THUPUAN 7:2 - PATHIAN LEKHABU THIANGTHO (BSI)

² Vansawlchâk dang pakhat, Pathian hing tepte’na chawi ah, nisuana na kipat hung kum ka mu; ama chun mualkâng leh tuisuagiat suksiat theina piak ah um vansawlchâk palite kiang ah chun aw ngei tak in:

THUPUAN 7:2 Referans Kwoze

EPHESA 4:30

Ahi’n, Pathian Thagau Thiangtho chu hi’lungngai kiu in; tatna ni ding ah chun ama ah chun tepte la hi tangal un.

2 KORINTH 1:22

Ama chun ei tepte ah, I lung sung un khâmlawkna Thagau ei pia ta ahi.

THUPUAN 9:4

A chal ua, Pathian tepte’na neilote longal chu lei ah hampate leh thai thilhingte leh thingte le bangma law lo ding ah thupiak a hiu.

2 TIMOTHI 2:19

Himaleh, Pathian suangphûm det tak chu a ding zing ah, zia tepte’na hi a nei hi: “Lalpa‘n ama â te chu a hia’i,” ti leh, “Lalpa min lam tapo in gitlona kiheisan hen,” ti hi.

EPHESA 1:13

Ama ah chun nang uh le, thutak thu, la hukhinnau chanchinpha chu la het ua, la gin nung un, ama Thagau Thiangtho tiamsa ah chun tepte’ la hitau hi.

THUPUAN 5:2

Chun, vansawlchâk thilhithei tak khat hin aw ngai tak in, “Kua a hem zia lekhabu tepte’na hi tham ah, phêt thei ding?” tia kiko chu ka mu.

JOHAN 6:27

an mangthai ding hawl in sêmgim kiu inla, Mihing chapa’n a hun piak ding, kumtuang ah um zing ding an chu hawl in sêmgim zawu in. Zia ding ah chun Pathian in ama chu a tepte’ tangal a,” a tia.

THUPUAN 1:3

Kuale ziate hi simdok ah, zia thu kigenlawk thute hi he’, a sung ah kizikte zui chu mi hampha hi’n ah, a hun a nai tangal a.

THUPUAN 10:4

Van-gi sagite’n a awu a sua phat un, zik ding ka guat leh, van ah kipat awgi chun ka kiang in, “Zia van-gi sagite thugen chu zik kin la, îmchak kei in,” ei hun tia.

THUPUAN 10:1

Vansawlchâk hât tak a dang khat, sûm ah kithuam, van ah kipat hung ka mu; a luchung in uizo a jam ah, a mêl chu nisa gual in a vâk ah, a keng chu mei khuam gual ahi.

THUPUAN 8:3

Vansawlchâk dang pakhat a hung ah, gimtui hâlna sana kuang a hun chawi ah, mâichâm ah chun a ding ah; chuleh lalchutpha ma ah sana mâichâm chung ah chun mithiangthote pauchapna tawh gimtui tam tak a hun piau a.

SOLOMON LÂ 8:6

La bânpuam ah tepte’na um gual ah khan, la lungchang ah tepte’na’n ei koi in; thi’na gual tuk in hepina hile a hat in, ûtna hile mithi khua gual khop in a hat hi. Meikuang gual in a diang jak in, gamkâng mei gual in a jam jak hi.

HEBRAITE 12:22

Himaleh, Zion tâng, Pathian hing khawpi, van Jerusalem, vansawlchâk simsênlote umna;

1 THESSALONITE 1:9

Amau ngei in, nanghaw’n lei la lop dan uh, milimte ah kipat Pathian lam ah, Pathian hing leh dik tak nasêm ding ah la kihei dan uh chu a gen tau hi.

MATTHAI 26:63

Himaleh, Jesu chu thipbek in a um a. Chun, thiampu lianpen chun, Pathian hing min in kigenchian dingin ka hun sawl la hi, Messiah, Pathian hing Chapa chu la hi em? ei hil in, a tia.

MALAKI 4:2

Himaleh, nang uh ka min laute chung in vang dikna nisa tawh a thalîm ah sukdamna hung suak in a. Bawng In ah bawngno kichawm gual in kichawm dok ta’n lau.

2 LENGTE 19:4

Lalpa la Pathian chun Rabshakeh thugente kha a la he ngei intin, Pathian hing simmaw leh hânsia law ding ah Assuria lengpa’n a hun sawlpa thugen kha, Pathian in he ngei ding a hia; nutsia ah um sunte â ding ah hin la pauchapna chu hun habawl ta’n,” a tia.

1 SAMUEL 17:36

La suakpa hin sakeibaknei leh savom bang jat a hem that ta ka hi; zia zektanlo Philistin mipa hile, Pathian hing sepaite a cho dan tak hi, ziate gual ah chun bawl ding ka hi,” ti’n a dawnhu a.

1 SAMUEL 17:26

David in a kiang ah dingpa kiang ah chun, “Aleh, zia Philistin mipa, Israelte simmawpa hi that thei mi kiang ah chun, bang bawl piak ahi diam? Zia Pathian hing sepaite chopa hi khoilam zektanlo Philistin mi a hia hem?” ti’n a dong a.

DAN LEKHABU 5:26

Eihaw gual ah mei kuang lak ah kipat Pathian hing aw he’ ah, taksa hing zing kua a um ngai em?

MALAKI 3:1

Ngai un, ka thangko hun sawl ing ka tin, ka hungna ding lampi guanggal in a; tichun, la hawl uh Lalpa chu a tempul ah hung tung phut in a. Thuthung sawlchâk la kipakna ma mau chu a hung hi, sepai honte Lalpa chun a ti ahi.

ISAI 41:2

Sualam ah kipat gâl zotu hun choktho ah, a thilbawl ding sepsaktu chu kua a hem? Namtin a khut in a pedok in, leng leh lalte a keng in a chotchilsak in, chemjam ah sât tel in leivui a suaksak in; busi hui in a mût mang gual in, a thalpi’n a bawl in;

EZEKIEL 9:4

a kiang in, “Khawpi sung hawtheng inla, Jerusalem khawpi sung ma ma hawtheng in; chuleh, khawpi sung ah ki’dak um tak ah thil a kibawl ziak ah, khawksa tak ah thûm leh mau zosia chu a chalkiu ah tepte’na bawl in,” ti’n a hun gen a.

MATTHAI 16:16

Simon Peter in a dawnhu a, Messiah, Pathian Hing Chapa chu la hi, a tia.

THUPUAN 9:14

zia chun pengkul chawi vansawlchâk pagukna kiang ah chun, “Euphrates luipi ah vansawlchâk pali kân ah umte kha thâdok in,” a hun tia.

THUPUAN 16:12

Chun, vansawlchâk pagukna chun a belbu chu Euphrates luipi chung in a buntha ta’n; nisuana lam ah kipat lal hung dingte hung na dingin luipi chu a kangtan tai.