THUPUAN 7:10 - PATHIAN LEKHABU THIANGTHO (BSI)

¹⁰ Ziate chun aw ngai tak in, “Hukdamna chu I Pathian uh lalchutpha kichu leh, Belamno â ahi!” ti’n a kiko ua.

THUPUAN 7:10 Referans Kwoze

THUPUAN 19:1

Ziazaw chun, mipi tam tak aw gi van ah kipat in ka he: “Halleluijah, hukdamnate, lopinate, choihoinate, leh thilhitheinate chu I Pathian â ahi.

SAM 3:8

Hukdawna hi Lalpa â ahi; la mite chu maljawl ta’n! (Selah)

THUPUAN 12:10

Chun, van ah kipat aw ngai tak ka he: “Tu’hin a hung tung tai; I Pathian Hukdamna, thilhitheina leh, a Khrista thuneina’n; I suapite hêkpa, I Pathian ma ah sûn leh jan ah amau hêkpa kha, paithâk in a um tangal in.

ISAI 45:21

La thuu chu tâklang unla, kidongtua sau sau tau hen! Hun sawt tak masang ah kua’n a hil tam? Ma lai ah khan kua’n a tâklang tam? Keima Lalpa hi hilo ka hem? Keima tilo pathian dang a um pua’n, Pathian dik tak leh Hukdampa, Keima tilo ngâl a dang a um puai.

THUPUAN 22:3

Hânsia um ta pua’n tin, Pathian leh Belamno lalchutpha chu zia chun um intin; a nasemte chun a na sep piak in au.

EPHESA 2:8

Lungsiatna ziak ah ginna ah chun hukhin la hingal un; zia chu nangmau ah kipat pawt hilo in, Pathian thilthawnpiak ahi zawi.

JOHAN 1:29

A jing ah chun Johan chun, Jesu ama kiang lam zuan ah hung chu a mu phât in, “En tiam un Pathian Belamno, khawvel gitlo pawmangpa saw!

ISAI 43:11

Kei, Keima hi Lalpa chu ka hi, Keima tilo ngal hukdampa dang a um puai.

THUPUAN 21:5

Lalchutpha chung ah kichu chun, “En un, bangkim ka siamthak tai,” a tia. Chun, ka kiang in, “Zik in, zia thute hi a dik in a ginum hi,” a tia.

LUKA 3:6

Ziaphat chuleh, mi zosia’n, Pathian hukdamna hun mu ta’n au”.

JEREMIAH 3:23

Mual leh tâng chung ah kithoi kibawlnate chu, kithepna mai mai ahi ti ka hechian tai. Israel hukdamna chu Lalpa I Pathian bep un, a um takzet hi.

THUPUAN 5:7

Ama chu a hung ah, lalchutpha kichupa khut changlam ah kipat chun, lekhabu chu a la ta’n.

THUPUAN 4:6

Chuleh, zia lalchutpha ma-âng ah chun tuisuagiat, a chung lîmlang pêk gual ah krustal suang gual hial ah val in a um a; chuleh, zia lalchutphate lak ah, a lailung ah, lalchutpha kîmvêl ah chun thilhing pali a nung lam leh a ma lam mit ah dim a um ua.

JOHAN 4:22

Nang un la hetlopiu la ho sek un; kei un vang ka biak uh chu ka hiau ahi; Judate lak ah kipat hukdamna chu hung pawt ding ahi ngal a.

JOHAN 1:36

Jesu vâk vêl lai chu a la en un, ama chun, “En tiam un, Pathian Belamno saw!” a tia.

ZEKARIAH 9:9

Aw Zion chanu, nasa tak in lim in! Aw Jerusalem chanu, ngai tak in kiko in! En in, la lal chu a hung hi; gâl zotu leh hat chu ama ahi’n; kingaitawm tak in sabiltung chung ah, sabiltungno tuaidawng chung ngei ah chuang in a hung hi.

JONAH 2:9

Ke’n vang, kipak thu gen kawm in, thutiam ka la bawlsa chu mualsua ing ka. Hukdamna chu Lalpa â ahi,” a ti tai.

HOSEA 13:4

Ahi’n la, kei chu Aigupta gam ah kipat, Lalpa la Pathian uh ka la hita’n; kei tilo Pathian dang la hepuau in; chuleh, kei ti lo hukdampa dang le a um puai, ti la hiau a.

ISAI 45:15

Nangma ngei chu ama leh ama kisêlgu, Pathian tak tak chu la hi; aw Israelte Pathian, Hukdampa ngei chu.

SAM 115:1

Aw Lalpa, keimau hi zaw lo in, keimau ngei hilo in, la hepina chuai lo leh la ja umna ziakin, la min chu lopina pia zaw ta’n.

SAM 37:39

Mi dikte hukdamna chu Lalpa ah kipat ahi’n; ama chu a lungjin lai ua kisêlna kulpi ahi.

ZEKARIAH 4:7

Aw nang uh tâng thupi takte haw, bang ah kibawl la hiu em? Zerubbabel âng ah chun phâicham hung suak ding la hiu; kipakna kiko aw Pathian in maljawl hen! Pathian in maljawl hen! ti ah kiko kawm in a suangtian chungnung pen chu hun lem khawm zo ta’n au,” ti in.