THUPUAN 6:8 - PATHIAN LEKHABU THIANGTHO (BSI)

⁸ Tichun, ka et leh, sakol dâng khat ka mu kit ah; a chung ah chuangpa chu Thina a kiti’n; mithikhua chun a hun zui a. Chemjamte, kialte, hipite leh gamsate mang a lei mun li khen mun khat chung ah, mite thâ theina ding thilhitheina piak ahi.

THUPUAN 6:8 Referans Kwoze

HOSEA 13:14

Sheol thuneina lak ah kipat in amau tandok ding ka hem? Thi’na kipat amau hukdok ding ka hem? Aw thi’na, khoi ah hem la gû chu? Aw Sheol, khoi ah hem la suksiat theina chu? Lainatna kiti chu ka mai ah kipat in sêl mang ahi tai.

THUPUAN 1:18

Kei chu khatvei thisa, himaleh, hing kit ta chu ka hi; ngaitia, kumtuang â ding ah hing zing chu ka hi tai, thina leh mithi khua chabi chu ka nei tai.

ZEKARIAH 6:3

Kângtalai pathumna chu sakol kâng in a hun kai ua; chuleh, a pali’na chu sakol puangpawl in a kai ui.

EZEKIEL 5:12

La lak ua se’thum sua a se’khat chu hipi a hem, kial a hem in thi’n la tiu in; a se’thum sua a se’khat chu la kîmvêl ua nam dangte chemjam in thi’n la tiu in; se’thum sua a se’khat dang cheng chu kil tin ah thejak in, chemjam del zuisak nalai ding ka hi,” a ti tai.

JEREMIAH 16:4

“Natna tizat um tak thuak in thi ding la hiu. Kuama’n sûn pua’n tiu in, vui le vui pua’nau; tichun, lei tual ah ki’dak buaksia gual bep in muat in au. Kido’na chemjam leh kial in that intiu in, a luangteu chu chunglêng vachate leh gamlak sate’n ne ta’n au,” ti in.

THUPUAN 9:18

A kam ua kipat pawt, mei leh meikhu leh kâtte chun mihing mun thum ah khen mun khat a that tai.

ISAI 25:8

Ziaphat chuleh, Lalpa Pathian in, maichang zosia ah mitthi thiak-hul ta’n tin; chuleh, a mipite mualpho’na zosia, lei chung ah kipat in lamang ta’n a; Lalpa‘n zia gual chun a la gen ta’ngal a.

THUPUAN 9:15

Mihing mun thum ah khen mun khat that ding ah, a ni, a tha, a kum a guat piak sau vansawlchâk palite chu a hun thâdok tau a.

1 KORINTH 15:55

“Aw thina, la zawna khoi ah a um tam? Aw thina, la gu chu khoi ah a um tam?” ti thu kizik hi guitung ta’n a.

HABAKKUK 2:5

Zialochunle, hausakna hi kithepna mai ahi’n, kisatheite chun daisawt pua’n a. Sheol gual in a gawlhawm uh a hi’lian un; thi’na gual in, “A hun tawk tai,” a ti ngai puau hi. Namtin amau â dingin a pui khawm un, mi zosia amau â gual in a lakhawm ui.

JEREMIAH 16:16

Tu’hin, sanga mante tam tak hun sawldok ing ka tin, amau chu va man khawm in au; ziazaw chuleh, gamvâk mi tam tak le sawldok ing ka tin, amau chun tâng tin leh mual tin ah kipat leh kawl suangpi kikâl ah um natiang in hun man khawm sik sek in au, Lalpa‘n a tii.

MATTHAI 11:23

Aleh, nang Kapernaum, van chan ah choisa’n ding ah kingai la hem? Mithi khua tiang ah nawthâk ah um zaw ding la hi. La sung ah thilmak kibawlte kha Sodom khua a la kibawl hita leh, tuni tiang hinle ala um nalai kha ding uh hiven!

JEREMIAH 43:11

Hung intin, Aigupta gam chu hisia’n tin: Natpi ah thidingte chu natpi’n thi’n tiu in; sal ah tâng ding ah a guatte chu, sal ah tâng intiu in; chemjam ah thi ding ah a guatte chu, chemjam in thi’n au.

THUPILTE 5:5

Thi’na lam zuan in a chia suk in, a kalsuan chun Sheol lam a zuan hi.

THUPUAN 12:4

A mei in van ah aksi mun thum ah khen mun khat jat chu a luaitha, lei a chun a septha; zia numei nau chu a suak phat leh a la val zo ziang dingin numei âng ah chun a ding zing a.

JEREMIAH 14:12

Anngawl in pauchap maleu le, a dotnau ngaitha lo ding ka hi; hâlmang thilpiak leh thâilat thilpiakte hun lân maleule a la pom lo ding ka hi; himaleh, chemjam a hem, kialna a hem leh natpi a hem in a leng un hi’mangthai ing ka, ti in.

JEREMIAH 24:10

Chuleh, amau leh a pu leh pateu kiang ah ka la piakna gam ah kipat, suksiat dim dem a hizaw masang siau, a lak un chemjamte, kialnate leh natpite sawl piak ding ka hi.

JEREMIAH 29:17

Sepai honte Lalpa chun zia gual hin a gen hi: A chung un chemjamte, kialnate leh natpite hun lênsak ing ka tin; tichun, theichang ga hût, a siat ma ma ziak ah nêk tâk lo gual hun hi’sak ding ka hi.

EZEKIEL 29:5

Nang tawh la luidung ah sanga um zosia chu, gamkeu ah seplut ing ka tin; gamtalai ah thi’n la tin, vui dingin kuama’n hun chomkhawm pua’n a. Lei chung ah gamsate leh, chunglêng vachate an ding ah ka hun piak ahi.

MATTHAI 24:7

Nam khat leh nam khat kido in au, gam khat leh gam khat le kido intiu in, kialte hung tung in, mun chuam chuam in lîn hung kilîng in a;