THUPUAN 4:5 - PATHIAN LEKHABU THIANGTHO (BSI)

⁵ Chun, zia lalchutpha ah kipat chun, kawlphete, van-gite leh awte a gi zung zung ah; chuleh, zia lalchutpha ma-âng ah chun thaumei pasagi a kuangsa’n a um zing in; zia chu Pathian Thagau pasagite chu a hiu.

THUPUAN 4:5 Referans Kwoze

THUPUAN 11:19

Tichun, van ah Pathian tempul um chu a hung kihong ta’n; a thuthung thingkuang chule tempul ah mu thei in a um tai; ziaphatchun, kawlphete, awte, van-gite leh linlîngte hung um in, gial nasa takte a hung ke tai.

THUPUAN 8:5

Vansawlchâk chun gimtui hâlna kuang chu a la, a sung ah chun mâichâm ah meiâm chu a thundim ah, lei lam ah a paitha ta; ziaphatchun, awte, van-gite, kawlphete leh linlîngte a hung um ta.

THUPUAN 1:4

Kei Johan hin, Asia gam ah kochuam pasagite kiang ah chun, a um lai tak leh, a umsa leh a hung um ding ah kipat leh a lalchutpha âng ah um, thagau pasagite ah kipat chun;

THUPUAN 5:6

Ka vak et leh, lalchutpha umna leh thilhing palite umna kikâl ah upate lak ah chun, Belamno tha ah umsa kha, mit sagi leh kî sagi nei in a hung ding ah, ziate chun Pathian thagau pasagi, lei muntin ah sawldawte chu a hiu.

PAWTDAWNA THU 19:16

A nithum ni jingkal ah chun van-gi leh kawlphe a hung um ah; chuleh, tâng chung ah chun sûmpi sâ tak a hung um ah, pengkul gi ngai tak mai a hung kimût ah; giabuk ah mipi zosia chu a kithing hial ziang tau a.

THUPUAN 3:1

Chun, Sardis khua kochuam vansawlchâk kiang ah chun, zia gual hin zik in: Pathian Thagau pasagi leh aksi pasagi neipa chun, zia thu hi a gen hi: La thil hi’te ka hiai, a thi hingal ah hing min la put hi.

ZEKARIAH 4:2

Ka kiang in, “Bang la mu em?” ei hun ti’n. Keima’n, “Sana thaumei tunna a chung ah belbuneu khat um; chuleh, a chung ah thaumei pasagi leh a phita sagi chiat kitua ka mu’n.

PAWTDAWNA THU 20:18

Mipi zosia’n van-gi leh kawlphete leh pengkul git leh tâng meikhu tuam haw chu a muu in, lau ah kithing in, gamla deu in a ding tau a.

JOEL 3:16

Zion ah kipat in Lalpa a kiko ah, Jerusalem ah kipat in aw a sua hi; tichun, lei leh vante chu a kilîng ui. Himaleh, Lalpa chu a mite â ding ah kisêlna ahi’n, Israel mipite â ding ah kulpi sâng ahi.

EZEKIEL 1:13

Thilhingte lailung ah chun, suangmeihol kitik kuang gual ah, meikuang tawhbang thilhingte lak ah vâk tawl tawl a um ah, mei kuang chu a vâk ma ma ah; chuleh, meikuang lak ah kipat chun kawlphe le a pawt a.

SAM 68:35

Pathian, a umna munthiang ah umpa chu a tizat um in, Israel Pathian ngei chun, a mipite thilhitheina leh hâtna a piai. Pathian chu pâk in um ta hen!

2 KHANGTHU 4:20

guatsa dungzui ah mun thiangtho sung lam salvâk ding, sana thiang ah kisiam thaumei leh a tunna dingte;

PAWTDAWNA THU 37:23

A thaumei ding pasagite leh a châichete leh a meivâm kholna ding kuangte pum in a leng in sana thiang, ngen in a siam a.

NASEPTE 2:3

Meikuang gual ah kilang lei a hung um ah, a hung kihawmjak ah, amau haw a chang chiat tau a.

MATTHAI 3:11

Keima’n gitlo haisanna di’n tui in ka hun baptis in, ka nung ah hungdingpa chu keima sâng in a lopi zaw’n, a kengtawdap chawi tâk le ka hi puai. Ama chun, Thagau Thiangtho leh mei in hun baptis in a.

THILSIAM THU 15:7

Chun, a kiang in, “Zia gam hi lua ding ah Kaldaite gam ah Ur khua kipat hun puidokpa Lalpa kha keima hi ka hi,” a ti’n.

PAWTDAWNA THU 25:37

Thaumei pasagi dingte chule la siam ding ahi: zia thaumei chun salvâk intin; tichun, a âng ah mun awng chu salvâk in a.

MATTHAI 25:1

Chuleh van-gam chu nungak thiangtho sawmkhat, a thaumei uh keng ah, moneipa dawn ding ah kipandokte gual kha hi’n a.

THUPUAN 10:3

Sakeibaknei kitom gual in aw ngai tak in a kiko ah; a kiko zaw in van-gi sagite chun a awu a sua tau a.