THUPUAN 20:2 - PATHIAN LEKHABU THIANGTHO (BSI)

² Dragon, gulpitêk, Diabol leh Setan a tiu chu a man ah, kum sâng khat sung â dingin a kân tawm a.

THUPUAN 20:2 Referans Kwoze

2 PETER 2:4

Vansawlchâkte’n thil ahi’khial lai un Pathian in a hawi pua’n, gawtmun in a pai a, vaihawm khum dingin thimna thûkpen in a khum tai.

THUPUAN 12:9

Dragon lian, zia gulpitêk Diabol, Setan kiti, khawvel ah mi zosia thêmpa chu lei lam ah a nawtha tau a; chuleh, a sepaite le a nawtha khawm tau hi.

JUDA 1:6

Chuleh, vansawlchâkte, amau hi’na zui lo ah, a umna mun uh nusiate chu, ni lopi ah vaihawmna â dingin thim nuai ah kumtuang kolbul in hensa’n a koihe tai.

JOHAN 12:31

Tu’ ma ma hin zia khawvel hin vai a hawm hi; tu’hin zia khawvel vaihawmpa hi paidaw ah um ding ahi tai.

ISAI 27:1

Zia ni phat chuleh, Lalpa chun a chemjam hiam tak, thupi tak leh hat tak chu mang in, gulpi lengthei Leviathan gulpi kikual ngiau nguau chu hun gawt intin; chuleh, tuisuagiat ah dragon chu hun that in a.

THILSIAM THU 3:15

nang leh numei hun kidosak ing ka tin, ama suan leh nangma suanle kidosak ing ka; ama’n la luchang vaw thidup intin, nang in a akkhawmit chu thidup in la,” a ti tai.

1 PETER 5:8

Pilvâng tak in chingthei un; la mêlmau Diabol chu sakeibaknei kitum gual in a nêk ding hawl in a vâk vêl vêl hi.

HEBRAITE 2:14

Naupangte chu taksa leh thisan changte ahiziak un, ama ngei inle zia ma chu a hung chang a; thina ziakin thina chung ah thuneipa Diabol chu a sukmanthai theina ding in.

ROMTE 16:20

Tichun, chamna Pathian chun Setan chu la kengpêk nuai un chuan jawt vak ta’n a. Lalpa Khrista lungsiatna chu la kiang un um ta hen.

JOHAN 16:11

vaihawmna thu’n thiamlo chang in au, zia khawvel vaihawmpa hi a dik lo ziak in.

THUPUAN 13:2

Zia sahâng ka mu chu gialbem gual mêlpu a hia, a keng chu savom keng gual a hia, a kam chu sakeibaknei kam gual ahi. Dragon chun, a lalchutpha leh a thilhitheina, chuleh thuneina le a pia’n.

THUPUAN 12:17

Tichun, dragon chu numei chung in a lungna deu deu ah, a suante, Pathian thupiak zui ah, Jesu Khrista hiatsakna pom a la um nalaite chu do dingin a kipandok tai.

THUPUAN 12:15

Numei chu tui in a tawman dingin a kam in tuikhang gual zet in, tui a phidaw khum pek a.

THUPUAN 12:13

Dragon chun, lei ah paithâk ahi ti a kihiat phat chun, numei chapa hingnu chu a delzui ta’n.

MARKA 5:7

“Tichun, aw ngai tak in a hung kiko a; Jesu, Chungnung pen Pathian Chapa, bang ei law ding ah hung la hem? Ei sawisa lo ham ham dingin Pathian min in ka don la hi,” a tia.

MATTHAI 8:29

Amau chun, “Pathian Chapa, kei uh bang ei law gua hung la hem? Huntiam tunma’ ei soisak gua la hem?” ti’n a kiko tau a.

JOB LEKHABU 1:7

Lalpa chun Setan kiang ah, “Khoi lam ah kipat hung la hem?” ti’n a dong ah. Setan in Lalpa kiang ah chun, “Lei chung ah ka vâk tawl tawlna lam leh, ka vâk suk ka vâkto’na lam ah kipat hung ka hi,” ti’n a dawnhu a.

THUPUAN 13:4

Zia sahâng thilhitheina pepa dragon chu a ho tau a. “Zia sahâng gual hi kua dang a um em? Ama do thei dingle kua dang um ding a hem?” ti’n sahâng chule a ho tau hi.

THUPUAN 9:11

Lei kawkhûk tawp nei lo vansawlchâk chu lal in a nei un; Hebrai pau in a min chu Abaddon; Grik pau in Apollion ahi.

MATTHAI 19:29

Kuale ka min ziak ah In a hem, a suapipa a hem, suapinu a hem, a nu a hem, a pa a hem, a ji a hem, a cha a hem, a gam a hem nusia chun, a le, za’n mu’n tiu in, kumtuang hinna chang in au.

THILSIAM THU 3:1

Lalpa Pathian in gamsa a siam lak in gûl chu a gûkpil pen ah. Gûl chun numei kiang in, “Pathian in huan ah thingga him him hi la nêk lo ding uh ahi a ti em?” ti’n a dong a.

ISAI 24:22

Khûkse’kua suangkul ngâkte a khum khawm gual un, amau chu hun hawl khawm intin; suangkul ah kot kam khum intiu in, ni sawt tak zaw nung leh hun gawt ta’n a.

MARKA 4:15

Lam pâm ah kethate chu ziate hi a hiu: Thu chu amau ah the’ in a um ah; himaleh, thu chu a het phat uh leh Setan chu kin tak in a hung ah, a lung sung ua thu kithe’ chu a hung lâkmang piak ta sek hi.

THUPUAN 12:3

Zia ban ah chun, tepte’na dang pakhat a hung kilang kit a: Dragon san lian tak pakhat, luchang pasagi tawh kî sawm nei, a luchung ah lallukhuk pasagi khuk a hung kilang a.

THUPUAN 12:4

A mei in van ah aksi mun thum ah khen mun khat jat chu a luaitha, lei a chun a septha; zia numei nau chu a suak phat leh a la val zo ziang dingin numei âng ah chun a ding zing a.

THUPUAN 20:7

Kum sang khat chu a bei phat leh, Setan chu a tânna kipat thâdaw hi’ntin;

THUPUAN 20:10

Amau thêm zotu Diabol chu, sahâng leh jawlnei lêm a pailutnau mei leh kât ah kang meidil ah chun a pai lut tau a: Zia tak ah chun kumtuang in gim thuak in um ta’n au.

EZEKIEL 47:5

Tong sang khat a te’ kit ah, luipi a suak tâk ziakin ka pal kâi zo ta puai; tui chu a khang ma ma ngal a; tui chu palthen theilo ding khop ah thûk, zap ngai hial a hung hi tai.