ZEPHANIAH 3:4 - PATHIAN LEKHABU THIANGTHO (BSI)

⁴ A jawlneiteu chu khawni ngailo leh ginumlote a hiu a; a thiamputeu in thilzek a subuak un, dan a botsiau a.

ZEPHANIAH 3:4 Referans Kwoze

EZEKIEL 22:26

A thiamputeu in ka thuhilna bawtsia’n, ka thil thiangthote a hi’buak ui; a thiang leh thianglo le a khen chuam puau in, a thiang leh thianglo kikhiakna le a hil diak puau ah, ka sabbath nite le a ngaisak ta puau hi; ziaziakchun, a lak un ka min a sia tai.

MALAKI 2:8

Ahi’n, nanghaw chu lampi ah kipat in la pêtmang zo tau a; la thu zilsaknau ah chun mi tam tak la kisui pâisak tau hi; Levi kiang ah thuthung kha la susia zo tau ahi, sepai honte Lalpa chun a ti ahi.

HOSEA 9:7

Gawtna nite chu a hung tung in, thukna nite chu a hung tung tai; Israel in ko intin, “Jawlnei chu mingol ahi’n, thagau mi chule a ngol ahi tai,” ti in. La khawlona huaisia tak ziakin, la huatna le a huaisia ahi.

KÂ LATE 2:14

La jawlneiteu in la chung ua, thil tung ding a diklo leh, kithepnate bep a mulawk un; khawnung ah tundin kit, la hitheina ding un, la mantheilonau mulo in, nanghaw puimang thei thu diklo bep, a mu zawu tau a.

JEREMIAH 5:31

Jawlneite’n diklo tak in thu a gen un, thiampute’n le jawlneite thupiak dungzui in vai a hawm ui; ka mite chun la zia gual nei chu a nuam un, a tawpna hung tung ta leh, bangti’n la bawl ta diam uh?

ISAI 9:15

a upateu leh a mi kumluiteu chu a luchang uh a hiu a; zuau thu zilsak a jawlneiteu chu a mei uh a hiu;

THUPUAN 19:20

Sahâng chu a man ua, jawlnei lêm a ma-âng ah thilmak bawl sek leh, sahâng tepte’na nei ding ah mi thêm zo sek kha, a paniu in mei leh kât ah kâng meidil ah chun a hing in a pai lut tau a.

1 JOHAN 4:1

Doitakte haw, thagau zosia taksang kiu inla, thagaute chu Pathian ah kipat a hiu em ti enchian zawu in; khawvel ah hin jawlnei lêm tam tak a pawtdok tangal un.

2 KORINTH 11:13

Zia gual mite chu Khrista sawlchâk ah kisiam in, sawlchâk lêm, mi dawha bawl ah nasem ahi zawu hi.

MATTHAI 7:15

Jawlnei lêmte lak ah kivêng un; ziate chu belam vun sil in la kiang un a hung sek ui, a sung lam uh bo chu ngei gawlsan tawhbang a hiu.

MIKAH 2:11

Mumal lo leh diklo tak ah: “Uain thu leh khamthei thu la kiang ah hun hil ding ka hi,” ti ah min zuau a hun gen ua leh, ziate chu zia mite â ding bep ah chun, a thugentuu hiding ahi.

JEREMIAH 23:32

En un, mang zuauthei mai maite gen ah, mite hil ah, a zuauthu teu leh, a uanna thu manthei lo ziak ua ka mipi puimang jawlneite chu ka dodâl hi, Lalpa‘n a tii. Amau chu ka sawl pua’n, ka thugen dinginle ka sawl puai; ziaziakchun, zia mipite â ding ah hin a phachuam him him puau hi, Lalpa‘n a tii.

JEREMIAH 8:10

Ziaziakchun, a jiteu chu midang pia’ng ka tin, a louteu chule a gâlteu pia’ng ka; a lak ua a neu pen ah kipat a lian pen tiang in, lawkna diklo ah huaihap ngen a hiziak un; jawlnei ah kipat thiampu tiang in, zuau thu ngen in thil a bawl tau hi.

1 SAMUEL 2:22

Ahi’n Eli chu a têk ma ma tai. A chate’n Israelte zosia chung ah a thilbawl dan uh leh kikhopna biakbûk kotkhak bul ah numei a la luppi danteu haw zosia le a he suak a.

VAIHAWMTE 9:4

Baal-berith ho’na in thawlawm ah kipat in dangka shekel sawmsagi a pia tau ah; Abimelekh in zia sum chu, mi dukdak lo leh pannabeite a nungzui ding ah gawina’n a mang tai.

JEREMIAH 34:19

bawngno kihâpsat kikâl ah chiatua Judai gam ah mi lian leh lalte, Jerusalem khua mi lian leh lalte, mi tilgete, thiampute leh mipi zosiate chu,

EZEKIEL 44:23

Ka mite chu thilzek thiang leh a vantang kibat lo dan a hil diu ahi; chuleh, a thiang leh thianglo hetkhen ding dan le a etsak diu ahi.

MALAKI 1:6

Aw Thiampu, ka min simmawte haw, cha’n a pa a chawihoi in, suak in a pu a chawihoi hi; kei pa ka hileh chawihoi ah ka umna bang ahi em? Hotu ka hileh ja ah ka umna bang ahi em? ti’n sepaite Lalpa‘n a hun dong la hiu. Nanghaw chun, “Bangti’n la min ka simmawu ah a hem?” la tiu a.

MALAKI 2:7

Thiampu chu sepai honte Lalpa tângsampa ahiziak in, a mûkte chun hetna a chintûp ah, mipite’n ama kam ah kipat zilsakna dik chu a hawl sek diu ahi ngal a.

EZEKIEL 22:6

Nangma ah Israel lengte, a thil hi’thei dan gual chiat ua thisan sua dingin a um ui.

MIKAH 3:11

A vaihawmteu in golgûkna’n vai a hawm un, a thiamputeu inle law mu’na ding bep in a zilsak un; a jawlneiteu inle sum mu ding kinem in thu a gen sek ui; chutisapi’nle, Lalpa chung ah a ki-ngau in “Lalpaei umpi ngei hi! I chung ua siatna bangma hung tung pua’n ah,” ti’n thu a gen sek ui.