ZEPHANIAH 2:3 - PATHIAN LEKHABU THIANGTHO (BSI)

³ Gam sung ah mi kingaitawm ah, a thupiakte zui tapo in Lalpa hawl tau in; diktat un la kingaitawmna hawl tau in; Lalpa lungnatna ni ah sêl gûk ah la um thei khâk leh.

ZEPHANIAH 2:3 Referans Kwoze

SAM 76:9

vaihawm ding ah Pathian a hung kipat ah, lei ah nuaisia ah um zosia hukdok ding ah, a hung kipat lai ah khan.

SAM 22:26

Migentheite chun ne’n tiu in vâ in au; ama hawlte chun Lalpa pakcha’n au. La lungthim uh kumtuang in hing zing ta hen!

JONAH 3:9

I manthailo’na ding un; Pathian chun a lung khiam in, a lungnatna huaisia tak ah kipat chun kihei kit in ah ti kua a hem hethei ding?” a tia.

SAM 105:4

Lalpa leh a hâtna hawl unla, a mêl hawl zing tau in.

HOSEA 10:12

Dikna nang uh â dingin kituu inla, ja’ngaina ât tau in; la pâmtûl lou uh kikhet nêl tau in; Lalpa chu a hung ah, la chung ua dikna gua a zuk sak theina dingin, ama chu hawl hun ahi.

JEREMIAH 39:18

Matheilo in hun hukdok tei ding ka hiziak in, chemjam ah thâlup in um pua’n la; keima lei ginchâk ziakin la hinna chu gâl lâk ah taidok gual in um ta’n la, Lalpa‘n a tii, ti in.

THUPILTE 18:10

Lalpa min hi kulpi det ahi hen, midik in zia chu a bêl in humbit in a um sek hi.

SAM 57:1

Ei lungsiat inla, aw Pathian, ei lungsiat in; ka hinna’n nangma a hun bêl in, siatna huipi a kithial masia, la thalîm nuai hun bêl ing ka.

2 PETER 3:18

I Lalpa leh Hukdampa Jesu Khrista hepina leh hetna ah chun khanglian zaw tau in. Tu’ leh kumtuang tiang in ama kiang in lopina um ta hen. Amen.

JEREMIAH 45:5

Nang in, nang â ding ah thil thupi tak hawl la hi em? Zia gual chu hawldâ mai in; mi zosia chung ah siatna hun tun ding ka hi’ngal a, Lalpa‘n a tii; himaleh, mun tin ah la chiana taphot ah, nangma â ding ah la phatna dingin la hinna hun pia’ng ka,” ti in a gen tai.

SAM 91:1

Nang Chungnung Penpa bitna mun ah chêng ah, Bangkim Hi’theipa lîm nuai ah um zingte chun,

1 PETER 3:4

lungthim sunglam ah mihing kisêlgu, lungthim thunuaigolna leh nunnemna, puansil setheilo ah kicheina hizaw hen; zia chu Pathian mit mu in a lûl ma ma hi.

1 PETER 1:22

Thutak mat ziak ah la hinnau la sukthiantho tâk ziak un, kihepituana dik tak la nei thei tau a; lunggil tak in kihepitua chiat tau in.

1 THESSALONITE 4:1

Chutichun, suapite haw, a tawp pen in la umdan ding uh leh Pathian la kipaksak dan ding uh, tu’ la umdan uh, keimau ah kipat la zil uh hi, la hau diakna ding un Lalpa Jesu ah chun ka ni un ka tilkhau la hiu.

MATTHAI 5:5

Mi zaidamte chu mi hampha a hiu; Lei go hi lua ding ahi ngal un.

SAM 31:20

Amau chu la humbitna lîm ah sêlgu’n, mihingte guanggalna phalo lak ah, kipat in, humbit inla tin; nialhatna lei lak ah kipat in, la bûkcha sung ah sêlgu ta’n.

ISAI 11:4

himaleh, dik tak in migentheite vaihawm piak intin, lei ah mi nunnemte le kibang chiat in, thutanna bawl piak ta’n a; a kam ah mol chun lei hi jep intin, a mûk ah hû chun mi nunsiate that in a.

HOSEA 7:10

Israel kisaktheina chun a thiamlo zia a sulang in; zia zosia ah chunle Lalpa, a Pathian kiang lam un a kihei kit puau a, ama le a hawl diak puau hi.

ISAI 61:1

Lalpa‘n sathau ei nu’ tâk ziakin, Lalpa Pathian thagau chu ka chung in a chu ta’n; tawden ah um gentheite kiang ah hukdamna chanchinpha vagen a, lungthimnate sudam ding leh, saltângte zalenna ding phuangdok ding leh, suangkul tângte thâdokna ding thu gen dingin ei sawl ta’n;

SAM 149:4

Lalpa‘n a mite a kipakpi sek ngal a; mi kingaitawmte chu gualzawna’n a cheimawi sek hi.

PAWTDAWNA THU 12:27

‘Zia hi Aigupta mite a thâ lai ah ei uh Aigupta gam ah um Israelte In chopkânpa Lalpa Chiakân Kût kithoina chu ahi,’ la ti ding uh ahi,” a tia. Chutichun, mipite chun a luchang uh kûn chiat in a ho tau hi.

1 THESSALONITE 4:10

Makedonia gam ah unau zosia chung in zia chu la hi ngei uh ahi.

ZEKARIAH 8:19

Sepai honte Lalpa‘n zia gual hin a gen hi: “Judah Inkuan ah mite â dingin, tha li’na anngawlna, tha nga’na anngawlna leh tha sagi’na anngawlna leh tha sawmna anngawlna nikhuate hi, kipakna leh limna, Judah Inkuante’n kipak tâng gual chiat ah a mat dingteu chu ahi; ziaziakchun, dikna leh kichamna chu thangai tau in”.

2 SAMUEL 12:22

Ama chun, “Nausen kha a dam lai in anngawl ah pauchap him ka hi; Lalpa‘n ei hepi ah, nausen hi a hun damsak kit ziang thei khâk leh ka ti ahi.

SAM 45:4

Gual zo ah ja’um tak in hung inla, la khut changlam in thu tak leh, dikna la thilbawl tizat um takte hun hil ta hen.

ISAI 1:17

thilpha bawl zil un; vaihawmna dik hawl unla, tawden ah umte hukdok unla, nauchagate hûk unla, meithâite genpi un.

EZEKIEL 13:5

Lalpa ni guat kido’na hun ah, Israel Inkuan a pan zaw theina ding in, a bâng siatna mun vêng ding leh a siatna siampha nuam a um puau hi.