Zia chu lakmang ahi’phat leh, dan susepa chu hung kilang intin, Lalpa Jesu’n ama chu a kam ah hu thâ khum in that intin, a hung kilâkna chun hi’mangthai in a.
Chun, a khut changlam ah chun aksi pasagi a chawi ah; a kam ah kipat chun chemjam hiamtua hiam tak gual in a hung pawt ah; a maisua chu nisa a sat phat lai tak gual ahi.
Ziaziakchun, khoi ah kipat a la pûk la hi em kingaitua inla, la lung hun hei kit inla, la thil hi’masate kha hun pan kit ta’n; la lung la heilo chun hung ing ka tin, la thaumei koina chu hung chawn mang ding ka hi.
A kam in chemjam hiam, namtin a sukchimitna ding chu a pawt a; thîk tiang in vai hawm intin; Pathian Bangkim Hi’thei lungnatna uain sûkna khûk ah chun chil in a.
himaleh, dik tak in migentheite vaihawm piak intin, lei ah mi nunnemte le kibang chiat in, thutanna bawl piak ta’n a; a kam ah mol chun lei hi jep intin, a mûk ah hû chun mi nunsiate that in a.
Ka kam hi chemjam hiam tak gual in a siam a, a khutpêk lîm nuai ah chun ei sêlgu tai; thalchang kinawtval tak gual in ei siam a, a thalbawm sung in ei sêlmang tai.
Tichun, mihingte chu satna huaisia tak in a hâlkang ta’n; himaleh, zia gawtna chung ah thilhitheina neipa Pathian min chu chawihoi sâng in, a gensiau ah, a lung uh a hei diak puau hi.