THUPUAN 7:16 - PATHIAN LEKHABU THIANGTHO (BSI)

¹⁶ gilkial kit ta pua’n tiu in, dangchâk kit diak ta pua’n au; nisa’n kâng ta pua’n tin, a satna’n le hi’genthei ta pua’n a;

THUPUAN 7:16 Referans Kwoze

ISAI 49:10

A gil uh kial ta pua’n tin, a dang uh le châk ta pua’n a; hui lum tak leh nisapi’n kâng pua’n tin, amau lainatpa chun pui intin, luipi luang geijul ah kaibât ta’n a.

JOHAN 4:14

himaleh, a kiang ah ka piak ding tui dawn tapo chu, kum khua’n a dangchâk ta pua’n a; keima’n a kiang ua ka piak ding tuinâk chu a sung un um intin, kumtuang hinna tiang in pûtdok in a,” a tia.

THUPUAN 21:4

Tichun, Pathian in a mit ua kipat mitthite chu, thiak hul ta’n tin; thina um ta pua’n tin, lungngainate, kânate, natnate le um ta pua’n a; thil lui zosiate chu a bei tai,” a tia.

MATTHAI 5:6

Dikna ngai ah gilkial leh dangchâkte chu mi hampha a hiu; Tai leh niansak ah um ding ahi ngal un.

SAM 121:6

Sûn nisa’n hun kâng pua’n tin, jan thapi’nle hun sal diak pua’n a.

LUKA 6:21

Tu ah gilkialte hi mi hampha la hiu, hung vâ ding la hingal un. Tu’hun ah kapte hi mi hampha la hiu, hung nui ding la hingal un,” a tia.

LUKA 1:53

Gilkial chu thilpha’n a hitai in; mihausa chu khutngawn in a sawl mang tai.

ISAI 41:17

Migenthei leh chagate’n tui a hawl phat uh leh, bangma a mu ding uh umlo ah, dangchâk ziakin a lei uh chu a keu zaw tak leh; Keima Lalpa hin dawnhu ing ka tin, Keima Israelte Pathian hin amau chu nusia lo ding ka hi.

ISAI 25:4

Migentheite’n kisêlna’n a hun mang un, a lungdon lai ua tasamte kisêlna la hi’n; thigawpi lak ah bitna leh, nisa lak ah dailîm la hi. Phalbi lai ah thigawpi gual ah mi huhamte’n a nawu a,

ISAI 65:13

Ziaziakchun, Lalpa Pathian in zia gual hin a gen hi: Ngaitia, ka suakte chun vâ tak in ne’n tiu in, ahiziak in, nanghaw vang gilkial in lau; ngaitia, ka suakte’n niang leh tai in dawn intiu in, nanghaw vang dangchâk in lau; ngaitia, ka suakte chu lim leh kipak in um intiu in, nanghaw vang zakcha tak in hung um in lau;

MATTHAI 13:6

Himaleh, nisa a hung sat phatin a lei a keu ah, a zung a sau lo ziak in a vuai tai.

SOLOMON LÂ 1:6

Ka vom ziakin ei musit kiu in, nisa ei hai dul ka hi. Ka suapite ka chung in a lungnau ah; grep huan vêng in ei koi un, ahi’n, keima grep huan ziang le, veng zo lo ka hi’ngal a.

SAM 42:2

Ka hinna Pathian thangai in, Pathian hing ngai in a dangchâk hi. Bangtik leh Pathian kiang tung in, a mêl ka mu diam maw?

JAKOB 1:11

Nisa a hung suak ah, a satna’n loulai a hun kâng vuai ah; a pâkte chu a pultha’n, a hoinate chu a bei sek hi. Mihausa chule zia gual tho chun, hinkhua buaina lak ah a um zing lai un vuaitha ding a hiu.

MARKA 4:17

himaleh, amau ah chun zung him him a um pua’n, hun chomcha thuak zo in, zia nung chuleh, thu ziak ah sukgentheina leh engbawlnate a hung um phat leh a pûk ta sek uh ahi.

MARKA 4:6

Nisa a hung sâng ah, a hun kâk leh, zung a thâk lo ziakin a vuai pai tai.

MATTHAI 13:21

himaleh, a lunggil tak ah zung thâksak lo ah, sawt umsak zolote, thu ziak ah sukgentheina bang, haksatna bang a hung um tak leh pûk ziang sekte hi a hiu.

JONAH 4:8

Nisa a hung suak phatin, Pathian in sualam hui lum tak a guanggal ah, nisa chun Jonah chu thidang hial in a luchang a hun khaw ta’n; thi’ mai ding chu a don tai: “Kei â dingin hin sâng in thi’ a phazaw tai” a tia.

ISAI 32:2

Amau chu hui lak ah kisêlna, thigawpi lak ah kihumbitna hi’ntin uh, gamkeu ah luicha tui luang leh, gamkeu cholmun umlo’na suangpi lîm gual hung hita’n au.

SAM 143:6

Ka khut nangma lam ah ka hun jak in, ka hinna gamkeu gual in, nangma ngâi in a dangchâk hi.

SAM 63:1

Aw Pathian, nang chu ka Pathian la hi’n; hun hawl ing ka, ka hinna hi nangma thangai in a dangchâk a; tui umlo’na gamkeu leh dangkeuna mun ah hin, ka taksa hin a hun thangai tun tun ahi.

SAM 121:5

Lalpa chu nangma hun vêngpa ahi; Lalpa chu la changlam ah la nilîm ahi.