THUPUAN 4:11 - PATHIAN LEKHABU THIANGTHO (BSI)

¹¹ “Aw ka Lalpau leh Pathian, lopinate choihoinate leh, thilhitheinate chu chang tâk him la hi; nang in bangkim la siam ah, la kipakna ding ah siam leh um him a hiu,” a tiu a.

THUPUAN 4:11 Referans Kwoze

THUPUAN 5:12

Ziate chun aw ngai tak in: “Belamno tha ah umsa kha, thilhitheina, hausakna, pilna, hatna, choihoina, lopina leh maljawlna, chang tâk him ahi,” a tiu a.

ISAI 40:28

He’kha lo la hem? A la he’kha nai lo la hem? Lalpa chu Kumtuang Pathian ahi’n, kawlmong tiang Siamtu chu ahi. Ama chu chau ngai lo leh chawl ngai lo ahi; a thil hiatthiamna chu suidaw ding gual ahi puai.

THUPILTE 16:4

Lalpa‘n thil zosia hi panna nei chiat dingin a la siam ah; migilo natiangle ni phalo hun â dingin a la siam ahi.

THUPUAN 10:6

Van leh vanlai jawl ah thil um zosia, lei leh a chung ah thil um zosia, tuisuagiat leh a sung ah thil um zosia siamtu, kumtuang ah hing zing min ah chun a kitiam a: “Hun chu sawt nawt ta pua’n a.

THUPUAN 14:7

Ama chun aw ngai tak in, “Pathian chu lau unla, choihoina piau in; a vaihawm hun a tung tangal a; ama chu lei leh van leh tuisuagiat leh tuinâkte siampa chu a hiziak in bia un,” a tia.

THUPUAN 5:9

La thak a hun sau a: “Nang, Lekhabu chu la ah, a teptênate tham ding ah ting pen chu la hi; tha inla um ah, chitin, namtin, pautin leh mipite lak ah chun, la thisan inla tandok a, Pathian kiang la tut ta’n;

HEBRAITE 1:10

Chuleh, “Lalpa nang in a tîl in, leilung bulpi chu la guanggal a; vante khi nangma khutsuak ngen ahi;

THILSIAM THU 1:1

Pathian in a lim tak ah lei leh vânte a siam lai ah khan,

ROMTE 11:36

Ama ah kipat leh ama ziak leh, ama â ding ah thil zosia hung um ahi ngal ah; ama kiang ah chun kumtuang lopina chu um ta hen, Amen.

EPHESA 3:9

Pathian, thil zosia siampa kiang ah kumtuang ah sêl ah a la um thugûk chu, mi zosia musak dingin.

NASEPTE 14:15

“Suapite haw, bangatia zia gual ah chu la bawl guat ziang uh a hem? Kei uh le nangmau gual ah piang mihing ka hiu, zia tawhbang thil manlote hi la hun kihei san ua, Pathian hing kiang lam la hun ngat zawk theina ding ua a thu gen ah hung ka hi zawu hi; zia Pathian chu lei leh van siampa, tuisuagiat leh a sung ah um zosia siampa chu ahi.

JEREMIAH 32:17

Katei, Lalpa Pathian! La thilhitheina nasa tak leh, la khutbân jak ah lei leh vante siampa chu nang la hi! Nang â dingin thil haksa talua a um puai.

SAM 18:3

Pâk tâk Lalpa chu ko ing ka tin, tichun, ei do-te lakah kipat hukdam in um ing ka.

NEHEMIAH 9:5

Ziaphatchun, Levite, Jeshua, Kadmiel, Bani, Hashabneiah, Sherebiah, Hodiah, Shebaniah leh Pethahiah te chun, “Ding unla, Lalpa I Pathian uh chu kumtuang ah kipat kumtuang in pakcha tau in. Lalpa, la min lopi tak chu, maljawlna leh pâkna zosia chung ah choisa’n in um ta hen,” a hun ti tau a.

NASEPTE 17:24

Zia Pathian chu khawvel Siampa leh a sung ah um zosia Siampa, lei leh van Lalpa, tempul khut ah kisate ah hin a chêng pua’n;

2 SAMUEL 22:4

Lalpa chu ka ko in, ama chu pâk tâk him ahi’n, ka gâlte lak ah kipat hukdaw ka hi tai.

THUPUAN 5:2

Chun, vansawlchâk thilhithei tak khat hin aw ngai tak in, “Kua a hem zia lekhabu tepte’na hi tham ah, phêt thei ding?” tia kiko chu ka mu.

JOB LEKHABU 36:3

Ka hetna gamtin hun la khawm ing ka tin, ei Siampa dik zia chu hun taklang ing ka.

SAM 68:34

Pathian kiang in hatna piau inla, lopina chu Israelte chung in a um a; a hâtna chu van sûmte ah khin a um hi.

HEBRAITE 1:2

tu’hun nunung lam ah hin vang a Chapa in I kiang un thu a gen zaw tai; a Chapa chu bangkim golua dingin a têl ah, ama mang in Pathian in khawvel hi a la siam tai.

JEREMIAH 10:11

Zia gual chun a kiang un la gen ding ahi. Lei leh van siamtu hilo pathian zosia chu, lei chung leh van chung ah khin hi’mangthai sik sek hung hi’n au.

ISAI 40:26

La mit uh te sâng unla, en tiam un; zia zosia chu kua siam a hem? Amau siampa chun aksi honte a mal mal in a tiam ah, a min chiat un a ko hi; a hat ma ma ziak leh, a thilhitheina chungnun ziakin, pakhat chale a hi’khial puai.

DAN LEKHABU 32:4

Ama I Suangpiu, a thilbawl ah pha bukim, a lampi zosia dikna ngen ahi. Pathian ginum leh zuau bawlna um lo, thu dik leh dik tak ah bawl ahi’n;

PAWTDAWNA THU 20:11

Ni guk sung in Lalpa’n lei leh van, tuisuagiat leh a sung ah um zosia hi a siam zo ah, a ni sagi ni’n a la chawlsan tâk ziakin, Lalpa’n Sabbath ni chu maljawl in, a suthiangtho ta ahi.

THUPUAN 1:6

Chuleh, ei hepi ah, gitlona kipat a thisan in ei tandok ta’n, a Pa leh a Pathian lam ah lal leh thiampu ei siampa kiang ah chun, lopina leh thuneinate kumtuang in um ta hen.

THUPUAN 19:1

Ziazaw chun, mipi tam tak aw gi van ah kipat in ka he: “Halleluijah, hukdamnate, lopinate, choihoinate, leh thilhitheinate chu I Pathian â ahi.