THUPUAN 4:6 - PATHIAN LEKHABU THIANGTHO (BSI)

⁶ Chuleh, zia lalchutpha ma-âng ah chun tuisuagiat, a chung lîmlang pêk gual ah krustal suang gual hial ah val in a um a; chuleh, zia lalchutphate lak ah, a lailung ah, lalchutpha kîmvêl ah chun thilhing pali a nung lam leh a ma lam mit ah dim a um ua.

THUPUAN 4:6 Referans Kwoze

THUPUAN 15:2

Limlang tuipi hileh kilawm mei tawh kihel ka mu’n; sahângte, a teptênate, a limte, a min nambarte, zo ah hung pawtte chu Pathian tingtang chawi in, limlang tuisuagiat chung ah chun a ding tau a.

THUPUAN 5:6

Ka vak et leh, lalchutpha umna leh thilhing palite umna kikâl ah upate lak ah chun, Belamno tha ah umsa kha, mit sagi leh kî sagi nei in a hung ding ah, ziate chun Pathian thagau pasagi, lei muntin ah sawldawte chu a hiu.

THUPUAN 14:3

Ziate chun, lalchutpha leh thilhing palite leh upate ma ah chun La thak a sau a. Lei ah kipat tatdaw tâk mi nuai khat sîng li leh sang li te longal kuama’n zia La chu a hethei puau hi.

THUPUAN 19:4

Chun, upa sawmni leh pali leh thilhing palite chu a bokkhup ua, “Amen, Halleluijah,” ti’n Pathian lal chutpha kichu chu a ho tau a.

THUPUAN 5:14

Thilhing palite chun, “Amen,” a tiu ah. Chuleh, upate chun bokkhup in a ho tau hi.

EZEKIEL 10:14

A leng un maichang pali a nei chiat un: a masa pen chu cherub mêlpu ahi’n, a pani’na chu mihing mêlpu ahi’n, a pathumna chu sakeibaknei mêlpu ahi’n, a pali’na chu mupi mêlpu ahi.

EZEKIEL 10:12

A pum un, a kengpeite, a laikamte, a tha’teu leh a kengpeite–a paliu ah a kengpeiteu chu mit ngen in a dim hi.

THUPUAN 7:11

Chun, vansawlchâk zosia chun, lalchutpha leh upate leh thilhing palite kîmvêl ah ding in, lalchutpha ma ah chun bokkhup in Pathian chu a ho un;

THUPUAN 22:1

Vansawlchâk chun, Pathian leh Belamno lalchutpha kipat luangdok hinna lui tui thiang tak, krustal suang gual ah thiang chu ei etsak a.

THUPUAN 21:11

Pathian lopina chu nei in, a vak dan chu suang mantam phapen, jaspar suang gual ahi’n, krustal suang gual in a val a.

THUPUAN 15:7

Thilhing palite lak ah pakhat chun, vansawlchâk sagite kiang ah chun, sana belbu pasagi sung ah kumtuang ah hing zing, Pathian lungnatna dim chiat chu a pia.

THUPUAN 21:21

Chuleh, kul kotkhak sawm leh ni te chu tuikep suang sawm leh ni ah kisiam ahi; kul kotkhak pakhat jel chu tuikep suang pakhat ah siam ahi.

THUPUAN 21:18

Kulbângte chu jaspar suang ah siam ahi’n; khawpi chu sana thiang ngen ah kisa ahi; lîmlang thiangtho tak gual ahi.

THUPUAN 7:17

Belamno, lalchutpha lailung ah um chu, amau vêngtu hita’n tin, hinna tuikhukte ah pui intin, Pathian in a mit ua kipat, mitthi zosia thiak-hul ta’n a,” a tia.

1 LENGTE 7:23

Chuleh, tuibêm le a siam ah; a kam langkhat ah kipat langkhat tiang chu tong sawm ahi; a bêm a hia, a sân lam chu tong nga leh, tong sawmthum ah lian ahi.

JOB LEKHABU 28:17

Sana leh suanggial hoi pen inle a tuk pua’n, sana thiangtho ah cheimawi inle a tuk puai.

PAWTDAWNA THU 38:8

Chuleh, sum-eng tuikuang le a keng sum-eng tawh, biakbûk kotbul ah numeite nasepna mun ah lîm-et kiang ah um ding chule a siam a.

THUPUAN 4:4

Chuleh, lalchutpha kîmvêl ah chun lalchutpha sawmni leh pali a um a; zia lalchutphate chun upa puan vâm sil sawmni leh pali chû le ka mu; a luchung ua chun sana lallukhuk a khuk chiat ua.

THUPUAN 5:8

Lekhabu chu a lâk phatin, thilhing palite leh upa sawmni leh palite chu Belamno ma-âng ah chun a bokkhup tau a, tingtang leh sana belbu gimtui ah dim a chawi chiat un; zia chu mithiangthote pauchapna chu ahi.

THUPUAN 5:11

Chun, ka et leh, lalchutpha leh thilhingte leh upate kîmvêl ah chun, vansawlchâk tamtakte aw ka he; a tam dan uh chu a sîng ah sîng mun sâng tam tak leh, a sâng a sâng mun sâng tam tak a hiu a.

THUPUAN 6:1

Tichun, Belamno chun tepte’na pasagite lak ah pakhat chu a hun thap lai tak ka mu’n; ziaphatchun, thilhing palite lak ah pakhat chun, aw van git tawhbang in, “Hung inla, hung en in,” ei ti ka hia.

THUPUAN 6:6

Thilhing palite lak ah aw hileh kilawm in, “Gehu bu tê’na khat ni khat law ding, barli bu te’na thum ni khat law ding, thau leh uain kha vang susia kin,” ei ti ka hia’n.