THUPUAN 2:1 - PATHIAN LEKHABU THIANGTHO (BSI)

¹ Ephesa khua kochuam vansawlchâk kiang ah chun zia gual hin zik in: A khut changlam ah aksi pasagi chawi ah, sana thaumei koina pasagi lak ah vâk lumlet khan zia thu hi a gen hi:

THUPUAN 2:1 Referans Kwoze

THUPUAN 1:20

Ka khut changlam ah aksi pasagi la mute leh, sana thaumei koina pasagi la mute umzia thugûk chu: Aksi pasagite chun kochuam pasagite vansawlchâkte chu a etsak un; chuleh, thaumei pasagite chun kochuam pasagite chu a etsak ui,” a hun ti tai.

THUPUAN 1:16

Chun, a khut changlam ah chun aksi pasagi a chawi ah; a kam ah kipat chun chemjam hiamtua hiam tak gual in a hung pawt ah; a maisua chu nisa a sat phat lai tak gual ahi.

THUPUAN 3:14

Chun, Laodikia khua kochuam vansawlchâk kiang ah chun, zia gual hin zik in: Amen, ginum tak leh hetpi dik tak, Pathian thilsiam bul khan zia thu hi a gen hi:

THUPUAN 3:7

Philadelphia khua kochuam vansawlchâk kiang ah chun, zia gual hin zik in: Zia thute hi mithiangtho leh midik, David chabi nei, kuama khâk theilo ding ah hong leh, kuama hon theilo ding ah khâk khan a gen hi:

THUPUAN 3:1

Chun, Sardis khua kochuam vansawlchâk kiang ah chun, zia gual hin zik in: Pathian Thagau pasagi leh aksi pasagi neipa chun, zia thu hi a gen hi: La thil hi’te ka hiai, a thi hingal ah hing min la put hi.

THUPUAN 2:18

Thuatira khua kochuam vansawlchâk kiang ah chun zia gual hin zik in: Pathian Chapa, meikuang gual mit nei ah, a keng sum-eng gual ah val khan zia thu hi a gen hi:

THUPUAN 2:12

Pergamum khua kochuam vansawlchâk kiang ah chun, zia gual hin zik in: Chemjam hiamtua hiam tak neipa khan, zia thu hi a gen hi:

THUPUAN 2:8

Smurna khua kochuam vansawlchâk kiang ah chun, zia gual hin zik in: A masa pen leh a nunung pen, thi ta hung hing kit ta chun zia thu hi a gen hi:

MATTHAI 18:20

Keima min ah mi pani a hem, pathum a hem la um khawmnau ah chun kei pakhat ah pang zing sek ka hingal a, a tia.

JOHAN 5:35

Ama kha thaumei kuang zing leh vâk chu ahi, chomkhat a vâk ah chun kipak tak ah a jal zaw la nop uh kha!

THUPUAN 12:1

Van ah chun tepte’na lopi tak pakhat a hung kilang a; numei pakhat, nisa kithuam, a keng nuai ah thapi um, a luchung ah lallukhuk aksi sawm leh ni nei a khuk a.

MATTHAI 28:20

la kiang ua thu ka piak zosia hi jawm dingin zilsak un. Kumkhua’n, khawveltawp tiang in la kiang un um zing ding ka hi ti hezing un,” a tia.

NASEPTE 18:19

Ephesa khua a hung tun phatin, amau chu zia chun a nusia kit ah; himaleh, ama chu sunagog ah lut in, Judate kiang in phatchuamngai tak in thu a gen a.

NASEPTE 18:21

“Jerusalem ah Kûtna ka pan tei tei ding ahi, Pathian in lem a sak leh, ka hung kit lam leh hung bâng malam jaw’ng ka,” ti’n mangpha a thâk zaw tai. Tichun Ephesa khua kipat Long in a kipandok tai.

NASEPTE 19:1

Apollo chu Korinth khua a um sung in, Paul chun a gam sunggil lam sia chu fang suak in Ephesa khua a hung tung kit a; zia chun nungzui khenkhat a kimuu a;

2 KORINTH 6:16

Milimte leh Pathian biak inle bang a hem kituakna a nei uh? Ei uh chu Pathian hing biak In I hingal un: Pathian chun: “Amau ah chun chêng in, a lak un vâkvêl ing ka tin, a Pathian uh hi’ng ka tin, amau le ka mite hi’n au.

EZEKIEL 46:10

A hung lût lam un lengpa tawh hung lût khawm intiu in; a pawt daw phat uh leh lengpa le a pawtdok ding ahi.