THUPUAN 8:3 - PATHIAN LEKHABU THIANGTHO (BSI)

³ Vansawlchâk dang pakhat a hung ah, gimtui hâlna sana kuang a hun chawi ah, mâichâm ah chun a ding ah; chuleh lalchutpha ma ah sana mâichâm chung ah chun mithiangthote pauchapna tawh gimtui tam tak a hun piau a.

THUPUAN 8:3 Referans Kwoze

THUPUAN 5:8

Lekhabu chu a lâk phatin, thilhing palite leh upa sawmni leh palite chu Belamno ma-âng ah chun a bokkhup tau a, tingtang leh sana belbu gimtui ah dim a chawi chiat un; zia chu mithiangthote pauchapna chu ahi.

THUPUAN 8:4

Tichun, mithiangthote pauchapna chu tawh kiton in, vansawlchâk khut ah kipat gimtui khu chu Pathian âng sung in a jam to ta’n.

SAM 141:2

Ka pauchapna gimtui gual in la ma’n khu to hen la, ka khut hun jakte hile nitâk lam kithoina gual hi hen.

LUKA 1:10

A gimtui hâl sung ah chun mipi zosia In mai ah pauchap in a la um un.

THUPUAN 9:13

Chun, vansawlchâk pagukna chun a pengkul a mût leh, Pathian ma-âng ah sana mâichâm kî palite ah kipat in aw ka hia’n,

MALAKI 1:11

Ni suakna lam ah pat a tumna tiang in ka min namtin lak in a thang ta ngal a; muntin ah ka min in gimtui leh thillat thiangtho chu lat ahi ngal a; namtin lak in ka min chu a lopi ngal a, sepai honte Lalpa chun a ti ahi.

HEBRAITE 9:4

zia chun gimtui hâlna sana bêl, thuthung thingkuang, sana tui ah luan khum chu tawh, a sung ah manna koina sana bêl tawh, Aron tiang seldok kha tawh, thuthung suangpêkte a um a.

PAWTDAWNA THU 40:26

Sana mâichâm chu kikhopna biakbûk sung ah puanjak pawlam ah chun a koi a,

HEBRAITE 7:25

Ziaziakchun, amau pauchap piak ding ah kumtuang ah a hin ziakin, ama ziak ah Pathian hun naite chu a tawp tiang in a hukdam thei hi.

ROMTE 8:34

Thiamlo chansak chu kua a hem? A hung thi Khrista Jesu kha ahi; ahi ngût hi, a thokit ah Pathian khut changlam in a um ah, ama chun ei pauchap piak zing ahi.

AMOS 9:1

Mâichâm bul ah Lalpa ding lai ka mu’n, zia gual hin a gen a: Kotbulte kithin hial masia khuampite chu khên in; a kithing bongte chun mipite luchang khen gawp hen la; zia thibang cheng chu chemjam in that ing ka; pakhatle tai mang lo in, khat ziang le suakcha pua’n au.

1 LENGTE 7:50

kuangdalte, thaumei phita chênate, maiphiatna kuangte, thikhaikhawte, sana thiang kopzate, mun thiangpen leh In sungnung kotkhakte â ding leh, Tempul mêlchikna In kotkhakte â dingle a bawl hi.

THUPUAN 7:2

Vansawlchâk dang pakhat, Pathian hing tepte’na chawi ah, nisuana na kipat hung kum ka mu; ama chun mualkâng leh tuisuagiat suksiat theina piak ah um vansawlchâk palite kiang ah chun aw ngei tak in:

THUPUAN 6:9

Chun, tepte’na pangana chu a hun tham kit a; ziaphatchun, mâichâm nuai ah chun, Pathian thu ziak leh a thugin uh a tûkdet ziak ua thâ ah umte thagau chu ka mu’n.

THUPUAN 10:1

Vansawlchâk hât tak a dang khat, sûm ah kithuam, van ah kipat hung ka mu; a luchung in uizo a jam ah, a mêl chu nisa gual in a vâk ah, a keng chu mei khuam gual ahi.

KISIMNA LEKHABU 4:11

Sana mâichâm chung ah puan a dum khat phâ intiu in, zia chu tuisai vun a khu’khum ding uh ahi; a jawnna ding molte chule a tua ding uh ahi.

ISAI 6:6

Ziaphatchun, Vansawlchâkte lak ah khat chun, châiche khat in mâichâm ah meiâm vachepdok in, ka kiang lam in a hung leng phei a.

EZEKIEL 41:22

thing ah kisiam mâichâm, tong thum ah sâng, tong ni ah sau, tong ni ah lian pakhat a um ah; a ningte, a taw leh a bâng zosia chu thing ngen ahi. Ka kiang in, “Zia hi Lalpa âng ah dawkan kiti chu ahi,” ti’n ei hil a.

THUPUAN 8:5

Vansawlchâk chun gimtui hâlna kuang chu a la, a sung ah chun mâichâm ah meiâm chu a thundim ah, lei lam ah a paitha ta; ziaphatchun, awte, van-gite, kawlphete leh linlîngte a hung um ta.

THUPUAN 14:18

Vansawlchâk dang pakhat, mei chung ah thunei pen chu mâichâm ah kipat in a hung pawt a; ama chunle aw ngai tak in, “La kawite hiam tak kha pan inla; lei ah grep ga bawkte khu ât in; zia grep gate chu a minjun zo tau hi,” ti’n kawite hiam tak neipa kiang ah chun a hun gen a.