THUPUAN 3:21 - PATHIAN LEKHABU THIANGTHO (BSI)

²¹ Kuale a zo te chu, keima’nle ka zaw ah, ka Pa kiang ah lalchutpha ka chut gual hin, ka lalchutpha kiang ah chutsak ding ka hi.

THUPUAN 3:21 Referans Kwoze

2 TIMOTHI 2:12

I thok uh chun, ama tawh vaihawm khawm hitiu; ama I kilepsan uh chun, ama’nle ei kilepsan in a.

MATTHAI 19:28

Jesu’n a kiang un, “Titakzet in ka hil la hiu, Thil zosia siamthakna mun ah Mihing chapa a lopina Lal chutpha a chut tak leh nanghaw ei zuite hi, Israel nam sawm leh nite vaihawm piak dingin, lalchutpha sawm leh ni ah chu ding la hiu.

JOHAN 16:33

Keima ah thamuanna la neitheina ding un, zia thute hi ka hun hil la hiu. Khawvel ah hin gim genthei thuak in lau. Himaleh, thamuang tak in um un; keima’n khawvel ka zo tai,” a tia.

THUPUAN 2:7

Thagau in kochuamte kiang ah thu a gen hi, nakhang nei taphot chun he tau hen. A zo tapo chu Pathian paradis ah a nêk dingin hinna thingga pia ding ka hi, a tii, ti in.

MATTHAI 28:18

Jesu a hung ah, a kiang un, “Lei chung leh van ah thuneina zosia ka kiang ah piak ahi tai;

LUKA 22:30

ka lenggam ah chun, ka dawkan ah an lei nekpi theina ding uh leh, Israel nam sawm leh nite vaihawmna lalchutpha ka kiang ah la hung chut theina ding un, a tia.

THUPUAN 20:4

Chun, lalchutphate leh a chung ah kichute chu ka mu’n, a kiang un vaihawmna piak ahi’n. A khut ua a hem, a chal ua a hem ah tepte ding a la nuamlote, sahângle ho nuam lo ah, a limle ho nuam lo ah, Pathian thu leh Jesu hetpina ziak ah a ngawng uh tan ah a la umte thagau chule ka mu’n; amau chu Khrista tawh um khawm in, vai a hawm khawm un.

THUPUAN 1:6

Chuleh, ei hepi ah, gitlona kipat a thisan in ei tandok ta’n, a Pa leh a Pathian lam ah lal leh thiampu ei siampa kiang ah chun, lopina leh thuneinate kumtuang in um ta hen.

THUPUAN 12:11

Belamno thisan ziak leh, amau thu hiatsakna ziak leh, a hinnau chu thi ngam ah îtcha lo ah a la pan ziak un, zawna chu a chang tau hi.

THUPUAN 17:14

Amau chun Belamno chu do intiu in; himaleh, Belamno chun amau chu zo in a; lalte Lal leh hotute Hotu ahi ngal a; tichun, a ko te leh a têl te leh ginumte chu a kiang ah chun um ta’n au, a tia.

THUPUAN 7:17

Belamno, lalchutpha lailung ah um chu, amau vêngtu hita’n tin, hinna tuikhukte ah pui intin, Pathian in a mit ua kipat, mitthi zosia thiak-hul ta’n a,” a tia.

THUPUAN 6:2

Ka vak et leh, sakol kâng pakhat ka mu, a chung ah chuangpa chun thalpi pakhat a nei a; chun, lallukhuk pakhat a hun piau a; zo ding leh zo pek dingin a kuandok ta.

MATTHAI 25:21

A pu chun a kiang in, la bawlpha na e! Suak pha leh ginum, tawmcha chung ah la ginum ziakin, tam tak chung ah vaihawm dingin hun koi ing ka; la pu kipakna’n lut ta’n, a tia.

THUPUAN 5:10

Pathian lam ah lal leh thiampu’n la siam a; lei chung ah vaihawm dingte a hitau hi,” ti in.

THUPUAN 20:6

Thawkitna masa pangte chu a thiangtho un, a hamphau hi; amau chung in thi ni’na chun thu a nei ta puai; ahi’n, Pathian leh Khrista thiampute hi’n tiu in, ama tawh kum sang khat vaihawm khawm ta’n au.

JOHAN 13:32

Ama ah Pathian choihoi ah a um chun, Pathian in ama chule chawihoi ngal in a.