THUPUAN 8:7 - PATHIAN LEKHABU THIANGTHO (BSI)

⁷ Vansawlchâk pakhatna chun a hun mût leh, gial leh mei thisan tawh kihel a hung pawtdok a; ziate chu lei ah a hun paitha tau a. Lei chung mun thum ah khen mun khat, thing mun thum ah khen mun khat, chuleh, hampa hing zosia chule a kâng tum tai.

THUPUAN 8:7 Referans Kwoze

THUPUAN 9:4

A chal ua, Pathian tepte’na neilote longal chu lei ah hampate leh thai thilhingte leh thingte le bangma law lo ding ah thupiak a hiu.

EZEKIEL 38:22

Ama do-na’n natpi leh kitualthâna a chung in tunsak ing ka tin; chuleh, ama tawh a sepaite chung in, gua, gial, mei leh kât zuksak ding ka hi.

THUPUAN 9:18

A kam ua kipat pawt, mei leh meikhu leh kâtte chun mihing mun thum ah khen mun khat a that tai.

THUPUAN 9:15

Mihing mun thum ah khen mun khat that ding ah, a ni, a tha, a kum a guat piak sau vansawlchâk palite chu a hun thâdok tau a.

ISAI 28:2

Ngai un, Lalpa‘n mi hat tak leh, thil hi’thei tak khat thigawpi leh, gial kithua gual, tuikhanglian gual ah hat, thil tokmang zo a nei in, ama chu lei tual ah hun septha ding ahi.

SAM 105:32

Gawpi thasâng in gial a pia’n, a gam pumpi sal êng hial in kawlte a phiai.

THUPUAN 16:21

Van ah kipat in gial lian tak tak, pakhat gik dan chu talent khat bûk chu mihingte chung in a ke ta’n; zia gawtna chu a nasa ma ma ah, zia gual ah gawt ahi’nung unle mite chun Pathian a gensia nalai ui.

ISAI 32:19

Chuleh, gammâng sukdai hi’ntin, tichun, khawpi chule nuaisia in um ta’n a.

ISAI 30:30

Ziaphat chuleh, Lalpa chun lungna tak in mi kângtum thei meikuang tawh, têk leh van-gi tawh gial kithua in hung intin; a aw lopi tak chu het in um in tin; mu dingin a khutbân hun vai suk ding ahi.

ISAI 29:6

nangma chu vang sepai honte Lalpa‘n van-gi tawh, linlîng tawh, husa nasa tak tawh, chîmpei tawh, thigawpi tawh, meipi kuang tawh kithua in, hung kantha ta’n a.

JOSHUA 10:11

Israelte ma-âng ah jam mang ah Beth-Horon kenliang ah a tai suk lai un, Lalpa‘n van ah kipat in gialchang lianpi pi, Azekah tiang in a chung ua a hun kiaksak ziakin, Israelte’n chemjam ah a thalup sâng un gialchang in a se’lup a tam zawu hi.

THUPUAN 16:2

Tichun, vansawlchâk pakhatna chu a chia ah, a belbu chu lei ah a buntha ta’n: Ziaphatchun, sahâng tepte’na neite leh a lim ho-te zosia chung in meimasia huaisia leh na tak a chu tai.

THUPUAN 12:4

A mei in van ah aksi mun thum ah khen mun khat jat chu a luaitha, lei a chun a septha; zia numei nau chu a suak phat leh a la val zo ziang dingin numei âng ah chun a ding zing a.

THUPUAN 6:8

Tichun, ka et leh, sakol dâng khat ka mu kit ah; a chung ah chuangpa chu Thina a kiti’n; mithikhua chun a hun zui a. Chemjamte, kialte, hipite leh gamsate mang a lei mun li khen mun khat chung ah, mite thâ theina ding thilhitheina piak ahi.

1 PETER 1:24

“Mitin hi hampa gual bep a hiu a, a lopinau zosia le hampa pakcha gual bep ahi. Hampa chu a vuai ah, pakcha chu a pul mai sek hi;

JAKOB 1:11

Nisa a hung suak ah, a satna’n loulai a hun kâng vuai ah; a pâkte chu a pultha’n, a hoinate chu a bei sek hi. Mihausa chule zia gual tho chun, hinkhua buaina lak ah a um zing lai un vuaitha ding a hiu.

JOEL 2:30

Lei leh vante ah zilgaina, mêlchiknate thisan leh mei leh meikhu kitungte hun etsak ing ka.

PAWTDAWNA THU 9:33

Tichun, Mosi’n Pharaoh a nusia in, khawpi pawlam in a pawtdok ah, a khutte chu Lalpa lam in a jakdok a; ziaphatchun, van-gi leh gialpi chu a chawl ta’n: gua chule lei chung ah chun a zu ta puai.

THUPUAN 7:1

Ziazaw chun, khawmual leh tuisuagiat leh thing chung ah te, hui a hân lona ding in, lei ah hui kot palite chu khak bing dingin vansawlchâk pali ding ka mu.