ZEPHANIAH 2:7 - PATHIAN LEKHABU THIANGTHO (BSI)

⁷ Tuisuagiat pâmte chu Judah Inkuan lak ah, a umsun te chanvo hung hi’ntin; zia tak ah chun a gan honteu tatsak intiu in, nitâk lam leh Ashkelon ah chun giak ta’n au. Lalpa a Pathian un amau chu kantha ta’n tin, a vangphatnau hun pia kit ta’n a.

ZEPHANIAH 2:7 Referans Kwoze

ZEPHANIAH 3:20

Ka hun lak khawm phat leh In lam ah hun pui tung ta’ng ka; lei chung ah mi zosia lakah chawihoi leh, minthang ah ka hun bawl ding ziakin la mit mu ngei un, la saltânnau ah kipat ka hun tundin kit tak leh, Lalpa‘n a tii.

EZEKIEL 39:25

Ziaziakchun, Lalpa Pathian in zia gual hin a gen hi: Tu’hin, Jakob vangphatna pia kit ing ka tin, Israel Inkuan zosia chung in ja’ngai ta’ng ka; tichun, ka min thiangtho â dingin thangtawm ta’ng ka.

PAWTDAWNA THU 4:31

Mipite chun a taksang ngal tau ah: Lalpa chun Israel mipite a kantha tai ti leh, a gentheinateu le a mu tai ti a het phat un, a bokkhup ua, Pathian chibai a bûk tau hi.

LUKA 1:68

“Lalpa, Israelte Pathian chu pâk in um ta hen; ama chun a mite a hung kan tha’n, a hung tandok tangal in.

MIKAH 4:7

A kengbaite chu a um sun dingin hawi ing ka tin, pai mang ah umte chu, nam hat tak hiding in siam kit ing ka; LalpaZion tâng ah kipat in, a chung un tu’ kipat kumtuang tiang in vaihawm ta’n a.

MIKAH 2:12

Aw Jakob, la leng un hun pui khawm ngei ngei ing ka tin, Israel um nalai sunte chu hun pui khawm ding ka hi; belam hon a kul ah um khawm gual in, bawng hon hampa mun ah tâ gual in, hun pui khawm ngei ngei ding ka hi; zia ni chuleh, mipi husa chiak veng vung ta’n a.

OBADIAH 1:19

Negeb ah umte chun Esau tâng chu, lua ta’n tiu in, Shephelah mun ah umte chun, Philistinte gam chu lua intiu in, Ephraim leh Samaria gam zosia chule chang ta’n au; Benjamin in Gilead gam lua ta’n a.

JEREMIAH 33:7

Judah vangphatna leh, Israel vangphatna chu tung ding kit ing ka tin, a dinmun masa gual un umsak kit ing ka.

JEREMIAH 29:14

hun kimusak ding ka hi, Lalpa‘n a tii; chuleh, vangphatna hun vuk ing ka tin, nam tinte leh gam tin ah sal ah ka hun nawmangna mun zosia ah kipat in, hun tungding kit in, hun pui khawm ing ka tin, la gam lam un hun pui tung kit ing ka, Lalpa‘n a tii.

ROMTE 11:5

Zia gual ma chun tu’hin le Pathian in a jangaina ziak ah mi a têlte khenkhat a um zing ui.

NASEPTE 8:40

Himaleh, Philip chu Azota khua mu in a um kit a; khawpi chuam chuam in thu a gen vêl vêl ah, Kaisaria tiang in a hung pek hi.

NASEPTE 8:26

Ziaphatchun, Lalpa vansawlchâk pakhat hin Philip kiang in, “Kipan in la, gamkeu ah lampi, Jerusalem ah kipat Gaza lam zotna simlam zuan ah kithung kha zui in,” a ti’n.

LUKA 7:16

Mi zosia chu a lau tau a; Pathian a chawihoi ua, “I lak un jawlnei lopi tak khat a hung pawt ah, Pathian in a mite a hung kantha ta ahi,” a tiu a.

MIKAH 4:10

Aw Zion chanu, numei nauvei gual in thûm in, hagial in; tu’hin, khawpi ah kipat pawtdok in, gamlak ah giak ding la hi tai; Babulon tiang in chia pek ding la hi. Zia tak ah chun la mêlmate khut ah kipat in, hukdok in um in la tin, Lalpanangma hun tandok ding ahi.

JEREMIAH 32:44

Sumchang in loute hun chaw’n, kichawkna lekhate zik det ah châl bit in, hiatpitu dingte le siam ta’n au; Benjamin gam ah te, Jerusalem khua kiang vêl ah te, Judai khawpite, tâng gam khawpite, Shephelah ah khawpite leh Negeb ah khawpite ah chunle; mipite chu a gam un tungding kit ding ka hi tâk ziakin, Lalpa chun a ti a hi.

JEREMIAH 31:7

Lalpa‘n zia gual hin a gen hi: Jakob â dingin kipakna Lâ ngai tak in sau inla, namtin lak ah lopi penpa pâkna’n kiko un; ama pâkcha’n, “Aw Lalpa, la mipi, Israel um sunte chu hukdam in,” ti ah kiko in, puangjak un.

JEREMIAH 30:3

Lalpa kamsuak chu: Ka mipi Israelte leh Judate vangphatna ka hun piak kit ah, a pu leh pateu kiang ah ka la piakna gam hun lua kit ding ah ka hun puitungna ding hun chu hung tung ngei ding ahi, Lalpa‘n a tii.

JEREMIAH 23:3

Ziaphat chuleh, ka gan-gual um sunte chu, ka nawjakna gam tin ah kipat in keima’n hawl khawm kit ing ka tin, a huang sung un hawl lut kit ing ka; tichun, hung pung in hung tam ma ma kit ta’n au.

JEREMIAH 3:18

Zia ni phat chuleh, Judah Inkuan ah mite chu Israel Inkuan ah mite’n hun zawm ta’n tiu in; tichun, mallam gam ah kipat hung pawt khawm in, a pu leh pateu kiang ah a gochan ding ua ka piakna gam ah hin hung khawm ta’n au.

ISAI 11:11

Zia ni phat chuleh, Lalpa‘n a mite lak ah a um nalai sunte chu, Assuria, Aigupta, Pathros, Ethiopia, Elam, Shinar, Hamath leh tuisuagiat pang ah gam zosia ah kipat huai khawm dingin a khut chu a vêl in hun lâm kit ta’n a.

SAM 85:1

Lalpa, la gam hi la doisak hen; Jakob vangphatna la pia kit tai.

THILSIAM THU 50:24

Joseph in a suapite kiang in, “Thi ding ka hi tai; himaleh, Pathian in hung kantha ngei ngei intin, Abraham, Isak leh Jakob kiang ah kihaksial ah piak ding ah a tiamna gam ah um ding in, zia gam ah kipat hin hung puidok ding ahi,” a ti’n.

HAGGAI 2:2

Shealtiel chapa Judai gam awppa Zerubbabel leh Jehozadok chapa, thiampu lianpen Joshua leh, mipi nutsia ah um nalai sunte kiang ah chun zia gual hin vagen in:

HAGGAI 1:12

Ziaphatchun, Shealtiel chapa Zerubbabel, Jehozadak chapa thiampu lianpen Joshua tawh nutsia ah um sunte chu tawh, a Pathian awu leh Lalpa a Pathian un a sawl gual in, jawlnei Haggai thu chu a zawm tau a; tichun, mipite chun Lalpa chu a lau tau hi.

ZEPHANIAH 2:9

Ziaziakchun, Israelte Pathian, sepai honte Lalpa chun: Moab chu Sodom gual in, Ammon chu Gomorrah gual in bawl ing ka tin, ham lingnei ke’na leh chi khûk, kumtuang ah mat tâk lo gam suak ta’n a. Ka mipite lak ah a umsun te’n suam intiu in, ka mi a um nalaite chun lua ta’n au.

ISAI 14:1

Himaleh, Lalpa chun Jakob hun lainat kit intin, Israel chu hun têl kit ta’n a; chuleh, a gam uh tungding kit in a. Chuleh, gam dang mite tawh kizop ta’n tiu in, Jakob Inkuan lak ah hung pang ta’n au.

RUTH 1:6

Moab gam ah a um sung un, Lalpa‘n a mite nêk ding pia’n, a ve thâk dan a het ziakin, Moab gam ah kipat in a mo te ni chu tawh kile’kit dingin a hung kipan tau a.

SAM 80:14

Aw, sepai honte Pathian, hung kihei kit ta’n; van ah kipat in hun en suk inla, zia grep gui hi hun kantha ta’n;

ISAI 11:16

Tichun, Aigupta gam ah kipat, Israelte hungna ding lampi a um gual khan, a mipi nutsia ah um sunte â dingin, Assuria ah kipat in lamlian hung um ta’n a.

ISAI 32:14

Lal In chu taisan ah um in, mipi ah dim khawpi chule, nutsia ah hung um ding ahi ngal un; tângsâng leh a chung ah gâlvênbûk chu, gammâng hung hiden ta’n tin, gam sabiltungte kipakna mun leh, belam hon tatna mun hung hita’n a;

JEREMIAH 29:10

Lalpa‘n zia gual hin a gen hi: Babulon â ding ah huntiam kum sawmsagi a bei phat leh, hung kantha bep ing ka tin; zia phat chuleh, la kiang ua ka thutiam guitunsak in, zia mun ah hin hun pui tung kit ing ka.

JEREMIAH 33:12

Sepai honte Lalpa‘n zia gual hin a gen hi: Zia khawpi mun, gammâng, mihingte leh ganchate um lo’na chun, belam honte â ding ah gam pha leh a chawldamna mun uh hung um kit ta’n a.

JEREMIAH 47:5

Gaza ah chêngte a lungdong gam tau ah, Ashkelon ah chêngte le a thip chil chel tau hi. Aw, a thilhitheinau um nalai sunte haw! Bang chan kisugenthei nalai ding la hiu em?

HOSEA 6:11

Ka mi saltângte ka puidaw kit phat leh, Aw Judah, nang â dinginle, bu lâk hun chu guatsa ahi tai.

ZEPHANIAH 3:13

Israelte lakah a um sun hita’n au; amau chun thil phalo bawl pua’n tiu in, zuau gen pua’n tiu in, a kam un thepna thu le pawt him him pua’n a. Ziaphat chuleh, ne vâ in, lum intiu in, kuama’n sulau ta pua’n au.

ISAI 11:14

Tumlam ah Philistinte do khawm intin uh, sualam ah mite suam in pang khawm ta’n au. Edom tawh Moab do-na’n a khut lâm khawm ta’n tin uh, Ammonte’n le a thuu jawm ta’n au.