THUPUAN 21:9 - PATHIAN LEKHABU THIANGTHO (BSI)

⁹ Chun, belbu sagi a sung ah gawtna nunung sagite ah dim chawite lak ah, vansawlchâk pakhat chu ka kiang in a hung a, “Hung tiam in, monu, Belamno ji chu etsak ing ka,” a tia.

THUPUAN 21:9 Referans Kwoze

THUPUAN 21:2

Khawpi thiangtho Jerusalem thak chu, monu a pawsal â ding ah kichei gual ah siam tupsa, van ah kipat kitawl suk ka mu’n.

THUPUAN 19:7

Lim leh kipak tak in ama chu chawihoi hitiu. Belamno mo nei hun a tung ta’n, a mo dingle a kisa zo tai,

THUPUAN 17:1

Belbu pasagi chawi vansawlchâk pasagite lak ah pakhat chu a hung ah, ei hung ho a: “Zia lam hin hung in, tui tam tak chung ah kichu, numei kizuaknu chung ah vaihawmna lopi chu etsak ing ka;

THUPUAN 1:1

Jesu Khrista thupuan, Pathian in a suakte kiang ah hiatsak ding ah a piak, thil hung um pai dingte chu; zia chu a vansawlchâk hun sawl in, a suak Johan chu a hun musak ta’n;

THUPUAN 21:17

Kulbâng chu a te’ ah, tong za sawmli leh li ahi; zia chu mihing te’na dan vansawlchâk in a mat ahi.

THUPUAN 22:1

Vansawlchâk chun, Pathian leh Belamno lalchutpha kipat luangdok hinna lui tui thiang tak, krustal suang gual ah thiang chu ei etsak a.

THUPUAN 22:6

Chun, ama chun ka kiang in, “Zia thu kigente hi a ginum in a dik ahi; jawlnei thiangthote Lalpa Pathian chun, thil um pai ta dingte chu etsak dingin a vansawlchâk a hun sawl ahi.

THUPUAN 22:17

Chuleh, Thagau leh mo chun: “Hung in,” a tiu a. A he tapo chun, “Hung in,” tiu hen. Chuleh, a nuam tapo in hinna tui hi, a thawn in hung dawn uh hen.