THUPUAN 7:12 - PATHIAN LEKHABU THIANGTHO (BSI)

¹² zia gual hin La a sau a: “Amen! Maljawlna, lopina, pilna, choihoina leh kipak thu genna, thilhitheina leh hâtna chu, I Pathian kiang un, kumtuang kumtuang in um zing ta hen! Amen,” a tiu a.

THUPUAN 7:12 Referans Kwoze

JUDA 1:25

Pathian tak bep I Hukdampau kiang in, I Lalpau Jesu Khrista jal in, lopina, lalna, thilhitheina leh thuneina, hun chiasa leh tu’hun leh kumtuang in um zing ta hen. Amen.

THUPUAN 19:4

Chun, upa sawmni leh pali leh thilhing palite chu a bokkhup ua, “Amen, Halleluijah,” ti’n Pathian lal chutpha kichu chu a ho tau a.

KOLOSSA 3:17

la hi tapo uh thugen a hem, thil hi’ a hem, ama ziakin Pa Pathian kiang in kipak thu gen kawm in, Lalpa Jesu min in hiu in.

SAM 100:4

Kipak thu gen kawm in, a kotpite ah chun hung lût unla, pâk pum in a biak In huang sung, tuallai ah lût un. A kiang ah kipak thu gen unla, a min pâk tau in.

JONAH 2:9

Ke’n vang, kipak thu gen kawm in, thutiam ka la bawlsa chu mualsua ing ka. Hukdamna chu Lalpa â ahi,” a ti tai.

SAM 147:7

Kipak thu gen in Lalpa choihoina La sau in; tingtang tawh I Pathian uh chawihoi in gihawi lem un.

SAM 107:22

Amau chun kipakna thil latte chu piau hen la, a thil bawlte chu kipakna La sa kawm in gen vêl tau hen.

SAM 89:52

Lalpa chu kumtuang ah pâk in um ta hen. Amen, Amen.

SAM 72:19

A min lopi tak kumkhua’n pâk in um hen la; khawvel pumpi hi a lopina’n lua dim suak ta hen. Amen! Amen!

SAM 41:13

Lalpa, Israel Pathian chu, kumtuang ah kipat kumtuang tiang in, chawihoi in um ta hen. Amen, Amen.

JEREMIAH 33:11

kipak limna aw gi leh, mopa aw leh monu aw leh, Lalpa In ah kipakna thilpiak lân ah Lâ sate chun: “Sepai honte Lalpa kiang ah kipak thu gen un, Lalpa chu a phatna ziak leh, a ngilneina’n kumtuang a dai ngâl a!” a ti’nau husate chu het in hung um kit ding ahi. Malai gual ah khan a vangphatnau chu, hun pia kit ding ka hi, Lalpa‘n a tii.

ISAI 51:3

Lalpa‘n Zion chu thamuan ding ahi ngâl a; a mun siatna zosia chu thamuan intin, a gamthip chu huan a hem gual in, a gamkeu haw chule Lalpa huan gual in hun siam in a. Kipakna leh limna ama ah um intin, kipak thugenna leh Lasak git het hita’n a.

KOLOSSA 2:7

Ama ah zung kai leh lep to ah um in, zilsak ah la um gual un la ginnau ah chun det tak in um unla, kipak thu gen zing un.

2 KORINTH 4:15

Bangkim la phatna ding uh ahi. Hepina mi tam zaw ziak ah hi’pun ah um in, Pathian lopina ding ah kipak thu nasa tak ah la gen theina ding un.

SAM 116:17

Kipakna thillat pia’ng ka tin, Lalpa min ko ta’ng ka.

SAM 106:48

Lalpa, Israel Pathian chu, kumtuang ah kipat kumtuang tiang in pâk in um ta hen. Mi zosia’n, “Amen,” ti tau hen. Lalpa chu pâk tau in!

SAM 95:2

Kipak thu gen kawm in a ma ah chun, chia khawm hitiu in; ama chawihoi ah pâkna La sa’n, lim tak in aw sua hitiu!

MATTHAI 6:13

Gilo ding ah thepna hun in ei puilût kin la, gilo lak in ei hukdok zaw’n: Gamte, thil hi’theinate, lopinate, kumtuang in nang â ahi, Amen,” ti in.

JEREMIAH 33:9

Chun, zia khawpi chêngte â ding ah thilpha ka hi’piak zosia hun he dingte ma-âng ah chun, zia khawpi hi kei â ding ah kipakna leh choihoina leh lopina hung hita’n a; zia khawpi â ding ah thilpha leh vangphatna ka piak ziakin, lau in kithing ta’n au.

SAM 50:14

Pathian kiang ah kipak thu genna kithoina la’n zaw’n la; la thutiam le Chungnung Penpa kiang in mualsua ta’n.

NEHEMIAH 12:46

Masang lai ah David leh Asaph dam lai ah khan, La sa pawl hotu a la um ah; chuleh, pâkna La leh Pathian choihoina La te a sa sek ui.

NEHEMIAH 12:8

Chuleh, Levite chu: Jeshua, Binnui, Kadmiel, Sherebiah, Judah leh Mattaniah, amau chu a kithuapiteu tawh kipak thu genna hun ah La sa pawlte chung ah thuneite chu a hiu a.

THUPUAN 1:18

Kei chu khatvei thisa, himaleh, hing kit ta chu ka hi; ngaitia, kumtuang â ding ah hing zing chu ka hi tai, thina leh mithi khua chabi chu ka nei tai.

ROMTE 11:36

Ama ah kipat leh ama ziak leh, ama â ding ah thil zosia hung um ahi ngal ah; ama kiang ah chun kumtuang lopina chu um ta hen, Amen.

1 KORINTH 14:16

Achutiloleh, thagau in kipak thu gen lechinle, a helote chun la kipak thugen helo ah, bangti’n, “Amen,” ti’thei ding a hiu em?