THUPUAN 5:11 - PATHIAN LEKHABU THIANGTHO (BSI)

¹¹ Chun, ka et leh, lalchutpha leh thilhingte leh upate kîmvêl ah chun, vansawlchâk tamtakte aw ka he; a tam dan uh chu a sîng ah sîng mun sâng tam tak leh, a sâng a sâng mun sâng tam tak a hiu a.

THUPUAN 5:11 Referans Kwoze

DANIAL 7:10

A ma-âng ah kipat in mei a hung pawtdok in; a sâng ah mun sâng tam takte’n a na a sep piak un, a kiang in a sîng ah mun sîng tam takte a ding kîmvêl ui. Thutanna hun a pan un, lekhabute a phêt tau a.

HEBRAITE 12:22

Himaleh, Zion tâng, Pathian hing khawpi, van Jerusalem, vansawlchâk simsênlote umna;

THUPUAN 4:6

Chuleh, zia lalchutpha ma-âng ah chun tuisuagiat, a chung lîmlang pêk gual ah krustal suang gual hial ah val in a um a; chuleh, zia lalchutphate lak ah, a lailung ah, lalchutpha kîmvêl ah chun thilhing pali a nung lam leh a ma lam mit ah dim a um ua.

THUPUAN 4:4

Chuleh, lalchutpha kîmvêl ah chun lalchutpha sawmni leh pali a um a; zia lalchutphate chun upa puan vâm sil sawmni leh pali chû le ka mu; a luchung ua chun sana lallukhuk a khuk chiat ua.

SAM 148:2

A vansawlchâk zosia’n ama chu pâk unla; a sepai zosia’n le ama pâk un!

SAM 68:17

Pathian kângtalai chu a sîng ah sîng, a sâng ah sâng ah tam ahi; Lalpa chu Sinai tâng ah kipat in, a mun thiangtho in a hung hi.

THUPUAN 19:6

Mipi tam tak aw tawhbang, tui tampi git tawhbang, van nasa tak git tawhbang hial in: “Halleluijah, Lalpa Pathian Bangkim hi’thei chun vai a hawm tai.

THUPUAN 7:11

Chun, vansawlchâk zosia chun, lalchutpha leh upate leh thilhing palite kîmvêl ah ding in, lalchutpha ma ah chun bokkhup in Pathian chu a ho un;

THUPUAN 5:14

Thilhing palite chun, “Amen,” a tiu ah. Chuleh, upate chun bokkhup in a ho tau hi.

THUPUAN 5:6

Ka vak et leh, lalchutpha umna leh thilhing palite umna kikâl ah upate lak ah chun, Belamno tha ah umsa kha, mit sagi leh kî sagi nei in a hung ding ah, ziate chun Pathian thagau pasagi, lei muntin ah sawldawte chu a hiu.

1 LENGTE 22:19

Ziaphatchun, Mikaiah in, “Ziaziakchun, Lalpa thu a la ngai in: Lalpa chu a lalchutpha chung ah kichu’n ka mu’n, a kiang in van sepai zosia chu a vei leh chang in a ding un.

SAM 103:20

Aw nang uh a vansawlchâkte haw, nanghaw a thu ngai ah zawm sek, a nasemte haw, Lalpa chu pâk tau in.

DAN LEKHABU 33:2

A kiang un: Sinai ah kipat in Lalpa chu a hung ah, Seir tâng ah kipat in nisa gual in a hung suk hi; Paran tâng ah kipat in ei hun sal tai. A kiang in mithiangtho a sîngtêl a um un, a changlam ah a sepai hon tawh.

JUDA 1:14

Adam ah kipat suan sagina Enok chun, ziate chungchâng chu a la genlawk a: “En un, Lalpa chu a mithiangtho a sâng têl tawh a hung hi;

THUPUAN 5:8

Lekhabu chu a lâk phatin, thilhing palite leh upa sawmni leh palite chu Belamno ma-âng ah chun a bokkhup tau a, tingtang leh sana belbu gimtui ah dim a chawi chiat un; zia chu mithiangthote pauchapna chu ahi.

THUPUAN 9:16

Zia sakol sepaite tam dan chu a simnau ka la het dan in, a sîng mun sîng ni a hiu a;