THUPUAN 8:10 - PATHIAN LEKHABU THIANGTHO (BSI)

¹⁰ Chun, vansawlchâk pathumna chun a pengkul a hun mût leh, van ah kipat aksi lian tak, meisel gual ah kuang chu lei lam in a hung ketha’n; zia chun tuinâkte leh luite mun thum ah khen ah mun khat a delkhum tai.

THUPUAN 8:10 Referans Kwoze

THUPUAN 16:4

Chun, vansawlchâk pathumna chun a belbu chu lui ah te, tuinâk ah te a buntha ta’n: lui tui zosia chu thisan a suak tai.

THUPUAN 9:1

Vansawlchâk pangana chun a pengkul a mût leh, aksi pakhat van ah kipat lei ah ketha ka mu, ama chu leikawkhuk tawp neilo honna chabi chu piak a hia;

ISAI 14:12

Aw jingsol, phalvak chapa, bangtidan ah van ah kipat hung ketha ziang la hem! Nang, namtin kiakniamsakpa, bangtidan ah lei tual chan ah, phûk pâi ah hung um ziang la hi tam!

THUPUAN 6:13

Van ah aksite chu theichang kung thigawpi’n a mût ah, a hûtte a pul gual in leitual in a pul tai.

THUPUAN 14:7

Ama chun aw ngai tak in, “Pathian chu lau unla, choihoina piau in; a vaihawm hun a tung tangal a; ama chu lei leh van leh tuisuagiat leh tuinâkte siampa chu a hiziak in bia un,” a tia.

THUPUAN 12:4

A mei in van ah aksi mun thum ah khen mun khat jat chu a luaitha, lei a chun a septha; zia numei nau chu a suak phat leh a la val zo ziang dingin numei âng ah chun a ding zing a.

THUPUAN 1:20

Ka khut changlam ah aksi pasagi la mute leh, sana thaumei koina pasagi la mute umzia thugûk chu: Aksi pasagite chun kochuam pasagite vansawlchâkte chu a etsak un; chuleh, thaumei pasagite chun kochuam pasagite chu a etsak ui,” a hun ti tai.

JUDA 1:13

tuisuagiat kinawk phuan gual ah amau mualphona kilang leh, kumtuang ah thim nuai ah um ding ah kikhêk aksi sawmlêngte gual a hiu hi.

LUKA 10:18

Himaleh, ama’n a kiang un, “Setan van ah kipat kawlphe gual ah hung ketha ka mui.

ISAI 12:3

Hukdamna tuikulte ah kipat chun, kipak tak in tui thâldok ta’n lau;

2 KHANGTHU 32:3

khawpi pawlam ah tuinâkte chu hukbit ding dan a sepai hotute chu tawh a ngaituau ah; nasa tak in a hun panpi tau a.

VAIHAWMTE 15:11

Ziaphatchun, Judah tangval sang thum chu Etham suang kawlbûk ah chun a vachia suk ua, Samson kiang in, “Philistinte hi I chung ua vaihawm a hiu ti helo la hem? Ka chung ua la thilbawl hi bang ahi tam?” a vatiu a. Ama’nle, “Ka chung ah a bawl gual gual ua ke’nle ka bawl ahi,” ti’n a dawnhu tai.

ZEKARIAH 13:8

A gam ah um zosia lak ah, a mun thum ah khen mun ni suksiat hi’ntin, a mun thum ah mun khat chu hawi hi’n a.

ZEKARIAH 13:9

Chuleh, a mun thumnate chu mei lak ah sep lut ing ka tin, dangka thik hâl thiantho gual in hâl thiangtho ta’ng ka. Ka min hun lam ta’n tiu in, ke’nle dawnhu ta’ng ka. “Amau chu ka mite a hiu,” ti’ng ka tin; amau inle, “Lalpa chu ka Pathian uh ahi,” ti ta’n au.

MATTHAI 25:1

Chuleh van-gam chu nungak thiangtho sawmkhat, a thaumei uh keng ah, moneipa dawn ding ah kipandokte gual kha hi’n a.

THUPUAN 8:7

Vansawlchâk pakhatna chun a hun mût leh, gial leh mei thisan tawh kihel a hung pawtdok a; ziate chu lei ah a hun paitha tau a. Lei chung mun thum ah khen mun khat, thing mun thum ah khen mun khat, chuleh, hampa hing zosia chule a kâng tum tai.

THUPUAN 9:15

Mihing mun thum ah khen mun khat that ding ah, a ni, a tha, a kum a guat piak sau vansawlchâk palite chu a hun thâdok tau a.

THUPUAN 9:18

A kam ua kipat pawt, mei leh meikhu leh kâtte chun mihing mun thum ah khen mun khat a that tai.