ZEPHANIAH 3:3 - PATHIAN LEKHABU THIANGTHO (BSI)

³ A sung ah miliante chu, sakeibaknei kitum gual a hiu in; a vaihawmteu le nitâk lam ngei gilkial, jingkal tiang ah bangma khêkchâk nei lo gual a hiu.

ZEPHANIAH 3:3 Referans Kwoze

HABAKKUK 1:8

A sakolteu chu gialbem sâng in a chan-gang zaw’n, thimbut ah ngei sâng in a lau um zawu hi; a sakol chungchuangteu chu, a hung kithejak ui. A sakol chungchuang miteu chu, gamla tak ah kipat hung a hiu in; mupi sa nêk ding baw gual in, kin-gang tak in a hung leng ui.

JEREMIAH 5:6

Ziaziakchun, gammâng ah kipat hung pawt, sakeibaknei chun that intin, gamkeu ah kipat hung pawt, Ngei in puaitel in a. A sukkhialnau a tam ziak leh, a nungtolnau a huaisiat bêk ziakin, a khawpiteu chu gialbem in a châng ah; a pawtdok taphot chu puaitel hi’n au.

EZEKIEL 22:6

Nangma ah Israel lengte, a thil hi’thei dan gual chiat ua thisan sua dingin a um ui.

JEREMIAH 22:17

Himaleh, la mit leh la lungthim chu vang, la lawkna diklo takte chung bep in a chu’n; tichun, maw’na beite thisan sua’na ding leh, thagum sua’na ding bep la ngaitua hi.

ISAI 1:23

La lal chapateu chu a huhel zo tau a, guchate lawipha a suak zo tau hi. Mitin in golgûkna a ngainau ah, a thawn ah thil mu a del ui. Nauchaga a ngaisak puau a, meithâite buaina le a ngaisak ta puau hi.

THUPILTE 28:15

Migentheite chung ah vaihawmtu gilo chu, sakeibaknei hâm leh savom hâng mi del tawhbang ahi.

ISAI 5:29

A thawm uh sakeibaknei hâm a bang in, sakeibaknei note gual in a ngîk ui; a samat ding uh ngîm ah mat gual in, kipuak mang in au. Kuama’n a lâkpiak thei ta puau hi.

JEREMIAH 34:19

bawngno kihâpsat kikâl ah chiatua Judai gam ah mi lian leh lalte, Jerusalem khua mi lian leh lalte, mi tilgete, thiampute leh mipi zosiate chu,

EZEKIEL 33:26

La chemjam uh la kisuanpiu ah, luaksuak um takte la bawl un, mitin in la Invêngteu ji la hi’buak tau hi; bangti’n gam hi lua ding la hiu em?

JEREMIAH 23:11

Jawlnei chunle thiampu gual tho in, Pathian a ngaisak ta puau a; ka In sung natiang in a nunsiatnau chu ka mu tai, Lalpa‘n a tii.