THUPUAN 3:7 - PATHIAN LEKHABU THIANGTHO (BSI)

⁷ Philadelphia khua kochuam vansawlchâk kiang ah chun, zia gual hin zik in: Zia thute hi mithiangtho leh midik, David chabi nei, kuama khâk theilo ding ah hong leh, kuama hon theilo ding ah khâk khan a gen hi:

THUPUAN 3:7 Referans Kwoze

ISAI 22:22

David suan ah mite chung ah thuneina chabi pia’ng ka tin; ama honsa chu kuama’n khâk thei pua’n tin, a khâksa chule kuama’n hong thei diak pua’n au.

MATTHAI 16:19

Van-gam chabi chu la khut in pia’ng ka tin, lei ah la kân chu van ah le kân hi’ntin; lei ah la thap chu van ah le thap hi’n a, a tia.

THUPUAN 1:18

Kei chu khatvei thisa, himaleh, hing kit ta chu ka hi; ngaitia, kumtuang â ding ah hing zing chu ka hi tai, thina leh mithi khua chabi chu ka nei tai.

JOB LEKHABU 12:14

Ama’n a hisiat chu kuama’n sa kit thei ta pua’n a; ama’n a khak khum chu kuama’n hongthei ta pua’n a.

THUPUAN 6:10

Amau chun aw ngai tak in, “Aw Lalpa, thiangtho leh dik tak, lei ah umte chung ah ka thisan phubau chu la lo leh vaihawm lo a bang chan um nalai ding la hem?” ti’n a kiko ua.

JOHAN 14:6

Jesu’n a kiang in, “Keima hi lampi leh thutak leh hinna ka hi. Keima ah chia lo chu kuama Pa kiang a tung ngai puau hi.

LUKA 1:32

Ama chu milopi hung hi’ntin, Chungnung pen Chapa ti hung hi ding ahi; chuleh, Lalpa Pathian in a pa David lalchutpha chu ama hun pia ding ahi.

MARKA 1:24

a hung kikodok a: “Nazareth Jesu, kei haw bang ei law ding la hi em? Ei sumangthai ding ah hung la hi em? Nang, Pathian Mithiangtho la hi ka henai,” ti in.

ISAI 41:14

Nang, tangtêl tawhbang bep Jakob, nang, ganhing tawhbang bep Israel, lau him him kiu in! Hun panpi ding ka hi, Lalpa‘n a tii. Nang uh Tandokpa chu Israel Mithiangtho chu ahi.

1 JOHAN 5:20

Chun, Pathian Chapa chu a hung ah, midik chu hethei dingin hiattheina ei pia tai, ti I hiau hi; chuleh, a Chapa Jesu Khrista ah um in, midik ah chun I um uh ahi. Ama chu Pathian dik tak leh kumtuang hinna ahi.

THUPUAN 19:11

Chun, van a hung kihong ah, sakol kâng khat hung pawt ka mu; a chung ah chuang chu Ginum leh Dik a hia; ama chun dik tak in vai a hawm ah, gâl le a do sek hi.

THUPUAN 3:14

Chun, Laodikia khua kochuam vansawlchâk kiang ah chun, zia gual hin zik in: Amen, ginum tak leh hetpi dik tak, Pathian thilsiam bul khan zia thu hi a gen hi:

ISAI 54:5

La pawsal chu nangma hun Siamtu kha ahi’n, a min chu sepai honte Lalpa ahi ngal a. Israelte Mithiangtho, nangma hun Tanpa chu ahi’n, ama chu lei chung zosia’ Pathian ahi.

THUPUAN 5:9

La thak a hun sau a: “Nang, Lekhabu chu la ah, a teptênate tham ding ah ting pen chu la hi; tha inla um ah, chitin, namtin, pautin leh mipite lak ah chun, la thisan inla tandok a, Pathian kiang la tut ta’n;

THUPUAN 1:11

La thil mute chu lekhabu sun inla, kochuam pasagite kiang ah thot in: Ephesa, Smurna, Pergamum, Thuatira, Sardis, Philadelphia leh Laodikia khuate ah, a ti ka hia’n.

NASEPTE 3:14

Mithiangtho leh dik tak chu doi lo in, tualthat pakhat la kiang ua piak dingin la don zawu a;

MATTHAI 24:35

Lei leh van mangthai intin, ka thu ahileh vang mangthai pua’n a.

THUPUAN 1:5

Jesu Khrista, hiatpitu ginum leh, mithite lak ah suakdok masa pen leh, lei ah lalte vaihawm piak ding pa ah kipat chun, hepina leh chamna la chung un um ta hen.

LUKA 4:34

“Nazareth Jesu, bang ei law ding ah hung la hem? Ei sumangthai ding ah hung la hi maw? Nangma ka hun hia’i, Pathian Mithiangtho la hi,” ti’n a kiko a.

ISAI 55:5

Ngai un, la hetngai lo namte chu hun ko in la tiu in, Lalpa la Pathian, Israelte Mithiangtho chun, a hun chawihoi tâk ziakin, nangma hun he’kha ngai lo namte chunle, hun zuan ta’n au.

THUPUAN 15:3

Pathian suak Mosi La leh Belamno La chu a sau a: “Bangkim Hi’thei Lalpa Pathian, la thilhite chu a mak in a lopi hi; nang kumtuang Lal, la lampite chu a fel in a dik hi.

ISAI 49:7

Israelte Tandokpa leh a Mithiangtho, nam tinte musit leh ki’dak ah um, vaihawmte suakpa Lalpa chun zia gual hin a gen hi: “Lengte’n la pawtdok uh mu’n dingdok intiu in, lalte’n hun mu’n, la ma’n bokkhup in au. Lalpa ginum leh, Israel Mithiangthopa’n nang uh, hun têldokpa ziakin,” ti in.

ISAI 48:17

Nangma hun Tanpa, Israel Mithiangtho, Lalpa chun zia gual hin a gen hi: Keima hi Lalpa la Pathian, la phatna ding ah hun hilpa, la chiana lampi hun kaibâtpa chu ka hi.

ISAI 47:4

Ei Tanpa, sepai honte Lalpa chu a min ahi’n, Israelte Mi Thiangthopa chu ahi.

ISAI 41:20

tichun, mite’n zia chu Lalpa khut in a bawl ahi ti leh, Israel Mithiangtho siamdaw ahi ti a muu ah, a het ua, a ngaituau ah, a hetchian theina ding un.

ISAI 41:16

Nang in amau chu thît in la tin, huipi’n thejak ta’n a. Ziaphat chuleh, Lalpa ah chun kipak ta’n la tin, Israel Mithiangtho chu kisuanpi ta’n la.

ISAI 6:3

Zia gual hin a kidawngtua in a kiko ua: “Sepai honte Lalpa chu: A thiangtho hi, a thiangtho hi, a thiangtho hi; a lopina’n lei pumpi a lua dim hi,” ti in.

SAM 145:17

Lalpa chu a tawidan zosia’n a dik a, a thilbawl zosia ah mi lungsiat thei tak ahi.

SAM 89:18

Ka phawu hi Lalpa â ahi’n, ka lengpau hi Israel Mithiangtho â ahi.

JOB LEKHABU 11:10

Hung hen la, suangkul ah hun khum in, vaihawmna mai ah hun ko khawm leh, kua a hem nang thei ding?

THUPUAN 21:5

Lalchutpha chung ah kichu chun, “En un, bangkim ka siamthak tai,” a tia. Chun, ka kiang in, “Zik in, zia thute hi a dik in a ginum hi,” a tia.

THUPUAN 19:2

A vaihawmna chu a fel in, a dik ahi; ama chun nawchizuaknu lopi tak, a thanhuaina lei chung hi’buaknu chung ah chun vai a hawm a, a suakte phuba chu ama khut ngei in a la tai,” a tiu ka he.

THUPUAN 16:7

Chun, mâichâm ah kipat a hun dawnhuna chu ka hia’n: “Ahi, aw Lalpa Pathian Bangkim Hi’thei, zia gual tak ah chun la vaihawmna chu, a fel in a dik ahi!” a ti ka he kit a.

THUPUAN 4:8

Chuleh, zia thilhing palite chun thâ paguk chiat a nei ua; a kîmvêl leh a sung lam uh chu mit a dim a hiu. Amau haw chun sun leh jan chawl lo in zia La hi a sau ah: “Lalpa Pathian Bangkim Hi’thei, um tasa leh um lai tak leh hung um ding chu, A thiangtho hi, a thiangtho hi, a thiangtho hi,” a tiu a.

THUPUAN 2:1

Ephesa khua kochuam vansawlchâk kiang ah chun zia gual hin zik in: A khut changlam ah aksi pasagi chawi ah, sana thaumei koina pasagi lak ah vâk lumlet khan zia thu hi a gen hi:

ISAI 30:11

zia lampi chu nusiau inla, lampi chu pet mangsan tau in; Israel Mi Thiangthopa chu ka ngai nuam ta puau hi,” tiu in.

SAM 16:10

Ka thagau hi Sheol kiang ah pedok pua’n la tin, la mi ginum hile lei kawkhûk ah lutsak diak pua’n la.