THUPUAN 22:6 - PATHIAN LEKHABU THIANGTHO (BSI)

⁶ Chun, ama chun ka kiang in, “Zia thu kigente hi a ginum in a dik ahi; jawlnei thiangthote Lalpa Pathian chun, thil um pai ta dingte chu etsak dingin a vansawlchâk a hun sawl ahi.

THUPUAN 22:6 Referans Kwoze

THUPUAN 1:1

Jesu Khrista thupuan, Pathian in a suakte kiang ah hiatsak ding ah a piak, thil hung um pai dingte chu; zia chu a vansawlchâk hun sawl in, a suak Johan chu a hun musak ta’n;

THUPUAN 21:5

Lalchutpha chung ah kichu chun, “En un, bangkim ka siamthak tai,” a tia. Chun, ka kiang in, “Zik in, zia thute hi a dik in a ginum hi,” a tia.

THUPUAN 19:9

Ama chun ka kiang in, “Belamno moneina luaithe’na ûm ding ah chialte chu a hamphau hi, ti hi zik in,” ei tia. “Ziate hi Pathian ngei in a gen ahi,” a tia.

2 PETER 1:21

Thu genlawk him him hi mihing thu pawt ahi ngai pua’n; mite’n Thagau Thiangtho sawl in, Pathian ah kipat a muu ah a gen uh ahi zaw sek hi.

NASEPTE 3:18

Himaleh, Khrista chun zia thilte chu thuak ngei ding ahi, ti Pathian chun a jawlneite zosia mang in a la hillawk ah, zia gual tak ah chun a guitung ta ahi.

LUKA 1:70

masang lai pek ah kipat khan, zia thute hi a jawlnei thiangthote chu mang in, a la genlawk ta’n,

THUPUAN 18:20

Aw nanghaw vante leh sawlchâk thiangthote leh jawlneite haw, amanu chung ah chun kipak ta un; Pathian chun la phubau chu amanu chung ah hin a la tai!” a tiu a.

2 PETER 3:2

Jawlnei thiangthote thugen lawk leh, la sawlchâkteu kam ah Lalpa leh Hukdampa thupiak chu la het zingna ding un.

HEBRAITE 12:9

Zia tilo ah chun, ei thunun ding taksa nu leh pate I nei chiat ui; amau chu I ja ma mau a. Zia sâng ah nasa zaw chun, I hinna ding un, thagau lam I pau thu nung zaw diak lo ding I hiu em?

ROMTE 1:2

zia chu Pathian Lekha thiangtho ah a jawlneite mang ah a la tiam lawk chu;

THUPUAN 22:7

Ngai in, hung ziang ding ka hi tai; zia lekhabu thu genlawk gual ah umte chu a hamphau hi,” a tia.

1 KORINTH 14:32

Thugente thagau chu a thugente thu thu’n a um hi.

MATTHAI 13:41

Mihing Chapa chun a vansawlchâkte sawldok intin, a gam ah kipat in migilote leh mi gitlosakte chu hun lakhawm intiu in;

THILSIAM THU 41:32

Chun, mang thua a hun nei sakna ziak chu, zia thil hung tung ding chu Pathian in a guat ma ma, Pathian ma ma in a hun tunsak kawm ding a hiziak ahi.

LUKA 16:16

Ahi’n, dan thu leh jawlneite thu chu, Johan hung um tiang khan a um a; zia kipat chun Pathian gam chanchinpha genjak in a um ah; ahi’n, mitin in pawngbawl in lut a guau hi.

DANIAL 6:22

Ka Pathian in a vansawlchâk a hun sawl ah, sakeibaknei kam chu a chi’sak ah, ei suna lo uh ahi; a ma-âng ah bangma bawlkhial ka nei lo ziakin; chuleh, aw lengpa, la ma-âng inle bangma bawlkhial ka nei puai,” ti’n a hun dawnhu tai.

DANIAL 3:28

Nebukadnezar in, “Sadrak, Meshak leh Abednegote Pathian chu pâk in um ta hen! Ama’n a vansawlchâk hun sawl in, ama muangah a nasêmte, lengpa thupiak le jalo ah a Pathian uh tilo pathian dang nasep leh ho sâng ah, a taksau pedok ngam zaw te chu meipi lak ah kipat in a hukdok ta’ngal in.

2 THESSALONITE 1:7

Lalpa Jesu van ah kipat vansawlchâk hat takte tawh meikuang ah a hung kilâk phat leh, nang uh gimthuak ah umte chu kei uh tawh chawldamna ei piak ah,

1 KORINTH 7:29

Suapite haw, hun a chom tai ka ti’na ahi; tu’kipat in ji neite chun a neilo gual in um uh hen la,

NASEPTE 12:11

Peter chu a hung pil phatin, “Lalpa‘n a vansawlchâk a hun sawl ah, Herod khut leh Juda mite kinepna zosia ah kipat ei hukdok ahi ti tu’hin dik tak in ka he tai,” a tia.

THUPUAN 4:1

Ziazaw chun, ka vak et leh, van ah kot kihong ka mu’n, zia lai tak ah aw ka het masak, pengkul gi gual ah ngai a ei ho chun, “Hung to tiam in, tu’nung a thil hung um dingte chu hun etsak ing ka,” ei tia.

THUPUAN 21:9

Chun, belbu sagi a sung ah gawtna nunung sagite ah dim chawite lak ah, vansawlchâk pakhat chu ka kiang in a hung a, “Hung tiam in, monu, Belamno ji chu etsak ing ka,” a tia.

THUPUAN 22:1

Vansawlchâk chun, Pathian leh Belamno lalchutpha kipat luangdok hinna lui tui thiang tak, krustal suang gual ah thiang chu ei etsak a.

THUPUAN 22:16

Kei Jesu hin, zia thute hi kochuamte hiatsak ding ah ka vansawlchâk chu ka sawl ahi. Keima David suan leh a phung bulpi Jingsol aksi vâk chu ka hi, a tia.