THUPUAN 21:8 - PATHIAN LEKHABU THIANGTHO (BSI)

⁸ Himaleh, mi dawilokte, ginglote, ki’dak umte, tualthatte, thanghuaite, dawi mangte, milim ho-te, juautheite zosia chun mei leh kât ah kâng meidil chang ta’n au, zia chu thi ni’na chu ahi,” a tia.

THUPUAN 21:8 Referans Kwoze

THUPUAN 2:11

Thagau in kochuamte kiang ah thu a gen hi, nakhang nei taphot chun he tau hen. Kuale a zo tapo chu thinina chun bangma law ta pua’n ah, atii, ti in.

THUPUAN 22:15

A pawlam in uichate, dawithiamte, thânghuaite, tualthatte, milim hote leh juau thu dawi leh juau thugen chîngte um in au.

THUPILTE 19:9

Hiatpitu diklo chu gawt lo in um pua’n tin, zuau gente chule bangmalo hung hi’n au.

1 JOHAN 3:15

A suapi hua taphot chu tualthat a hiu; tualthatte chun kumtuang hinna a nei puau hi ti le la hiau.

MALAKI 3:5

Ziaphat chuleh, la chungchâng vaihawm dingin hung ing ka; dawi mangte, ângkawmte, zuau ah kitiamte, meithâi leh chaga la goinau thaman la lepbawl nateu, malzin khawtua nuam lo ah nawmangte leh keima ei ki’cha lo mite chung ah hiatpitu dingin hung pai ziang ding ka hi, sepai honte Lalpa chun a ti ahi.

THUPUAN 19:20

Sahâng chu a man ua, jawlnei lêm a ma-âng ah thilmak bawl sek leh, sahâng tepte’na nei ding ah mi thêm zo sek kha, a paniu in mei leh kât ah kâng meidil ah chun a hing in a pai lut tau a.

HEBRAITE 13:4

Mi zosia’n kichenna hi jau hen la, jalkhun le sukbuak hi ki’hen; tasualte leh ângkawmte chu Pathian in vaihawm piak ding ahi.

1 TIMOTHI 4:2

zia chu mi phalêmte juautheina ziakin ahi, amau chu a sia leh pha hetnau thîk âm ah bî piak gual a hiu in.

MATTHAI 8:26

Ama chun a kiang un, “Ginna tawmte haw, bangatia lau la hiu em?” a tia. Zia nung ah chun a tho ah, huipi leh tui chu a vau ah, a hung thip veng veng tai.

THUPUAN 9:21

A tualthanau leh a dawi thil matteu, a tatsualnau leh a gukchaknateu le a haisan diak puau hi.

JOHAN 8:44

La pau diabol mite la hiu in, la pau doigual bawl la nuam ui. Ama chu a lim ah kipat tualthat ahi’n, thu tak in a um ngai puai; ama ah chun thu tak him him a um puai. Zuau a gen tak leh ama mizia dungzui in a gen sek a; ama chu zuauthei ahi’n, zuauthei te pa le ahi.

MATTHAI 10:28

Taksa bep thatthei, thagau that theilo chu lau kiu inla; taksa leh thagau susia thei ah, gawt mun ah koithei nalai chu lau zawu in.

THUPILTE 19:5

Hiatpitu zuauthei chu gawt lo in um pua’n tin, zuau gente chule suakcha pua’n au.

DAN LEKHABU 20:8

Hotute chun sepaite kiang in zia gual hin gen uh hen la: “A lauthawng leh a lungthuai kua la um awm? Ama lungthim gual ah a lawite a hilung-thuailona dingin In lam ah chia kit ziang hen,” ti in.

1 JOHAN 2:22

Jesu chu Khrista ahi ti gingcha lo khêl ah mi juauthei kua a hem um? Pa leh Chapa gingcha lo chu Khrista dodâl ahi.

ISAI 9:15

a upateu leh a mi kumluiteu chu a luchang uh a hiu a; zuau thu zilsak a jawlneiteu chu a mei uh a hiu;

1 JOHAN 5:10

Pathian Chapa gingte’n hetpina chu a lunggil un a nei chiat tau hi. Pathian ginglote’n vang ama chu juauthei a chansak tau hi, Pathian in a Chapa chanchin a hiatsak chu a gin lo ziak un.

ISAI 57:11

Kua la lau ziak leh la kichâk ziak ah zuau gen ah, keima ei hemil ah, la lungthim ah le ei gêl kha talo la hitau em? Thipbek ah um in, ka mit ka sîn san ziak ah ei lau lo la hiu maw?

VAIHAWMTE 7:3

Tu’hin, sepaite kiang ah gen in, ‘Kuale a lau leh kithing taphot chu chia kit ziang hen,’ ti’n la,” a tia. Tichun, Gideon in a zendok ah; sepai sîng ni leh sang ni a kile’kit ua, sîng khat a um den tau a.

THUPUAN 2:2

La nasep dante, la sepgim dante, la thok gunchu dante, migilo haw la la ngai theilo dante kha ka hia’i. Sawlchâk hilo pi ah ka hi kitite la la patep ah, juauthei a hiu ti la he tai.

ISAI 51:12

Kei, Keima hi ka hi nanghaw hun thamuanpa chu; a thi mang ziang thei mihing bep leh, hampa gual ah vul kit ziang ding haw hi, bang ding ah lau la hiu em?

2 THESSALONITE 2:9

Zia dan susepa hungna chu Setan sep dan dungzui in, thilhitheina zosia, tepte’na zosia, juau thilmakte tawh,

HEBRAITE 12:24

chuleh, thuthung thak palai Jesu, Abel thisan sâng ah thu phazaw gen ding ah thisan kithe’na kiang lam ah hung khawmte la hizaw ngal un.

TITA 1:16

Pathian he a kitiu in, himaleh a nasep ua chun ama a kihetlosak ui. Ki’dak um tak leh thu awilo tak in, thilpha hi’na ding lam taphot in a ting zo ta puau hi.

THUPUAN 9:17

ka la mudan ah chun, sakol leh a chung ah chuangte chu zia gual hi a hiu: A chung ah chuangte awmphawteu chu meiâm gual in a âm ah, suanghat gual ah tâk leh kât gual ah hat a hia; a sakollu teu chu sakeibaknei luchang gual a hia; a kam ua pat chun mei leh meikhu leh kât a pawt hi.

THUPUAN 14:10

ama chun Pathian lungnatna uain, bangma tawh hel lo, a lungnatna no ah kisung chu dawn intiu in, vansawlchâk thiangthote leh Belamno ma-âng in mei leh kât ah sukgenthei hi’n au.

THUPUAN 21:27

Zia tak chun thilbuak hi’te lut pua’n tiu in, thil kidak um hi’te leh juautheite le lût diak pua’n au; Belamno Hinna Lekhabu min kikhumte bep lût in au.

MATTHAI 25:25

tichun, ka hun lau ah, ka chia ah, la talent kha lei ah ka vaphûm ah, en in, nang â ngai ma kha ka hun chawi kit hi, a tia.

MARKA 9:44

A lungle thi ta pua’n tin, a meile mit diak lo ding ahi ngal a.