TITA 1:4 - PATHIAN LEKHABU THIANGTHO (BSI)

⁴ ginna ka kikoppi, ka chapa Tita kiang ah chun: Pa Pathian leh Lalpa Khrista Jesu I Hukdampau kiang ah kipat hepina leh jangaina leh chamna um ta hen.

TITA 1:4 Referans Kwoze

2 TIMOTHI 1:2

Ka cha doitak Timothi kiang ah, Pa Pathian leh, Khrista Jesu I Lalpau ah kipat hepina, jangaina leh chamna um ta hen.

JUDA 1:3

Doitakte haw, I kikop uh hukdamna thu la kiang ua tha nuam tak ah zik ka guat lai in, mithiangthote kiang ah ginna vopsak ah umsa thu’n phatchuamngai tak ah pang ding ah tilkhauna thu gen ngai zaw ta’n ka hia’i.

2 PETER 1:11

Tichun, Jesu Khrista I Lalpa leh Hukdampau kumtuang gam ah lûtna chu musak in au.

2 PETER 1:1

Simon Peter, Jesu Khrista suak leh nungzui hin, Jesu Khrista I Pathian leh Hukdampa dikna ziak ah ginna man tam tak I chan gual changte kiang in:

2 KORINTH 2:13

himaleh, ka unaupa Tita ka mu lo ziakin, ka lungthim a muang puai. Tichun, amau nusia in Makedonia lam in ka chia tai.

2 PETER 3:18

I Lalpa leh Hukdampa Jesu Khrista hepina leh hetna ah chun khanglian zaw tau in. Tu’ leh kumtuang tiang in ama kiang in lopina um ta hen. Amen.

2 KORINTH 8:23

Tita ahileh ka gualpa leh nangmau lam ah ka naseppi ahi’n, ka suapite hi chu, kochuamte sawlchâk, Khrista lopina chu a hiu.

ROMTE 1:12

Zia chu nangmau leh keima ngei ah ginna um ziak ah chun, I kithamuan tua theina ding uh ahi.

JOHAN 4:42

Chuleh, amau chun, numei kiang ah chun, “Tu’hin vang nang thugen ziak ah gingcha ka hita puau in, keimau ngei in a thu ka hiau ah, zia hi Messiah, khawvel hukhingpa chu ahi ngei hi ti ka he tau hi,” a tiu a.

1 JOHAN 5:14

Chuleh, a ma-âng ah I hânsannau chu zia hi ahi, ama doi gual I dot taphot uh ama’n ei ngaithâk piak hi ti hi.

2 PETER 3:2

Jawlnei thiangthote thugen lawk leh, la sawlchâkteu kam ah Lalpa leh Hukdampa thupiak chu la het zingna ding un.

2 PETER 2:20

Lalpa leh Hukdampa Jesu Khrista a het ziak ua khawvel buaknate a taisan nung un, zia ma chun a kihên awk kit ua, thatzaw ah um kit in, a umdan nunung uh chu a masa sâng in a sia zaw tai:

TITA 1:3

himaleh, I Pau Pathian thupiak dungzui ah ka kiang ah piak ah um, a hun tak ah thugen sek pa hin,

KOLOSSA 1:2

Kolossa khua Khrista mi thiangthote leh suapi ginumte kiang in; I Pau Pathian kiang ah kipat hepina leh chamna, la kiang un um ta hen.

EPHESA 1:2

I Pau Pathian leh Lalpa Jesu Khrista ah kipat hepina leh chamna um ta hen.

GALATIA 2:3

Himaleh, Tita ka kiang ah um chule Grik mi himaleh, zektansak tei tei ahi puai.

2 KORINTH 12:18

Tita chu ka jawl ah, ama tawh suapipa ka hun sawl hi. Tita chun nanghaw ziak ah phatchuamna a nei em? Lungthim munkhat ah um khawm hilo ka hiu em? Kalsuan kibang ah suan khawm hilo ka hiu em?

2 KORINTH 8:16

Ka hun ngaikhawkna gual Tita lunggil ah le pepa Pathian kiang in kipak thu um ta hen.

2 KORINTH 8:6

a bul a la patsa, zia hepina nasep hi nangmau ah hi’buting ngal dingin Tita chu ka don tau a.

2 KORINTH 7:6

Himaleh, lungkete thamuanpa Pathian in, Tita hung ziak chun ei thamuan in,

2 KORINTH 4:13

Himaleh, ginna Thagau kibang I nei chiat gual un, Pathian Lekhathu’n; “Ka ging ah ka gen ahi” a ti gual in, I gin ziak un I gen uh ahi.

ROMTE 1:7

Rom khua Pathian doichuam tak, mithiangthote hiding ah ko zosiate kiang a chun: Pathian, I Pau leh Lalpa Jesu Khrista kiang ah kipat hepina leh chamna la kiang un um ta hen.

LUKA 2:11

Nang uh â dingin tu’ni hin David khawpi ah Hukdampa a hung piang tai, Lalpa Messiah chu.

GALATIA 3:26

Khrista Jesu gin ziakin Pathian chate la hung hi chiat tau hi.

GALATIA 3:28

Zia tak ah chun Juda mi a um ta pua’n, Grik mi le a um ta puai; zia chun suak a um ta pua’n, suak lo le a um ta puai; chuleh, pawsal leh numeile a um chuam ta puai. Khrista Jesu ah chun la leng un pumkhat la hingal un.

1 TIMOTHI 1:12

Keima hatna ei pepa, Khrista Jesu I Lalpau kiang in kipak thu ka gen hi; ama chun ginum ah ei ngai in, a nasêm ding ah ei pansak ziakin.

2 TIMOTHI 1:1

Paul, Khrista Jesu ah um hinna thutep dungzui ah Pathian doi gual ah Jesu Khrista sawlchâk hin:

2 TIMOTHI 4:10

Dema chun tu’lai khawvel a ngainat ziakin ei nusia in, Thessalonika khua’n a chia tai; Kresen chu Galatia gam ah, Tita le Dalmatia gam lam in a chia tau hi.

TITA 2:13

kinepna kipak um, I Pathian lopi tak leh Hukdampa Jesu Khrista kilâkna chu ngâk dingin ei hil a.