THUPUAN 3:5 - PATHIAN LEKHABU THIANGTHO (BSI)

⁵ A zo te chu puan vâm silsak hi’n tiu in; hinna lekhabu a min uh chu thâimang him him pua’ng ka; Pa ma-âng leh vansawlchâkte ma-âng ah chun a min uh chu panpi zaw’ng ka.

THUPUAN 3:5 Referans Kwoze

MATTHAI 10:32

Kuale, mite ma ah ei panpi tapo, ka pa van ah um ma ah panpi ing ka tin;

THUPUAN 21:27

Zia tak chun thilbuak hi’te lut pua’n tiu in, thil kidak um hi’te leh juautheite le lût diak pua’n au; Belamno Hinna Lekhabu min kikhumte bep lût in au.

THUPUAN 20:15

Kuale Hinna Lekhabu a min kizik lo tapo chu meidil in a pai tau hi.

LUKA 12:8

Zia hile ka hun hil la hiu: Mite ma ah ei panpi chu, Mihing Chapa hin Pathian vansawlchâkte ma ah panpi ding ahi.

THUPUAN 17:8

Zia sahâng la mu kha a la umsa um lo kit, lei kawkhûk tawp nei lo ah kipat hung pawt kit ding leh manthaina lut kit ding chu ahi. Um zet ta ah, um lo kit sahâng chu a hung pawt kit lei ah mite, khawvel kisiam tîl ah kipat Hinna Lekhabu min kikhumlote chun a hun mu kit tak ua leh mak sa ma ma in au.

THUPUAN 20:12

Mithite, a lian a neu, lalchutpha ma-âng ah hung ding chu ka mu’n; ziaphatchun, Lekhabu chu a phêt un; chuleh, lekhabu dang Hinna Lekhabu kiti chu a phêt kit un; mithite zosia chu a thil hi dan uh Lekhabu kizik dungzui in thu a tan piak tau a.

THUPUAN 13:8

Khawvel siamtil ah kipat tha’sa, Belamno hinna Lekhabu min kikhum lo tapo leh, lei chung ah um zosia chunle ama chu hun be ta’n au.

SAM 69:28

A min uh chu hinna lekhabu kipat in, thaimang in um hen la; midikte lak in a min uh zik lut hi ki’hen.

THUPUAN 2:7

Thagau in kochuamte kiang ah thu a gen hi, nakhang nei taphot chun he tau hen. A zo tapo chu Pathian paradis ah a nêk dingin hinna thingga pia ding ka hi, a tii, ti in.

PHILIPPI 4:3

Ahi, ka ngawngkol bâtpi dik tak, nang le zia numeite kha panpi dingin ka ni la hi; amau chun Klemen leh ka seppi dang, hinna bu ah a min uh chuangte tawh, chanchinpha ah chun ei la seppi ngal ua.

THUPUAN 19:8

A monu ding chu puan malngat thiang leh, vâm tak silsak a hi’n, zia puan malngat chu, a mi thiangthote dikna nasep ahi”. A tiu a.

MALAKI 3:17

Sepai honte Lalpa chun, amau chu kei â hi’n tiu in, thil ka hun bawl ni phat leh amau chu ka gochan bîkte hi’n tiu in; min a na sep piak a chapa a duat gual un, amau chu hawi ding ka hi.

THUPUAN 22:19

Chuleh, kua’nle, zia thu genlawkna Lekhabu kizikte hi a lâk mang chun, zia lekhabu kizik, Hinna Lekhabu kipat leh khawpi thiangtho ah a chan ding chu Pathian in lamang in a.

THUPUAN 3:4

Ahi’n, Sardis khua a puanteu hi’buak lo mi tawmcha a um ui; ziate chu puan vâm sil in ka kiang in lêng in au; zia gual chu chang tâk him ahi ngal un.

JUDA 1:24

Tu’hin, kipûk lo ding ah hun vengthei leh, a lopina ma ah demna bei leh kipak tak ah koi theipa,

SAM 109:13

A suante chu paithâk in um uh hen la; a min uh le a khang ni na’n thaimang in um ta hen.

1 SAMUEL 17:25

Israelte chun, “Zia mipa hung pawt saw la mu em? Israelte cho ding ah hung pawt sek ahi. Ama that thei taphot chu, lengpa Saul In ah hausatna nasa tak tawh, a chanu le pia’n tin, Israelte lak ah a Inkuan un zalenna pia ding ahi,” a tiu a.

DAN LEKHABU 9:14

Amau hi’mangthai ding leh van nuai ah a min uh thaimang dingin kei ngen in ei nusia mai ta’n! Nangma la hileh vang, amau sâng ah hatzaw leh tam zaw’n hun siam ing ka,” a tia.

LUKA 10:20

Thithate la thu thuu ah a um ziak un kipak ziang kiu inla, van ah la min uh zik ahi ziakin kipak zaw tau in,” a tia.

THUPUAN 2:11

Thagau in kochuamte kiang ah thu a gen hi, nakhang nei taphot chun he tau hen. Kuale a zo tapo chu thinina chun bangma law ta pua’n ah, atii, ti in.

THUPUAN 3:12

Kuale a zo tapo chu ka Pathian biak In ah khuam in pansak ing ka tin, zia kipat chun pawt kît ta pua’n tin; chuleh, a chung ah chun ka Pathian min leh, ka Pathian khawpi min Jerusalem thak, van ah Pathian kiang ah kipat hung kitâwl suk min leh keima min thak chu zik ding ka hi.

THUPUAN 6:11

Amau chu puan vâm a hun pechiat ua; chuleh, a kiang ua a suak chanpiteu leh a unauteu, amau gual ah tha a hung um dingte chu a hung kim masang siau ngak tadi dingin a hil ua.