochikame Riosichi paparameopua, poponiwaopua pipiniwaopua tiame.

Tetewiteri 10:8

Waikao te'pa tewekachi no'o nayewachaniamea, eenechi no'o nayewechaniapua: —Waaniii, waami enasa pahchu weruma tiiarieme weeriachi, pa'wechi ihteka weeriamechi, weeechi tiame. Itanemitiapua pu'kao, pu'ka nu'uti iyoteri pi'risarutiame makoka weeria.

Tetewiteri 10:4

Oowisanisa te'teosoopua i'ka te'teoni chiiao, o'inemo o'rai neeeapa iyotekao, nape tewekachi o'iniao no'o chaanechaniapua: —I'ka oowisani te'teoni chanitiameo, ka'te iyote pu'kao. Amochi inatarichiche neesetopuapua pu'kao, puuua noriwi teeremerikopua pehjio.

1 Tesaronika 3:11

Pukaepa teemea, Apoe taamo Noono Riosio, Apoe Eesusi Paamiraopua tiameo, taamo ku'ijeraninia wa'a siimpaka aamo tetewipuawichioo.

Eureo 8:2

Puuua wa'a yasaka tewekachio, te'ta iyoriwachi neesetonapua, apoe Riosi weeraria iyoriwachi, puuu wa'a te'ta iyoriwao, ki aaata ti'tijoeri neteriachipua.

Tetewiteri 22:3

Ihtaoi kiteremerapua wa'ao a'chitiamea, Riosiche yasimapua wa'ao, Apoe Po'wa teewataniameopua tiame. Riosi tekipaneka mochikamea, ahjachi paparaka mochimeripua iyorikao.