THUPUAN 8:2 - PATHIAN LEKHABU THIANGTHO (BSI)

² Ziaphatchun, Pathian ma ah vansawlchâk pasagi ding ka mu’n; pengkul pasagi a hun piau a.

THUPUAN 8:2 Referans Kwoze

THUPUAN 11:15

Chun, vansawlchâk pasagina chun a pengkul chu a mût leh, van ah aw thupi tak a hung gi’, “Zia khawvel lenggam hi Lalpa leh, a Khrista gam a hita hen; ama chun kumtuang in vaihawm ta’n a,” a hun tia.

LUKA 1:19

Vansawlchâk chun a dawnhu ah, a kiang in, “Keima hi Pathian ma ah ding sek Gabriel chu ka hi; la kiang ah, zia chanchin kipak um tak hi hung gen ding ah sawl ka hi.

THUPUAN 8:6

Ziaphatchun, vansawlchâk pasagi pengkul pasagi chawite kha mût dingin a hung kisa tau a.

MATTHAI 18:10

Ziaziakchun, zia naupang neuchate lak ah pakhat ziang le musit lo dingin chingthei ta un; ka hun hil la hiu, a vansawlchâkteu in van ah um ka pa mel a mu zing uh ahi.

THUPUAN 16:1

Tempul ah kipat aw ngai tak hin, vansawlchâk pasagite kiang ah chun, “Chiau inla, Pathian lungnatna belbu pasagite chu lei ah vabuntha tau in,” a ti ka he.

THUPUAN 15:1

Van ah chun tepte’na lopi leh lamdang tak khat ka mu’n; vansawlchâk pasagi, gawtna chi sagi chawi a um un; zia gawtna chu Pathian lungnatna kichaina ahi tangal a.

ZEKARIAH 4:10

Kuale, thil neucha nite musit taphot chu hung kipak intin; Zerubbabel khut ah etdikna um chu a la mu ngei in au. Zia mit pasagite hi Lalpa mit, kawlkil zosia mu suak chu a hi, a ti’n.

MATTHAI 24:31

Pengkul gi nasa tak tawh, a vansawlchâkte hun sawldok intin, kawl kil li ah kipat, van tawp langkhat lam ah kipat a langkhat lam tiang in, a mi têlchuamte chu hun lakhawm in au.

LUKA 21:36

Kiging zing unla, zia haw zosia chu la pumpel ua, Mihing Chapa âng ah la din theina ding un pauchap zing un, a tia.

1 KORINTH 15:52

ahi’n, pengkul chu a hung git phat leh, mitphet kâl sung bep ah thakhat ah I leng un sukdanglam in um chiat hitiu; pengkul chu hung gi ding ahi ngal a. Ziaphat chuleh, mi thisate chu a mangthai thei talo ding ah kaithaw hi’n tiu in, eihawle sukdanglam in um chiat tai tiu.

1 THESSALONITE 4:16

Lalpa ngei chu thupiak kiko thawm tawh, vansawlchâk chungnungpen kona tawh, Pathian pengkul gi tawh, van ah kipat hung ding ahi ngal a: Chuleh, Khrista ging ah thi tate kha tho masa’n tiu in;

THUPUAN 1:4

Kei Johan hin, Asia gam ah kochuam pasagite kiang ah chun, a um lai tak leh, a umsa leh a hung um ding ah kipat leh a lalchutpha âng ah um, thagau pasagite ah kipat chun;

THUPUAN 8:13

Ziazaw chun, ka et leh muthongpi khat vanlai jawl ah leng in, aw ngai tak in, “Vansawlchâk pathum um nalaite chun a pengkul uh a mût phat ua leh, lei chung ah um nalaite chung a gik hi, a gik hi, a gik hi!” a ti ka hia’n.

THUPUAN 9:1

Vansawlchâk pangana chun a pengkul a mût leh, aksi pakhat van ah kipat lei ah ketha ka mu, ama chu leikawkhuk tawp neilo honna chabi chu piak a hia;