THUPUAN 21:3 - PATHIAN LEKHABU THIANGTHO (BSI)

³ Van ah kipat aw ngai tak in: “Ngaitia, Pathian biakbûk chu, mihing lak in a hung um tai. Ama chu a lak un chêng intin, amau chu a mite hi’n tiu in, Pathian ngei chu amau lak ah um intin; a Pathian uh hita’n a.

THUPUAN 21:3 Referans Kwoze

EZEKIEL 37:27

A lak un chêngden ing ka tin; chuleh, a Pathian uh hita’ng ka tin, amau chu ka mite hita’n au.

2 KORINTH 6:16

Milimte leh Pathian biak inle bang a hem kituakna a nei uh? Ei uh chu Pathian hing biak In I hingal un: Pathian chun: “Amau ah chun chêng in, a lak un vâkvêl ing ka tin, a Pathian uh hi’ng ka tin, amau le ka mite hi’n au.

JOHAN 14:23

Jesu’n a dawnhu ah, min keima ei hepiu chun ka thu jawm intiu in; zia tak chuleh ka Pa’n amau chu hepi in a; chuleh, a kiang un hung ing ka tiu in, amau ah chun hung chêng ding ka hiu.

ZEKARIAH 8:8

Jerusalem ah chêng dingin hun pui khawm ing ka. Ginumna leh dikna ziakin amau chu ka mite hita’n tin uh, keima le a Pathian uh hi ta’ng ka.

HEBRAITE 8:10

‘Zia nite zaw chuleh, Israel Insung mite tawh kikâl ah ka thuthun ding chu, zia hi hi’n a,’ Lalpa‘n a ti’n: ‘A lungthim un ka dan chu koi ing ka tin, a lung sung un zik ing ka; chuleh, a Pathian uh hi’ng ka tin, amau chu ka mite hita’n au.

JEREMIAH 31:33

Himaleh, ziazaw nung lam ah, Israel Inkuante kiang ah ka thutiam siam ding chu zia hi hi’n a, Lalpa‘n a tii: A lunggil sung un ka dan koi ing ka tin, a lungchang un zikdaw piak ing ka; chuleh, a Pathian uh hi’ng ka tin, amau chule ka mipite hung hita’n au.

HEBRAITE 11:16

Himaleh, gam phazaw a thangai un, zia chu van-gam ahi. Ziaziakchun, Pathian in a Pathian uh kiti ding chu a zakcha puai; amau â ding ah khawpi khat a siam piak tak ziakin.

ZEKARIAH 13:9

Chuleh, a mun thumnate chu mei lak ah sep lut ing ka tin, dangka thik hâl thiantho gual in hâl thiangtho ta’ng ka. Ka min hun lam ta’n tiu in, ke’nle dawnhu ta’ng ka. “Amau chu ka mite a hiu,” ti’ng ka tin; amau inle, “Lalpa chu ka Pathian uh ahi,” ti ta’n au.

JEREMIAH 32:38

Amau chu ka mite hung hi’n, keile a Pathian uh hung hita’ng ka.

THUPUAN 7:15

‘Tu’hin Pathian lalchutpha ma ah um in, a tempul ah sûn leh jan ah nasem in a um tau; lalchutpha chupa chun, a puan In jak khum intin,

2 KORINTH 6:18

nang uh dingin Pa hi’ng ka tin, nang uh le kei â dingin chanu chapate hi’n lau; Lalpa bangkim hi’thei chun a tii,”

THUPUAN 21:7

A zo te chun zia zosia chu lua intiu in, kei a Pathian uh hi’ng ting, amau chu ka cha hi’n au.

JOHAN 1:14

Tichun, Thu chu taksa’n a hung chang a, I lak un a hung chêng ah, Pathian Chapa changkhat neisun lopina chu ahi’na gual tak in, hepina leh thutak ah dim in I la muu ahi.

ISAI 12:6

Ngai tak in kiko unla, lim in La sa un; aw nanghaw Zion ah chêngte haw, la lak ua lopi tak ah um chu, Israel Mithiangtho chu ahi ngal a.

THUPUAN 12:10

Chun, van ah kipat aw ngai tak ka he: “Tu’hin a hung tung tai; I Pathian Hukdamna, thilhitheina leh, a Khrista thuneina’n; I suapite hêkpa, I Pathian ma ah sûn leh jan ah amau hêkpa kha, paithâk in a um tangal in.

EZEKIEL 43:7

ka kiang in, “Mihing, zia tak hi ka lalchutpha umna mun, ka kengpêk ngakna leh, ka mipi Israelte kiang ah kumtuang ah ka umdenna ding mun chu ahi. Israel Inkuante’n ka min thiangtho hi’buak kit ta pua’n au; amau leh a lengteu inle ângkawmna ziak leh a lengteu thiluang inle hi’buak kit ta pua’n tiu in,

1 LENGTE 8:27

Himaleh, Pathian chu leichung ah hin chêng tak tak ding la hem? Van leh van sang pen inle a hun dawl pua’n, zia ka In sak diak diak hin hun dawl pua’n a!

2 KHANGTHU 6:18

Himaleh, nang Pathian hi, lei chung ah mihingte lak ah hin la hung chêng tak tak na diam? Van leh van sângpen inle a hun dawl lo la hiziak in, zia ka In sak hi nang â dingin a neuna ding e!

THUPUAN 10:8

Van ah kipat aw ka het khan, thu ei gen kit a: “Chia inla, tuisuagiat leh mualkâng chuantua, vansawlchâk khut ah lekhabu neucha phêtsa kha vala’n,” ei tia.

THUPUAN 10:4

Van-gi sagite’n a awu a sua phat un, zik ding ka guat leh, van ah kipat awgi chun ka kiang in, “Zia van-gi sagite thugen chu zik kin la, îmchak kei in,” ei hun tia.

PAWTDAWNA THU 25:8

A lak ua ka chênden theina dingin mun thiangtho pakhat ei bawl piak uh hen.

PAWTDAWNA THU 29:45

Tichun, Israel suante lak ah chun chêng zing ing ka tin, a Pathian uh hi’ng ka.

EZEKIEL 48:35

Khawpi kîmvêl chu tong sîng khat leh sang giat hual sung ahi. Chuleh, zia hun ah kipat chun a khawpi min chule, “Zia hin Lalpa a um hi,” ti hita’n a.

1 THESSALONITE 3:11

Tu’hin, I Pathian leh I Pau ngei leh I Lalpau Jesu’n la kiang lam un ei pui ta hen.

HEBRAITE 8:2

munthiangtho leh biakbûk tak tak, mihing sak hilo, Lalpa sak ngei ah nasempa chu.

THUPUAN 22:3

Hânsia um ta pua’n tin, Pathian leh Belamno lalchutpha chu zia chun um intin; a nasemte chun a na sep piak in au.

KISIMNA LEKHABU 9:16

Zia gual hin a um zing ta’n: sûn leh sûmpi’n a tuam ah, jan si’n leh meikuang in a kilang sek a.