THUPUAN 20:4 - PATHIAN LEKHABU THIANGTHO (BSI)

⁴ Chun, lalchutphate leh a chung ah kichute chu ka mu’n, a kiang un vaihawmna piak ahi’n. A khut ua a hem, a chal ua a hem ah tepte ding a la nuamlote, sahângle ho nuam lo ah, a limle ho nuam lo ah, Pathian thu leh Jesu hetpina ziak ah a ngawng uh tan ah a la umte thagau chule ka mu’n; amau chu Khrista tawh um khawm in, vai a hawm khawm un.

THUPUAN 20:4 Referans Kwoze

DANIAL 7:27

Van nuai khawvel ah lalna zosia leh thuneina zosia, Chungnung Penpa mi thiangthote kiang ah piak hita’n a; a lenggam chu kumtuang lenggam hita’n tin, thuneina zosia’n ama na sêm in, a thu mang ta’n au, ti in.

DANIAL 7:18

Himaleh, Chungnung pen ah Mithiangtho chun lenggamte chang intin, kumtuang tiang in changden ta’n a,” a hun ti tai.

MATTHAI 19:28

Jesu’n a kiang un, “Titakzet in ka hil la hiu, Thil zosia siamthakna mun ah Mihing chapa a lopina Lal chutpha a chut tak leh nanghaw ei zuite hi, Israel nam sawm leh nite vaihawm piak dingin, lalchutpha sawm leh ni ah chu ding la hiu.

THUPUAN 6:9

Chun, tepte’na pangana chu a hun tham kit a; ziaphatchun, mâichâm nuai ah chun, Pathian thu ziak leh a thugin uh a tûkdet ziak ua thâ ah umte thagau chu ka mu’n.

THUPUAN 3:21

Kuale a zo te chu, keima’nle ka zaw ah, ka Pa kiang ah lalchutpha ka chut gual hin, ka lalchutpha kiang ah chutsak ding ka hi.

2 TIMOTHI 2:12

I thok uh chun, ama tawh vaihawm khawm hitiu; ama I kilepsan uh chun, ama’nle ei kilepsan in a.

DANIAL 7:22

Tuan ah tâng ah mi a hung phat ah chun, Chungnung pen mithiangthote chung ah vaihawmna piak in a um ta’n; amau chu a zo ta mai a; chuleh, mithiangthote lenggam a channa ding hun uh a hung tung tai.

THUPUAN 20:6

Thawkitna masa pangte chu a thiangtho un, a hamphau hi; amau chung in thi ni’na chun thu a nei ta puai; ahi’n, Pathian leh Khrista thiampute hi’n tiu in, ama tawh kum sang khat vaihawm khawm ta’n au.

DANIAL 7:9

Ka et zing leh, lalchutphate a hung kidaw a, Tuan ah tâng ah mi chun a lalchutpha a hun lua ah, a puan chu vûk gual in a vâm a, a sam chu samul vâm a bang hi; a lalchutpha meikuang ahi’n, a kengte le meikuang ahi.

LUKA 22:30

ka lenggam ah chun, ka dawkan ah an lei nekpi theina ding uh leh, Israel nam sawm leh nite vaihawmna lalchutpha ka kiang ah la hung chut theina ding un, a tia.

THUPUAN 22:5

Jan um ta pua’n tin; thaumei vâk leh nisa vâk le ngai ta pua’n tin; Lalpa Pathian in amau chu salvâk ta’n tin; kumtuang in vaihawm ta’n au.

THUPUAN 12:11

Belamno thisan ziak leh, amau thu hiatsakna ziak leh, a hinnau chu thi ngam ah îtcha lo ah a la pan ziak un, zawna chu a chang tau hi.

THUPUAN 1:9

Keima Johan, la suapiu leh la thok gimpiu, a lenggam â ding leh Khrista ah thok gunchuna lam ah le la thokpiu hi, Pathian thu ziak leh Jesu Khrista thu tak ziakin, Patmos tuikual khum gam ah chun ka la um a.

ROMTE 8:17

chuleh, chate I hiu chun, golua dingte I hiu ah, Pathian golua ding, Khrista tawh golua khawm ding I hitau hi; ama lopina I chan khawm theina ding un, ama thokna le I thokpiu a ngai hi.

THUPUAN 15:2

Limlang tuipi hileh kilawm mei tawh kihel ka mu’n; sahângte, a teptênate, a limte, a min nambarte, zo ah hung pawtte chu Pathian tingtang chawi in, limlang tuisuagiat chung ah chun a ding tau a.

THUPUAN 14:11

Amau a sukgentheinau meikhu chu kumtuang in khu to intin, sahâng leh a lim bia ah, a min tepte’na neite kha sûn leh jan ah chawldam ta pua’n au,” ti in.

THUPUAN 11:7

Chun, a hiatsakna thuu chu a gen zawu leh, lei kawkhuk tawp nei lo ah sahâng hung pawt khan amau do in, hun zo in, hun that in a.

JOHAN 14:19

Hun chomkhat zaw leh khawvel in ei mu ta pua’n tin; himaleh nang un chu ei mu ding la hiu; keima ka hin zing ziakin, nang uh le hing zing ding la hiu.

DANIAL 2:44

Chuleh, zia gual ah lengte um sung ah chun, van Pathian in lenggam khat hun tungdok intin, zia chu kuama’n susia thei pua’n tiu in, zia lenggam chun kuama â ding khêk ta pua’n a. Zia lenggam chun lenggam dang zosia khen nawn dim dem in, subei zo ta’n a; ama chu vang kumtuang in umden ta’n a;

THUPUAN 17:8

Zia sahâng la mu kha a la umsa um lo kit, lei kawkhûk tawp nei lo ah kipat hung pawt kit ding leh manthaina lut kit ding chu ahi. Um zet ta ah, um lo kit sahâng chu a hung pawt kit lei ah mite, khawvel kisiam tîl ah kipat Hinna Lekhabu min kikhumlote chun a hun mu kit tak ua leh mak sa ma ma in au.

THUPUAN 11:15

Chun, vansawlchâk pasagina chun a pengkul chu a mût leh, van ah aw thupi tak a hung gi’, “Zia khawvel lenggam hi Lalpa leh, a Khrista gam a hita hen; ama chun kumtuang in vaihawm ta’n a,” a hun tia.

THUPUAN 11:11

Chun, ni thum leh a kimkhat zaw phat chun, Pathian ah kipat hinna thagau chu a sung ua hung lut in, a keng un a hung ding ua, a mu tapo chu a lau tau a.

THUPUAN 11:3

Ka thu ei hetpi panite kiang in thu pia’ng ka tin, amau chun saidippuan sil in ni sang khat za ni leh sawmguk sung thu gen in au,” a tia.

ROMTE 11:15

Amau haw pâmpai ah a umnau bawn, khawvel kituak theina a hung hi’chun, amau haw kilop lut kitna chu bang gual bep in thina pat hinna a hung hita bep diam!

LUKA 1:17

Chuleh, pate lungthim chu chate lam ah kiheisak ding leh, thu awilote chu midiktat te pilna lam ah kiheisak ding leh, mipite chu Lalpa â ding ah kisak lawksak dingin, Elijah thagau leh thilhitheina pu’n ama ma-âng ah a la chia masa ding ahi,” a tia.

MALAKI 4:5

Ngai un, Lalpa ni lopi leh tizat um tak chu a hung tun masang in, jawlnei Elijah hun sawl ding ka hi.

MARKA 9:11

Amau chun a kiang in, “Lekhazikte’n bangtidan ah Elijah hung masa ding ahi, ti a hiu em?” ti’n a dong tau a.

MARKA 6:27

ama vêngte lak ah sepai pakhat chu Johan luchang vala dingin a sawl a. Ama chule a chia ah, suangkul ah um chu a lu a vatan piak a,

MARKA 6:16

Herod in zia chu a la het phat in, “Johan, a gawl ka tan ngei kha a hung thokit ta ahi chu!” a tia.

MATTHAI 24:10

Ziaphat chuleh, mi tam tak pûk intiu in, kimatsak tua in; hung kimuda tua in au.

LUKA 14:14

Ziate chun ditna ding a nei lo ding ziak un a hampha hiding la hi; midikte thawkit tak leh dit kit ah um ding la hi,” a tia.

THUPUAN 1:2

ama chun Pathian thu leh Jesu Khrista chanchin hiatsak ah um leh a thil mu zosia chu a zik a.

THUPUAN 2:26

A zotu leh a tawp tiang ah ka nâte sêmpha zingte kiang ah chun: Namte chung ah thuneina pia’ng ka tin,

THUPUAN 4:4

Chuleh, lalchutpha kîmvêl ah chun lalchutpha sawmni leh pali a um a; zia lalchutphate chun upa puan vâm sil sawmni leh pali chû le ka mu; a luchung ua chun sana lallukhuk a khuk chiat ua.

THUPUAN 7:3

“I Pathian suakte chu a chal ua ka tepte suak masangsia, mualkâng leh tuisuagiat leh thingte him him hun susia nai tadi ki’un,” a tia.