Tetewiteri 17:4 - Riosia Warijio Nayewani Ahpo Tisiwa Kaaweruma Tuuyewari

⁴ Oowitiame wisasoriwaa, iimuri taakara iwakameka tiiame sehtamurame pa'wisetiamekapua, wa'a ikisa naapo iwakameka tiiame sehtaname pa'wisetiamekapua tiameo. Ihji peeniatetiamea, o'ro apoche chuhchetiamekapua; yooma ihta tehte peenia te'tiame chuhchetiameapua; puuu tehtea tísia nateyamekapua, pa'wechi uutiame. Ihji oowitiamea, sekachio o'ro iijipaso makoyameapua. Pu'kachi paasochio, pochikame yahchamekapua, itapiti tísia iinya tiameopua na'arari, itapiti tatakori eiwepua tiame.

Tetewiteri 17:4 Referans Kwoze

Tetewiteri 18:16

Puuua chaachapamapua naarakokao: —¡Áiii muuua mochiwari! Te'ta nateyame tiiai muuua, tisiwa peeniatiamekai muuua, wisasoriwao muuua, apoche riinokai muuua, pupura apochekai muuua, apoche sehtanamee yo'kiwa, o'ro apoche peenia tiame teeweekai muuua, yooma tehte peenia te'tiameeo peeniatatiameai, perera o'ro peeniatatiamekai, yooma saiparu muuua.

Tetewiteri 19:2

Kaaweruma chaachapame teemea pukachio, kaawe iintoriopua Riosia, pu'ka te'ta oowitiame suwepori iintokame kokosariopapua, pu'ka oowitiameo, yomatiame weeechi mochikame ahpo suwepori ihsiriae na'atariopa. Riosia, wa'a yooraka nateteterepua pu'ka oowitiameo, kokosakao, ahpo na'nayewatura ko'yariopa, ahpo te'ta ka'karuma tuuyewari nayewaturaopua.

Tetewiteri 18:12

itapiti o'roo, parata o'roo, tehte nateyameopua, perera peeniatiwaopua, riino wisasorioi, pupura pa'wisame wisasorioi, pupura pa'wisame wisasorioi, sehtaname wisasorioi, seera wisasori, yooma ihta ma're taparasi peeniajutiameoi, marajiri o'rooi, yooma ihta netetiame kuuu nateyamee, oronse meetarioi, sisiokioi, maramo e'peoi,

Tetewiteri 14:8

Pu'ka wa'apichio tiame, piirechi Riosi ku'iwari machenakapua, ookachi simiyamekapua. Puuua cheesiapua: —¡Wichiparupa! ¡Wichiparupaaa, te'ta weruma tiiame Wawironiaapa, yomatiame wehjoarichio, yomatiame ti'tijoeturi teekupatekamea, ahpo tísia ki kaaweruma suweporichi ikotutekamea.

Tetewiteri 9:21

Ihji ti'tijoeria, kiisikoi toayapua ahpo ko'yaoi. Kiisiki toayapua ahpo sipoyaoi, ahpo suwepori nokayaoi, ichikokaoi naapi simitiapua.

Tetewiteri 21:21

Yooma puuu oosa mariki aampa ooka muiraa, o'ro perera netetiamekapua; yooma pipiripi muiraa, pipiripi perera iinuekapua. Te'ta muirachi pooea, apoche o'roapua, kiisikioiopua a'chitiameo.