THUPUAN 22:7 - PATHIAN LEKHABU THIANGTHO (BSI)

⁷ Ngai in, hung ziang ding ka hi tai; zia lekhabu thu genlawk gual ah umte chu a hamphau hi,” a tia.

THUPUAN 22:7 Referans Kwoze

THUPUAN 3:11

Hung vak ziang ding ka hi; kuama’n la lallukhuk ding chu a lâkpiak lona ding in la neisate kha pha tak in vopdet zing ta’n.

THUPUAN 1:3

Kuale ziate hi simdok ah, zia thu kigenlawk thute hi he’, a sung ah kizikte zui chu mi hampha hi’n ah, a hun a nai tangal a.

THUPUAN 22:20

Zia thilte hiatsakpa hin, “Hung vak ding ka hi tai,” a tia. Amen, hung ta’n, Lalpa Jesu!

THUPUAN 22:12

Ngai in, hung vak ziang ding ka hi tai; mi zosia a nasep dungzui chiat ua piak dingin ka kipakman ka kiang in a um tai.

THUPUAN 16:15

(Ngai un, gucha gual in ka hung hi. Kuale kiging zing ah umte leh puanchêng zingte chu mi hampha a hiu. A la kiginglote chu ngawnchang in um intiu in, mualpho in au.)

THUPUAN 1:11

La thil mute chu lekhabu sun inla, kochuam pasagite kiang ah thot in: Ephesa, Smurna, Pergamum, Thuatira, Sardis, Philadelphia leh Laodikia khuate ah, a ti ka hia’n.

THUPUAN 2:16

Ziaziakchun, la lung hun hei in; achutilochun, hung vak ing ka tin, ka kam ah chemjam ah hin amau chu hun do ding ka hi.

THUPUAN 3:3

La thil mu dan leh het dante kha hezing in vop pha’n la, la lung hun hei ta’n. La kivên lo chun gucha gual in hung ing ka tin, bangtik hun ah ka hun phawn ding helo la hi.

THUPUAN 22:18

Zia Lekhabu ah thu kigenlawkte hekha zosia kiang in zia hi ka hun hiatsak ahi: Kua’nle zia thute hi a belap chun, zia Lekhabu ah gawtna kizikte hi, Pathian in a chung ah belap in a.

THUPUAN 22:19

Chuleh, kua’nle, zia thu genlawkna Lekhabu kizikte hi a lâk mang chun, zia lekhabu kizik, Hinna Lekhabu kipat leh khawpi thiangtho ah a chan ding chu Pathian in lamang in a.

THUPUAN 22:21

I Lalpa Jesu Khrista hepina chu mithiangthote zosia chung in um ta hen. Amen.