THUPUAN 5:1 - PATHIAN LEKHABU THIANGTHO (BSI)

¹ Ziazaw chun, lalchutpha kichupa khut changlam ah chun, lekhabu zial a pêk langtua ah kizik, tepte’na sagi ah kitepte ka mu’n.

THUPUAN 5:1 Referans Kwoze

ISAI 29:11

Nang uh â dingin zia thil hung tung ding kilâkna zosia hi, lekhabu kichâlmat sung ah thu kijik gual bep ahi ngal a. Mi khat in zia lekhabu chu a sim thei khat kiang ah pia’n, “Hun sim tiam in,” ti leh, ama chun, “Ka sim thei puai, a kichâlmat ahi hilam,” ti ding ahi.

THUPUAN 5:7

Ama chu a hung ah, lalchutpha kichupa khut changlam ah kipat chun, lekhabu chu a la ta’n.

THUPUAN 10:2

A khut in lekhabu neucha khat phêtsa’n a chawi ah; a keng changlam in tuisuagiat a chuan ah, a veilam in mualkâng a chuan a.

THUPUAN 6:1

Tichun, Belamno chun tepte’na pasagite lak ah pakhat chu a hun thap lai tak ka mu’n; ziaphatchun, thilhing palite lak ah pakhat chun, aw van git tawhbang in, “Hung inla, hung en in,” ei ti ka hia.

THUPUAN 5:13

Thilsiam zosia, van leh leinuai leh tuisuagiat chung leh a sung ah um zosiate chun: “Lalchutpha chupa leh Belamno kiang ah chun, maljawlna, jana, lopina leh, vaihawmna leh thilhitheina kumtuang in um hen,” a tiu ka he.

THUPUAN 4:3

Zia lalchutpha hung kichupa chu jaspar leh sardis suang gual in a kimu’n; chun, lalchutpha kîmvêl ah chun uizo, emeral suang gual in a jam a.

ISAI 8:16

Zia thu hiatsak hi chûn tûp inla, zilsakna thu hi ka nungzuite lak ah îmchak in.

DANIAL 8:26

Nitâk lam leh jingkal lam thu, mu’lawkna la kiang ah hun kihil hi a dik ahi. Ahi’n la, ni tam tak nung lam ah thil hung um ding kigenna ahi ziakin, nang in vang la thil mu hi îmchak phot mai in, a hun ti tai.

ISAI 34:16

Lalpa lekhabu ah chun hawl unla, sim un: A lak ua khat le mang pua’n tin, a koppi ding tasam le um pua’n au. Lalpa kam ah thupiak a pawt ta’n, a thagau ma ma chun a leng un hun pui khawm ding ahi ngal a.

ZEKARIAH 5:1

Chuleh, ka vak et to leh, lekhabu zial lêng tawl tawl khat ka mu ta’n.

THUPUAN 4:9

Zia thilhing palite chun kumtuang ah hing zing lalchutpha ah kichu chu a chawihoi un, jana a piau ah, kipak thu a gen phat ua leh,

THUPUAN 6:16

Mual leh tâng leh suangpite kiang ah chun, “Lalchutpha kichupa mit mu leh Belamno lungnatna kipat chun ei sêl unla, ei deldên ta un:

THUPUAN 8:1

Belamno chun tepte’na sagina chu a hun hon leh, hundan kimkhat sung chu van a hung thip a.