THUPUAN 21:2 - PATHIAN LEKHABU THIANGTHO (BSI)

² Khawpi thiangtho Jerusalem thak chu, monu a pawsal â ding ah kichei gual ah siam tupsa, van ah kipat kitawl suk ka mu’n.

THUPUAN 21:2 Referans Kwoze

HEBRAITE 11:10

Ama’n khawpi buldet Pathian siam leh sak chu a ngâk hi.

THUPUAN 3:12

Kuale a zo tapo chu ka Pathian biak In ah khuam in pansak ing ka tin, zia kipat chun pawt kît ta pua’n tin; chuleh, a chung ah chun ka Pathian min leh, ka Pathian khawpi min Jerusalem thak, van ah Pathian kiang ah kipat hung kitâwl suk min leh keima min thak chu zik ding ka hi.

THUPUAN 21:10

Thagau in ei pui ah, tâng sâng tak leh lian tak chung in ei pui a; van ah Pathian kiang ah kipat hung kitawl suk, khawpi thiangtho Jerusalem chu ei etsak a.

ISAI 61:10

Lalpa ah chun nasa tak ah kipak in, ka pumpi’n ka Pathian chawihoi ing ka; ama’n hukdamna puan in ei thuam in, dikna puan ei khû ta’n, pâkkhi vui ah mopa a kithuam gual leh, mo chu sana kijem gual in, ei jem ta’ngal a.

HEBRAITE 13:14

Zia hin khawpi det I nei puau ah, khawpi hung tung ding chu I hawl zawu ahi.

HEBRAITE 12:22

Himaleh, Zion tâng, Pathian hing khawpi, van Jerusalem, vansawlchâk simsênlote umna;

THUPUAN 22:19

Chuleh, kua’nle, zia thu genlawkna Lekhabu kizikte hi a lâk mang chun, zia lekhabu kizik, Hinna Lekhabu kipat leh khawpi thiangtho ah a chan ding chu Pathian in lamang in a.

2 KORINTH 11:2

Pathian thangsiatna’n ei vei ka hun thangsiat; Khrista kiang ah nungak thiangtho gual ah ka piakdaw theina dingin, pawsal khat ka hual piak la hiu.

ISAI 54:5

La pawsal chu nangma hun Siamtu kha ahi’n, a min chu sepai honte Lalpa ahi ngal a. Israelte Mithiangtho, nangma hun Tanpa chu ahi’n, ama chu lei chung zosia’ Pathian ahi.

ISAI 52:1

Aw Zion, hung tho inla, hung thodok in, la hatna chun hung kithuam in! La puan hoi takte khan hung kithuam inla, aw Jerusalem khawpi thiangtho; zektanlote leh mi buakte chu, hung lut talo ding ahi ngâl un.

ISAI 62:4

Nangma chu, “Azubah” ti ah ko in um ta pua’n la tin, la gam uh chule, “Shemamah” ti ah gensim in um ta pua’n tin, nang uh chu, “Hephzibah” ti hizaw ta’n la tin; la gam uh chule, “Beulah” ti hita’n a; la chung ua Lalpa a lungdam tâk ziakin, la gam uh chule kichenpi kît ding ahi ngâl a.

SAM 87:3

Aw Pathian khawpi! Nangma ah thil lopi takte chu a gen sek ui.

THUPUAN 11:2

“Ahi’n la, Pathian tempul paw lam huang sung hivang te’ kin, Jentelte kiang ah piak ei tai; chuleh, amau chun zia khaw thiangtho hi tha sawmli leh tha ni chuan dên in au.

THUPUAN 1:9

Keima Johan, la suapiu leh la thok gimpiu, a lenggam â ding leh Khrista ah thok gunchuna lam ah le la thokpiu hi, Pathian thu ziak leh Jesu Khrista thu tak ziakin, Patmos tuikual khum gam ah chun ka la um a.

THUPUAN 1:4

Kei Johan hin, Asia gam ah kochuam pasagite kiang ah chun, a um lai tak leh, a umsa leh a hung um ding ah kipat leh a lalchutpha âng ah um, thagau pasagite ah kipat chun;

THUPUAN 1:1

Jesu Khrista thupuan, Pathian in a suakte kiang ah hiatsak ding ah a piak, thil hung um pai dingte chu; zia chu a vansawlchâk hun sawl in, a suak Johan chu a hun musak ta’n;

JOHAN 3:29

Mo neipa chu mo-pa chu a hisek hi; himaleh, mo-pa dinpi a gualpa chun, a thu a la hetpi in, zia mo-pa thugen ziak ah chun nasa tak in a la kipak sek hi; zia gual ma chun, zia hi ka kipakna bukimna chu a hi.

JEREMIAH 31:23

Sepai honte Lalpa, Israelte Pathian in zia gual hin a gen a: A gam lam ua ka pui kit phat leh, Judai gam leh a khawpiteu ah chun zia gual paukam hi kimang kit ta’n a: “Aw, diktatna mun, Aw tâng thiangtho, Lalpa‘n hun maljawl hen,” ti in.

ISAI 1:21

Bangtidan ah khawpi ginum chu, nawchizuak hung suak ziang thei a dia aw! dik tak ah vaihawm sek leh, diktatna dim ahi siat tawh, tu’hin la tualthat a hita mai a!

HEBRAITE 11:16

Himaleh, gam phazaw a thangai un, zia chu van-gam ahi. Ziaziakchun, Pathian in a Pathian uh kiti ding chu a zakcha puai; amau â ding ah khawpi khat a siam piak tak ziakin.

THUPUAN 21:9

Chun, belbu sagi a sung ah gawtna nunung sagite ah dim chawite lak ah, vansawlchâk pakhat chu ka kiang in a hung a, “Hung tiam in, monu, Belamno ji chu etsak ing ka,” a tia.

THUPUAN 22:17

Chuleh, Thagau leh mo chun: “Hung in,” a tiu a. A he tapo chun, “Hung in,” tiu hen. Chuleh, a nuam tapo in hinna tui hi, a thawn in hung dawn uh hen.