THUPUAN 4:3 - PATHIAN LEKHABU THIANGTHO (BSI)

³ Zia lalchutpha hung kichupa chu jaspar leh sardis suang gual in a kimu’n; chun, lalchutpha kîmvêl ah chun uizo, emeral suang gual in a jam a.

THUPUAN 4:3 Referans Kwoze

EZEKIEL 1:28

A kîmvêl ah vâk chu, gawzuk ni sûm ah uizo in a sal gual ahi. Lalpa lopina chu zia gual chun a kilang a. Ka mu phât in, ka mai ah leitual si’n ka pûk ta’n; ziaphatchun, mi pakhat in ei hun ho git ka he tai.

THUPUAN 21:11

Pathian lopina chu nei in, a vak dan chu suang mantam phapen, jaspar suang gual ahi’n, krustal suang gual in a val a.

THUPUAN 10:1

Vansawlchâk hât tak a dang khat, sûm ah kithuam, van ah kipat hung ka mu; a luchung in uizo a jam ah, a mêl chu nisa gual in a vâk ah, a keng chu mei khuam gual ahi.

EZEKIEL 28:13

Pathian huan, Eden ah la um hi; suang mantam chitin: karnelian, topaz leh jaspar, krusolit, beril leh onik, saphir, karbankul leh emeral, zosia hi la kicheina a hiu a; la kicheina zosia chu sana ah kisiam ngen ahi. Nangma kisiam ni khan ziate zosia hi, nang â ding ah siam ahi tau hi.

EZEKIEL 1:26

Chun, a luchung ua belkuang gual ah khû suk chung ah chun lallukhuk tawhbang, sapphir suangmantam gual ah kilang khat le a um ah; zia lalchutpha tawhbang chung ah chun mihing mêlpu khat a kitung a.

PAWTDAWNA THU 24:10

tichun, amau cheng chun, Israel Pathian chu a mu tau a. A keng pêk nuai ah chun sapphire suang mantam ah kisiam lampi kizutnâm khat a la um ah; a thian dan chu van thiang sing seng tawh bang ahi.

PAWTDAWNA THU 39:11

a tian ni’na chun tarkuois, saphir leh moonston suangte a hiu a;

PAWTDAWNA THU 28:18

a tian ni’na chun: turquie, sapphire leh moonstone;

ISAI 6:1

Lengpa Uzziah a thi kum in, Lalpa chu lal chutpha kichu, sâng tak leh lian tak in ka mu’n; chuleh, a puansil mongte chun tempul sung a lua dim hial a.

EZEKIEL 10:1

Chuleh, ka vak et leh, cherubte luchung a bêlkuang tawhbang ah khu’suk chung ah chun, sapphir suang mantam gual ah kilang, lalchutpha mêlpu khat a um a.