Maateo 4:7 - Riosia Warijio Nayewani Ahpo Tisiwa Kaaweruma Tuuyewari

⁷ Eesusia nehjiarepua pu'kao: —Nape Ehkoriami Iyoterichio chaanipua tiameo: “Aamo Riosiwao, ka'te aatiatamua utewarirao.”

Maateo 4:7 Referans Kwoze

1 Koorintio 10:9

Ka'te aatiatamua, te'ta aamo Paamiraopua, ehkoriami mochiriamea wa'a nokaka wahjipakamepua, siinoie ki'kiretiao.

Eureo 3:9

Ihji aamo ehkoriami noonoriwaa, ooka weerewa paamupari no'o peenia ihsiawa tetewikameaipua, ki noochi paparakamepua. Nape wa'a te'tiai puuua, oowera ahpo neesetojeraipua.

Nokitiame 5:9

Waikao Peeroa chaanerepua: —¿Achini iikai wa'a noonoimo o'raka eemea, aamo tísia kokosapuame tiame Riosie? Ka'chi ikimete muuua ehpeo. Ne'neo wa'a ajakameopa, aamo kuuna i'tokame puuuapa, wetemajimiao; ehpeo aamopechi i'tomia e'enakamepua.

Maateo 4:4

Wa'a chiiopa riaorósio Eesusia, chaanerepua: —Riosi Ehkoriami Iyoterichi chiiaa, chiiamepua: “Ki kooameche koaka ahjame ti'tijoeria, Riosi chiiacheeoiopua yoorekao, ahjaniamepua.”

Maateo 4:10

Nape Eesusia wa'a chiiopa Satanasio, chaanerepua: —Se'wisa muuua noochio. Mehka akipaka muuua ki noochi. Kiisi ahjachi chiiamemua, oowera tísia se'wi chiiamemua. Riosi Iyoteri chiia eeekamera chiiamepua: “Muuua aamo Riosikamera iyorimitiapua, Apoe aamo Paamirakamera. Pu'kakamera yorakeka yasitopuapua kiisi teesaoi se'wika.”

Maateo 21:42

Waikao Eesusia chaanekapua pu'kao: —¿Ki iyonakame eemea Ehkoriami Iyoteri chiiao, eee chiiame?: Puuu tehte ahjae karitaniame ki nakitiameo, epeche te'ta nateyame enepakamepua, te'ta kaari naawarachi yachaniamechitia. I'ka wa'a tiame iintokamea apoe Paamirapua, wa'a tiiachipa tísia peenia e'riame teemea pu'kao.

Maateo 21:16

Wa'a ijikikaopua, chaanekapua Eesusio: —¿Ki inamuame muuua kukuchioi ihtana aamo chaachapachanio? —Eje'e, inamuamenia —nehjiaka Eesusia—. ¿Naakona ki iyonamekosa eemea, Ehkoriami Iyoterichi chiiao, i'ka kukuchichitia teereniame, nayewaka chanitiameo, eee chiiachio?: Ahkasi kukuchiai, nu'nunti chiiameai pehji, aamo kaawe chaachapamapua.

Ruuka 4:12

Wa'a chiiopa riaorósio, Eesusia chaanerepua: —Nape Iyoterichio chaanipua tiame: “Ka'te oowera aatiata Riosio. Ka'te oowera aatiataka ne'nemo oramitiamua Riosi utewario.”

Nokitiame 15:10

Riosi apoe wa'a tiame inatakame enesoo, ¿aatia ki kaawe iintorio erakota teemea Riosio, ki siichitepuwa yahchetiamekoi piipatetiamekoopua Riosieo? ¿Aatia utewa yorata teemea pu'ka siichitepuniameo, tamochi wa'apioi, tísia pehtiamekoopua, pu'ka wa'a tiiame nokiwao? ¿Aatia utewa yorata teemea pu'kao, itapiti taamo ehkoriami mochiriameai, kiisi ahsepari nokariaopua Moise nuurari iyorikao?