ZEPHANIAH 1:13 - PATHIAN LEKHABU THIANGTHO (BSI)

¹³ A hausaknau chu suam in um intin, a Inteu chule a hawm ah nutsia hung hi’n a. Inte sa maleu, chênna’n nei diak pua’n tiu in; grepte phu maleu, a grep phuteu tui chu dawn diak pua’n au.

ZEPHANIAH 1:13 Referans Kwoze

AMOS 5:11

Migentheite la tawden un, A bu neisun lei man ding ah lak piak a, chênna ding suang In kisak maleu, a sung in chêng diak pua’n lau; grep huan pha takte la bawl un, maleh, a gatui dawn pua’n lau.

MIKAH 6:15

Buchi tû lechinle, ât diak pua’n la; Oliv hêk lechinle a thau in kijut diak pua’n la; grep gate sûk lechinle, a tui dawn diak pua’n la.

DAN LEKHABU 28:30

La ji ding ua la hualsau chu pawsal dang khat in a la luppi ta’n au. In sa maleu chin chêng pua’n lau. Grep huan bawl maleu chinle ne diak pua’n lau.

EZEKIEL 7:21

Gâl lâk dingin nam dangte khut ah pia’ng ka tin, khawvel ah mi nunsiate suam dingin pia’ng ka; amau chun mi chu subuak ta’n au.

JEREMIAH 15:13

La chênnau gam zosia hin, la gitlonau zosiate ziakin la hausaknau leh la goteu chu a thawn in gâl lâk dingin pedok ding ka hi.

JEREMIAH 9:19

Zion ah kipat kâ thawm gi het ahi: “I siatnau a huaisia na e! I gam uh I nutsia tâk ziak un, amau in I chênnau Inte a suksiat tâk ziak un, I mualpho na lawm lawm uh e!”.

DAN LEKHABU 28:39

Grep huan siam in thohâ leu chinle, a tuite chu dawn pua’n la tiu in, a ga le lou diak pua’n lau; lung in ne zo ding ahi ngâl a.

ZEPHANIAH 1:9

Zia ni chun, buphual chopkân ah, huhamna leh thepna a pu In hi’dim zosiate chu gawt ding ka hi.

MIKAH 3:12

Ziaziakchun, nangma ziakin Zion chu, lou gual ah kaibuat in hung um in a; Jerusalem chu ki’dak buaksia paikhawmna mun hung hi’ntin, tempul umna mual chule gammâng thingbuk lak hung suak in a.

EZEKIEL 22:31

Ziaziakchun, ka lungnatna ka but khum ta’n; ka lungnatna mei in ka hâltum tai; a umdan dungzui un ka thuk ta ahi, Lalpa Pathian in a ti ahi,” ti’n a gen a.

EZEKIEL 7:19

A dangka thîkteu kotzingte ah thejak intiu in, a sanateu le buaksia gual in koi ta’n au. Lalpa lungnatna nikhua chun, a dangka leh sanateu chun hukdok thei ta pua’n a. Ziate ah chun a gilkialnau nêm pua’n tin, a gil uh le vâsak diak pua’n a. Zia chu a khawlo’nau ah a kisuinau ahi tâk ziakin.

JEREMIAH 9:11

Jerusalem chu thilsia kisunvûmna leh, ngei hon kul in siam ing ka tin; Judai gam ah khawpite chu, kuama chên lona, khawhawm in siam ing ka.

JEREMIAH 5:17

La louma suak leh bute hun nêk zaw piak intiu in, la chanuteu leh la chapateu hun nêk zaw piak in au; la belam hon leh bawng honteu hun nêk zaw piak in, la grep leh theichang gateu le hun nêk zaw piak in au. Chuleh, la kisuanpi ma mau khawpi kul det tak neite chule, a chemjam un hun hisia’n au.

JEREMIAH 4:20

Siatna a thua thua in a hung tung a, gam pumpi chu suksiat ahi tai. Ka puanbûkte chu phutlo halo ah suksiat ahi’n, ka puanjakte chule mitphet kâl sung ah, suksiat a hi zo tai.

JEREMIAH 4:7

La gam uh subuai ding leh, la khawpiteu kuama chêng talo ding ah, susia dim dem dingin, namtin hise ding sakeibaknei chu, nângbuk ah kipat in a hung pawtdok in, a umna’ kipat in a hung kipandok tai.

ISAI 6:11

Ziaphatchun keima’n: “Aw Lalpa, bang chan ahi diam?” ti’n ka dong a. Ama’n ka kiang in: “Khawpite a lua ding um lo ah nutsia a hung hiu a, Inte le a chêng ding um lo ah, gam pumpi hisiat dim dem ah, a hawm ah nutsia ahi masia;

DAN LEKHABU 28:51

A hun gawt chimit kêi masangsiau, la gan-gualteu leh la lei gateu ne’n tiu in; bu te, uain te, sathau te, bawngno te leh la belamno honteu hun nêk gam piak in au.

JEREMIAH 17:3

La gam pumpiu ah la hausaknau zosia tawh, la go thil nei zosiau chu, la gitlo man un gâl lâk sum ah midangte hun chom nâmsak ding ka hi.

KÂ LATE 5:2

Go ah ka luateu la, nam dangte kiang ah piak daw a hitau in, ka Inteu le gam dang mite piak a hitau.

EZEKIEL 7:24

Khawvel ah nam gilo pente a In uh lua dingin, hun pui lût ing ka. Mi kiletsakte chapona hi’bei ing ka tin, a mun thiangthoteu sukbuak in um ta’n a.