THUPUAN 7:11 - PATHIAN LEKHABU THIANGTHO (BSI)

¹¹ Chun, vansawlchâk zosia chun, lalchutpha leh upate leh thilhing palite kîmvêl ah ding in, lalchutpha ma ah chun bokkhup in Pathian chu a ho un;

THUPUAN 7:11 Referans Kwoze

THUPUAN 4:10

upa sawmni leh palite chun lalchutpha kichû chu, a ma-âng ah bokkhup in a ho sek un; kumtuang ah hing zing pa ma ah chun a lallukhukteu chu a koithâu ah, chibai a bûk sek ui.

THUPUAN 4:6

Chuleh, zia lalchutpha ma-âng ah chun tuisuagiat, a chung lîmlang pêk gual ah krustal suang gual hial ah val in a um a; chuleh, zia lalchutphate lak ah, a lailung ah, lalchutpha kîmvêl ah chun thilhing pali a nung lam leh a ma lam mit ah dim a um ua.

THUPUAN 11:16

Chun, Pathian ma-âng ah upa sawmni leh pali chutna a la chute khan, a mai ua leitual si’ bokkhup ah Pathian bia’n, zia La hi a sau a:

THUPUAN 4:4

Chuleh, lalchutpha kîmvêl ah chun lalchutpha sawmni leh pali a um a; zia lalchutphate chun upa puan vâm sil sawmni leh pali chû le ka mu; a luchung ua chun sana lallukhuk a khuk chiat ua.

HEBRAITE 1:6

Chuleh, Pathian in zia a chapa masa pen chu khawvel ah a hun sawl lai in, “Pathian vansawlchâkte’n ama chu be tau hen,” a ti kit a.

JOHAN 5:23

Ziaziakchun, mi zosia’n Pa a ja gual un, Chapa le a ja diu ahi. Kuale, Chapa jalote chu, Pa, ama hun sawlpa jalo a hiu.

MATTHAI 4:10

Ziaphatchun, Jesu’n a kiang in, “Setan, chia mang in! ‘Lalpa la Pathian chibai bûk inla, ama na bep sêm in,’ ti zik ahi,” a tia.

THUPUAN 22:9

Himaleh, ama’n ka kiang in, “Zia gual chun hi’ kin; keima le la suak chanpi, la suapi leh jawlneite nasemtu pakhat leh, zia lekhabu thu kigente a la zuitu pakhat ka hi. Pathian chu la biak ding ahi,” a tia.

THUPUAN 15:4

Aw Lalpa, kua a hem nang lau lo ah, la min chawihoi lo ding um? Nang bep chu thiangtho la hi’n, nam zosia hung intiu in, la ma’n hung bokkhup ding a hiu, la dikna nasepte chu a kilat tâk ziakin,” ti in.

SAM 97:7

Milim pathian ho zosia a mualpho un, milim bangma hilo suang tapo chu; pathian dang zosia chu a ma-âng in, a bokkhup tau hi.

SAM 45:11

tichun, lengpa’n la mêlpha tak hi, hun dawi ding ahi. Ama la Lalpa ahi ziakin, chibai bûk in;

THUPUAN 4:8

Chuleh, zia thilhing palite chun thâ paguk chiat a nei ua; a kîmvêl leh a sung lam uh chu mit a dim a hiu. Amau haw chun sun leh jan chawl lo in zia La hi a sau ah: “Lalpa Pathian Bangkim Hi’thei, um tasa leh um lai tak leh hung um ding chu, A thiangtho hi, a thiangtho hi, a thiangtho hi,” a tiu a.