THUPUAN 21:6 - PATHIAN LEKHABU THIANGTHO (BSI)

⁶ Chuleh, ka kiang in, “Zaw ahi tai. Kei Alpha leh Omega, a bul leh a tawp chu ka hi. Dangchâk tapo chu hinna tuinâk ah tui hi a thawn in pia’ng ka.

THUPUAN 21:6 Referans Kwoze

JOHAN 4:10

Jesu’n a dawnhu a, “La kiang ah dawn ding ei pia’n, tipa leh, Pathian thilpiak chu he hilechin vang, ama kiang ah hin don zaw’n la tin, ama chun tuihing hun pia ding hive’n,” a tia.

THUPUAN 7:17

Belamno, lalchutpha lailung ah um chu, amau vêngtu hita’n tin, hinna tuikhukte ah pui intin, Pathian in a mit ua kipat, mitthi zosia thiak-hul ta’n a,” a tia.

JOHAN 4:14

himaleh, a kiang ah ka piak ding tui dawn tapo chu, kum khua’n a dangchâk ta pua’n a; keima’n a kiang ua ka piak ding tuinâk chu a sung un um intin, kumtuang hinna tiang in pûtdok in a,” a tia.

SAM 36:9

Nangma ah chun hinna tuikhuk a um ngal a; nangma vâk ah chun khawvak ka muu hi.

ROMTE 8:32

Ama Chapa hial bawn hawi lo ah, I leng ua thasâng ah hun pepa chun, thildang zosia le a thawn in ei pelo ding a hem?

THUPUAN 22:17

Chuleh, Thagau leh mo chun: “Hung in,” a tiu a. A he tapo chun, “Hung in,” tiu hen. Chuleh, a nuam tapo in hinna tui hi, a thawn in hung dawn uh hen.

THUPUAN 1:8

Kei Alpha leh Omega, a bul leh a tawp chu ka hi, Lalpa Pathian, um lai tak leh umsa leh hung um ding, bangkim hi’thei chun a tii.

ROMTE 3:24

Khrista Jesu tatna jal ah chun, a hepina ziakin a thawn ah thiamchansak I hitau hi;

THUPUAN 22:13

Kei Alpha leh Omega, a masa pen leh a nunung pen, a bul leh a tawp chu ka hi.

THUPUAN 16:17

Chun, vansawlchâk sagina chun a belbu chu vanlaijawl in a buntha ta’n; van ah tempul leh lalchutpha kipat chun aw ngai tak in, “Zaw ahi tai,” ti’n a hung kiko a.

ISAI 12:3

Hukdamna tuikulte ah kipat chun, kipak tak in tui thâldok ta’n lau;

THUPUAN 1:17

Zia gual ah ama ka mu phât chun a kengbul ah mithi gual in ka kipûk ta’n. Chuleh, ama chun a khut changlam ka chung ah koi in, “Lau kin, a masa pen leh a nunung pen chu ka hi.

1 KORINTH 2:12

Thagau I chan uh hi khawvel ah kipat a hipua’n, Pathian ah kipat Thagau chu ahi zawi; tichun, Pathian ah kipat a thawn ah piak ah um, zia thilte ngei chu I hethei uh ahi.

JEREMIAH 2:13

Ka mite’n thil pani a hi’khial ta’ngâl un: Tuinâk hing keima ei nusia in, tui um thei lona bêlsia gual, tui bêlte a kisiam ui.

THUPUAN 10:6

Van leh vanlai jawl ah thil um zosia, lei leh a chung ah thil um zosia, tuisuagiat leh a sung ah thil um zosia siamtu, kumtuang ah hing zing min ah chun a kitiam a: “Hun chu sawt nawt ta pua’n a.

JOEL 3:18

Zia ni chuleh, tângte chun uain thum vatsak ta’n tin, mualte ah chun bawngnawi luang intin, Judai gam ah lui guam zosia chun, tui luang ta’n a; Lalpa In ah kipat in tuinâk hung luangdok intin, Wadi Shittim chu tui in buak khum ta’n a.

HOSEA 14:4

A thutak lonau ah kipat in sudam ing ka tin, a thawn in amau hepi ta’ng ka; amau chung ah ka lungnatna a bei ta ngal a.

1 KORINTH 3:12

Zia suangphûm chung ah chun mitin in sana a hem, dangka a hem, suang mantam a hem, thing a hem, bupawl a hem, hampa a hem in sa taleu,

THUPUAN 1:11

La thil mute chu lekhabu sun inla, kochuam pasagite kiang ah thot in: Ephesa, Smurna, Pergamum, Thuatira, Sardis, Philadelphia leh Laodikia khuate ah, a ti ka hia’n.

1 KORINTH 3:21

Ziaziakchun, kuama’n mihingte suang ki’hen. Bangkim hi nang uh â ahi;

1 KORINTH 3:5

Apollo chu bang a hem? Paul chu bang a hem? La gin theina ding ua, Lalpa‘n nasem ding ah a guat dungzui ah nasemte a hiu.

JOHAN 4:11

Numei chun a kiang in, “He pu, tui khaidawna ding bangma la nei pua’n, zia tuikul hi a thûk ngal a; khoi ah kipat a hem zia tuihing chu la nei?

THUPUAN 3:14

Chun, Laodikia khua kochuam vansawlchâk kiang ah chun, zia gual hin zik in: Amen, ginum tak leh hetpi dik tak, Pathian thilsiam bul khan zia thu hi a gen hi: