THUPUAN 20:12 - PATHIAN LEKHABU THIANGTHO (BSI)

¹² Mithite, a lian a neu, lalchutpha ma-âng ah hung ding chu ka mu’n; ziaphatchun, Lekhabu chu a phêt un; chuleh, lekhabu dang Hinna Lekhabu kiti chu a phêt kit un; mithite zosia chu a thil hi dan uh Lekhabu kizik dungzui in thu a tan piak tau a.

THUPUAN 20:12 Referans Kwoze

2 KORINTH 5:10

Mi zosia’n taksa I thilhite, a sia a pha, I hi gual gual un I mu chiat theina ding un, Khrista vaihawmna chutpha man kilâk chiat ding I hiu.

MATTHAI 16:27

Mihing Chapa hi a vansawlchâkte tawh, Pa lopina kithuam ah a hung tak leh, mitin in a nasep dungzui chiat un hun dit kit ding ahi.

DANIAL 7:10

A ma-âng ah kipat in mei a hung pawtdok in; a sâng ah mun sâng tam takte’n a na a sep piak un, a kiang in a sîng ah mun sîng tam takte a ding kîmvêl ui. Thutanna hun a pan un, lekhabute a phêt tau a.

THUGENTU 12:14

Pathian in I thilbawl zosiau, a gûk ah kibawl hi hen la, a pha hi’n a sia hileh, a vaihawmna mun ah hun lakhawm sik sek ding ahi ngal a.

THUPUAN 22:12

Ngai in, hung vak ziang ding ka hi tai; mi zosia a nasep dungzui chiat ua piak dingin ka kipakman ka kiang in a um tai.

THUPUAN 2:23

chuleh, a chate chule that ding ka hi. Kochuam zosia chun keima hi ngaituana leh lungthim zosia enchianpa ka hi ti hun he ta’n au; tichun, la nasep dungzui un hun thuk ta’ng ka.

THUPUAN 11:18

Namte chu a lungna tau a, nangma lungnatna le a hung tung tai; mithite vai la hawm piak ding hun leh, khawvel hi’sete la hi’siatna ding hun tawh, la suak jawlneite, mithiangthote, la min ja, milian leh mineute kipakman, la piak hun chu a hung tung tai,” a tiu a.

JEREMIAH 17:10

A umdan dungzui ua thuk ding leh, a nasep gau tawh kigûn ah pia ding in, keima Lalpa hin lungthim chu patep in, ka enchian zing ahi.

THUPUAN 3:5

A zo te chu puan vâm silsak hi’n tiu in; hinna lekhabu a min uh chu thâimang him him pua’ng ka; Pa ma-âng leh vansawlchâkte ma-âng ah chun a min uh chu panpi zaw’ng ka.

THUPUAN 20:13

Tuisuagiat chun a sung ah mithite chu a thâdok a; thina leh mithi khua’n le a sung ua mithi um zosia chu a hun thâdok un; mitin chu a nasep dungzui chiat un vai a hawm piak tau hi.

THUPUAN 21:27

Zia tak chun thilbuak hi’te lut pua’n tiu in, thil kidak um hi’te leh juautheite le lût diak pua’n au; Belamno Hinna Lekhabu min kikhumte bep lût in au.

NASEPTE 24:15

Pathian lam ah kineppi pen, zia chu amau hawnle a ginchak tho uh, midik leh midiklote thawkitna thu hi a dik ngei hi ti keima’n le ka gin ahi.

SAM 62:12

aw Lalpa, ngilneina hi nang â ahi. Mi tin a nasep dungzui un la din sek ngal a.

SAM 28:4

A thilbawl uh tawh kigûn leh, a thilbawlteu phatlo dungzui leh, a khut nasep dungzui un din inla, a gitlo man uh musak in.

THUPUAN 20:11

Lalchutpha vam lopi chung ah kichu chu ka mu’n, a ma-âng ah kipat chun lei leh van a tai mang tau a; amau â dingin mun a um ta puai.

THUPUAN 19:5

Chun, lalchutpha ah kipat chun aw a hung pawt a, “Nanghaw a suakte leh ama lau milian leh mineute haw, I Pathian uh hi pâk ta un,” a hun tia.

PHILIPPI 4:3

Ahi, ka ngawngkol bâtpi dik tak, nang le zia numeite kha panpi dingin ka ni la hi; amau chun Klemen leh ka seppi dang, hinna bu ah a min uh chuangte tawh, chanchinpha ah chun ei la seppi ngal ua.

LUKA 10:20

Thithate la thu thuu ah a um ziak un kipak ziang kiu inla, van ah la min uh zik ahi ziakin kipak zaw tau in,” a tia.

THUPILTE 24:12

“Zia hi ka la he’kha dang e!” la ti chun, thinlung bûkpa chun helo ding a hem? La hinna voppa chun zia chu helo ding a hem? Mi tin a thilbawl tawh kigûn in thuk lo ding a hem?

THUPUAN 13:8

Khawvel siamtil ah kipat tha’sa, Belamno hinna Lekhabu min kikhum lo tapo leh, lei chung ah um zosia chunle ama chu hun be ta’n au.

ROMTE 2:6

Pathian chun mitin amau thilbawl dungzui chiat ah hun dit ding ahi ngal a.

JEREMIAH 32:19

la lemguat dan a mak ah, la thilbawl dan a lopi hi; la mit chun mihingte tawidan zosia a mu suak ah, mi tin chu a tawidan dungzui leh a thilbawl uh tawh kigûn tak ah thuk zing sek la hi.

THUPUAN 17:8

Zia sahâng la mu kha a la umsa um lo kit, lei kawkhûk tawp nei lo ah kipat hung pawt kit ding leh manthaina lut kit ding chu ahi. Um zet ta ah, um lo kit sahâng chu a hung pawt kit lei ah mite, khawvel kisiam tîl ah kipat Hinna Lekhabu min kikhumlote chun a hun mu kit tak ua leh mak sa ma ma in au.

1 KORINTH 4:5

Chutichun, a hun masang in bangma genchian kiu in; Lalpa chun thim ah thil sêlgukte chu vâk ah hun tâkdok intin, lungthim ah tupnate le hilang in a. Ziaphat chuleh, mi zosia’n Pathian ah kipat pakchak law chiat ta’n au.

THUPILTE 24:29

“Ka chung ah a bawl gual un, ke’n le a chung un bawl ing ka tin; ei bawl gual gual un ke’n le a chung un bawl thuk ing ka,” ti him him kin.

SAM 69:28

A min uh chu hinna lekhabu kipat in, thaimang in um hen la; midikte lak in a min uh zik lut hi ki’hen.

MATTHAI 11:22

Himaleh, ka hil la hiu, vaihawm ni chun nang uh thok ding sâng in Tura leh Sidon khawte thok ding chu nêp zaw’n a.

THUPUAN 20:15

Kuale Hinna Lekhabu a min kizik lo tapo chu meidil in a pai tau hi.