ZEPHANIAH 3:1 - PATHIAN LEKHABU THIANGTHO (BSI)

¹ Nuaisia hat, khawpi buak leh polche!

ZEPHANIAH 3:1 Referans Kwoze

JEREMIAH 6:6

Sepai honte Lalpa‘n zia gual hin a gen hi: A thingteu chu phuk un; Jerusalem bulu’na ding panmun siam un. Zia khawpi hi gawt tei tei hiding ahi, a sung ah kipawng bawlna lo’ngâl, bangma dang a um paw’ngâl a.

ISAI 59:13

Lalpa kilepsan in ka la hi’khial tau in, ka Pathian uh zui lo in ka la kiheimang zo tau ah; helna thu leh mi jakda ding lam ngen ka gen un, lepchia thute ngen ka ngaituau a, lunggil tak ah kipat in zuau thute, ka hun sêkdok sek zaw tau ahi.

ISAI 30:12

Ziaziakchun, Israelte Mithiangtho in zia gual hin a gen hi: Zia thu hi la musit ah, nuaisiana leh thukhelna suang ah la muan zawk ziak un,

MALAKI 3:5

Ziaphat chuleh, la chungchâng vaihawm dingin hung ing ka; dawi mangte, ângkawmte, zuau ah kitiamte, meithâi leh chaga la goinau thaman la lepbawl nateu, malzin khawtua nuam lo ah nawmangte leh keima ei ki’cha lo mite chung ah hiatpitu dingin hung pai ziang ding ka hi, sepai honte Lalpa chun a ti ahi.

ZEKARIAH 7:10

meithâi, nauchaga, malzin leh migentheite chu nuaisia kiu in; kuama’n la lungthim ziang unle la unauteu siatna ding ngaitua kiu in, a ti’n.

EZEKIEL 22:7

La sung ah chun nu leh pate musit in a um un; la sung ah malzinte suam in a um un; la sung ah nauchaga leh meithâite diklo tak ah bawl in a um ui.

MIKAH 2:2

Midangte lou a awtchau ah, zia chu thagum in a lak piak sek un; midangte In a eng un, zia chu thagum in a lak piak sek un; In leh a neitu chu a bawl genthei ma ma sek un, mihing leh a gochanteu a nuaisiau hi.

JEREMIAH 22:17

Himaleh, la mit leh la lungthim chu vang, la lawkna diklo takte chung bep in a chu’n; tichun, maw’na beite thisan sua’na ding leh, thagum sua’na ding bep la ngaitua hi.

ISAI 5:7

Sepai honte Lalpa grep huan chu, Israel Inkuante a hiu a; doichuam tak ah a phute chu, Judah mite chu a hiu; a lak un vaihawmna dik kineppi ma leng, thisan sua’na ngen a um in; dikna kineppi maleng, thavai kiko thawm het ahi tai!

THIAMPUTE LEKHABU 1:16

A ong chu a sung ah an pum in khok dok intin, mâichâm sak lam ah vut paikhawmna mun ah chun paidok ta’n a.

AMOS 4:1

Zia thute hi ngai un, nang uh Bashan ah bawngpite haw: Samaria tâng chung ah um ah, michagate sugenthei ah, mi tasamte tawden ah, a pawsalteu kiang ah, “Bang a hem khat dawn ding hun lau in,” tite haw.

AMOS 3:9

Ashdod ah kulpite kiang leh, Aigupta ah kulpite kiang in puangdok un: “Samaria tâng chung ah kikhawm unla, a sung ah bang gual buaina tung ah, a lak ua nuaisiana umte chu en tiam un” ti’n gen un.

EZEKIEL 23:30

La thanhuaina leh nawchizokna ziakin zia gual hi la tuak ahi; namtin kiang ah la kizawk thanhuai ziak leh, a milimteu ziak ah la kisubuak zaw ziak uh ahi.

EZEKIEL 22:29

A gam ah mipite’n mi van neisa lâkpiak a chîng un, mi a suam ui; migenthei leh tasamte a tawden un, a ziak umlo in gamdang mite thil a lâkpiak sek ui.

JEREMIAH 5:23

Zia mite hi vang mi lu’lul leh, lungchang ah helmang a hiu; a kihei un, a kigêl mang zo tau hi.

ISAI 59:6

Momgângte chu a sil leh chên un pang pua’n tin, a thilsiam un kuama kivan pua’n au. A thilbawl taphot uh khawlona ngen ahi’n, a khut un thagum sua’na ngen a um hi.

JEREMIAH 6:7

Tuikul in tui thiang tak a pût sek gual in, nunsiatna thak thak a vop zing hi. Thagum sua’na leh suksiatna thu bep a sung in het ahi; damlona leh beliamte chu, ka ma-âng in a um zing hi.