THUPUAN 20:10 - PATHIAN LEKHABU THIANGTHO (BSI)

¹⁰ Amau thêm zotu Diabol chu, sahâng leh jawlnei lêm a pailutnau mei leh kât ah kang meidil ah chun a pai lut tau a: Zia tak ah chun kumtuang in gim thuak in um ta’n au.

THUPUAN 20:10 Referans Kwoze

MATTHAI 25:41

Chun, ah veilam ah umte kiang ah chun, nanghaw hânsedawlte haw, diabol leh a sawlchakte â ding ah kiguanggal kumtuang meipi lam ah chun chia tau in;

THUPUAN 19:20

Sahâng chu a man ua, jawlnei lêm a ma-âng ah thilmak bawl sek leh, sahâng tepte’na nei ding ah mi thêm zo sek kha, a paniu in mei leh kât ah kâng meidil ah chun a hing in a pai lut tau a.

MATTHAI 25:46

Tichun, ziate lawi chu kumtuang gawtna chun sawl ta’n tin; midikte chu vang kumtuang hinna chun lutsak ta’n au, a tia.

THUPUAN 20:8

lei chung kil li um namte, Gog leh Magog thêm in kido dingin pui khawm in a; a tam dan uh chu tuisuagiat piaunêl jat hi’n a.

THUPUAN 16:13

Zia lai tak chun dragon kam leh sahâng kam leh jawlnei lêm kam ah kipat chun, thagau buak pathum uphok tawhbang chiat a hung pawt uh ka mu.

DANIAL 7:11

Kî neucha’n chapo tak ah a thugen git husa ziak ah chun ka en zing a. Ka et zing lai in, gam sahâng chu thalup in a um ta’n; a taksa chu suksiat ah um in, meikuang ah hâltum dingin a pedok tau a.

MATTHAI 7:15

Jawlnei lêmte lak ah kivêng un; ziate chu belam vun sil in la kiang un a hung sek ui, a sung lam uh bo chu ngei gawlsan tawhbang a hiu.

THUPUAN 9:17

ka la mudan ah chun, sakol leh a chung ah chuangte chu zia gual hi a hiu: A chung ah chuangte awmphawteu chu meiâm gual in a âm ah, suanghat gual ah tâk leh kât gual ah hat a hia; a sakollu teu chu sakeibaknei luchang gual a hia; a kam ua pat chun mei leh meikhu leh kât a pawt hi.

MARKA 9:44

A lungle thi ta pua’n tin, a meile mit diak lo ding ahi ngal a.