THUPUAN 4:2 - PATHIAN LEKHABU THIANGTHO (BSI)

² Ziaphatchun, thakhat in thagau in ka hung um ta’n; ngai tiam un, van ah chun lalchutpha khat a hung kidaw ah; zia chun mi pakhat a kichû.

THUPUAN 4:2 Referans Kwoze

THUPUAN 1:10

Lalpa ni’ chun thagau in ka hung um ah, zia lai tak ah chun pengkul gi gual in aw ngai tak in,

1 LENGTE 22:19

Ziaphatchun, Mikaiah in, “Ziaziakchun, Lalpa thu a la ngai in: Lalpa chu a lalchutpha chung ah kichu’n ka mu’n, a kiang in van sepai zosia chu a vei leh chang in a ding un.

ISAI 6:1

Lengpa Uzziah a thi kum in, Lalpa chu lal chutpha kichu, sâng tak leh lian tak in ka mu’n; chuleh, a puansil mongte chun tempul sung a lua dim hial a.

EZEKIEL 1:26

Chun, a luchung ua belkuang gual ah khû suk chung ah chun lallukhuk tawhbang, sapphir suangmantam gual ah kilang khat le a um ah; zia lalchutpha tawhbang chung ah chun mihing mêlpu khat a kitung a.

THUPUAN 5:1

Ziazaw chun, lalchutpha kichupa khut changlam ah chun, lekhabu zial a pêk langtua ah kizik, tepte’na sagi ah kitepte ka mu’n.

THUPUAN 4:9

Zia thilhing palite chun kumtuang ah hing zing lalchutpha ah kichu chu a chawihoi un, jana a piau ah, kipak thu a gen phat ua leh,

THUPUAN 4:5

Chun, zia lalchutpha ah kipat chun, kawlphete, van-gite leh awte a gi zung zung ah; chuleh, zia lalchutpha ma-âng ah chun thaumei pasagi a kuangsa’n a um zing in; zia chu Pathian Thagau pasagite chu a hiu.

DANIAL 7:9

Ka et zing leh, lalchutphate a hung kidaw a, Tuan ah tâng ah mi chun a lalchutpha a hun lua ah, a puan chu vûk gual in a vâm a, a sam chu samul vâm a bang hi; a lalchutpha meikuang ahi’n, a kengte le meikuang ahi.

THUPUAN 5:13

Thilsiam zosia, van leh leinuai leh tuisuagiat chung leh a sung ah um zosiate chun: “Lalchutpha chupa leh Belamno kiang ah chun, maljawlna, jana, lopina leh, vaihawmna leh thilhitheina kumtuang in um hen,” a tiu ka he.

THUPUAN 21:10

Thagau in ei pui ah, tâng sâng tak leh lian tak chung in ei pui a; van ah Pathian kiang ah kipat hung kitawl suk, khawpi thiangtho Jerusalem chu ei etsak a.

HEBRAITE 8:1

Tu’hin, thil I gen zosia ah a thupi chu zia hi ahi: Van ah Chungnung pen lalchutpha changlam ah kichu thiampu lianpen chu I nei ui;

THUPUAN 3:21

Kuale a zo te chu, keima’nle ka zaw ah, ka Pa kiang ah lalchutpha ka chut gual hin, ka lalchutpha kiang ah chutsak ding ka hi.

EZEKIEL 10:1

Chuleh, ka vak et leh, cherubte luchung a bêlkuang tawhbang ah khu’suk chung ah chun, sapphir suang mantam gual ah kilang, lalchutpha mêlpu khat a um a.

EZEKIEL 1:28

A kîmvêl ah vâk chu, gawzuk ni sûm ah uizo in a sal gual ahi. Lalpa lopina chu zia gual chun a kilang a. Ka mu phât in, ka mai ah leitual si’n ka pûk ta’n; ziaphatchun, mi pakhat in ei hun ho git ka he tai.

THUPUAN 20:11

Lalchutpha vam lopi chung ah kichu chu ka mu’n, a ma-âng ah kipat chun lei leh van a tai mang tau a; amau â dingin mun a um ta puai.

THUPUAN 19:4

Chun, upa sawmni leh pali leh thilhing palite chu a bokkhup ua, “Amen, Halleluijah,” ti’n Pathian lal chutpha kichu chu a ho tau a.

THUPUAN 21:5

Lalchutpha chung ah kichu chun, “En un, bangkim ka siamthak tai,” a tia. Chun, ka kiang in, “Zik in, zia thute hi a dik in a ginum hi,” a tia.

THUPUAN 17:3

Tichun, thagau chun gamthip lam in ei paw mang ta’n; Pathian gensiatna dim luchang pasagi leh kî sawm nei sahâng sandup chung ah chuang numei pakhat ka mu’n.

THUPUAN 12:5

Amanu chun chapa a hun nei ah, ama chu nam zosia chung ah thik tiang a vaihawm ding chu ahi; ziaziakchun, a nausen chu Pathian kiang ah lalchutpha umna chun lâk to in a um ngal tai.

THUPUAN 6:16

Mual leh tâng leh suangpite kiang ah chun, “Lalchutpha kichupa mit mu leh Belamno lungnatna kipat chun ei sêl unla, ei deldên ta un:

JEREMIAH 17:12

Aw, lal chutpha lopi, a lim ah kipat choisa’n ah um leh, I mun thiangtho uh umna ngei tak chu aw!

SAM 11:4

Lalpa chu a tempul thiangtho in a um a, Lalpa lalchutpha chu van ah a um hi. Mihing chate a mit in a entha zing in, a patep zing hi.

MATTHAI 22:43

Ama chun a kiang un, aleh, bangtidan ah David khan ama chu Thagau ah Lalpa, tithei a hem?

THUPUAN 4:10

upa sawmni leh palite chun lalchutpha kichû chu, a ma-âng ah bokkhup in a ho sek un; kumtuang ah hing zing pa ma ah chun a lallukhukteu chu a koithâu ah, chibai a bûk sek ui.