THUPUAN 19:12 - PATHIAN LEKHABU THIANGTHO (BSI)

¹² A mitte chu meikuang gual a hiu ah, a luchang chun lallukhuk tam tak a khuk ah, kuama het lo, ama bep in a het min kizikna lallukhuk ahi.

THUPUAN 19:12 Referans Kwoze

THUPUAN 19:16

A puan chung leh a malpi chung in min a kizik a, “LALTE LAL LEH HOTUTE HOTU,” ti in.

LUKA 10:22

Thil zosia ka pa’n ei piakdaw a hita’n, Chapa chu kua a hem, Pa tilo chun kuama’n a hepua’n; Pa chule kua a hem, Chapa leh a kiang ua chapa’n a puandawnate bep lo ngal chun kuama’n a hepuau hi,” a tia.

THUPUAN 1:14

A luchang leh a sam chu belam mul vâm tak gual in a vâm a, vûk gual in a vâm in; chuleh, a mit chu meikuang gual ahi.

MATTHAI 11:27

Tu’hin, ka Pa chun thil bangkim ei kolsak hi. Pa longal in kuama’n Chapa hi a hepuau in: Chapa tilo ngal kuama’n Pa chu a he diak puau hi. Ziaziakchun, chapa’n a taklatnate bep in Pa chu a hiau hi.

MATTHAI 28:18

Jesu a hung ah, a kiang un, “Lei chung leh van ah thuneina zosia ka kiang ah piak ahi tai;

THUPUAN 3:12

Kuale a zo tapo chu ka Pathian biak In ah khuam in pansak ing ka tin, zia kipat chun pawt kît ta pua’n tin; chuleh, a chung ah chun ka Pathian min leh, ka Pathian khawpi min Jerusalem thak, van ah Pathian kiang ah kipat hung kitâwl suk min leh keima min thak chu zik ding ka hi.

HEBRAITE 2:9

himaleh, Jesu chu vansawlchâkte sâng ah niam zaw koi ah um tadi chu, Pathian hepina ah mitin â ding ah thina chu a tepna dingin, thina chu a hung thuak ah, choihoina leh za umna hung chang ta chu I la mu tau hi.

ISAI 9:6

Ei uh â dingin nausen hung piang in, chapa piak in I um ta’ngal un; a liangko in thuneina a um ah, a min in Lemguattu, Mak, Pathian Hat, Kumtuang Pa leh Chamna Lal chapa sak ahi.

SAM 8:5

Nang in amau chu, Pathian sâng ah niamzaw deu in la siam ah, lopina leh ja umna’n la thuam ngal a.

THUPUAN 12:3

Zia ban ah chun, tepte’na dang pakhat a hung kilang kit a: Dragon san lian tak pakhat, luchang pasagi tawh kî sawm nei, a luchung ah lallukhuk pasagi khuk a hung kilang a.

ZEKARIAH 9:16

Ziaphat chuleh, Lalpa a Pathian un hukdok ta’n a, amau chu a gan-gual mipite a hiziak un; lallukhuk ah suang mantam um gual in a gam uh chun vâk ta’n au.

VAIHAWMTE 13:18

Himaleh, Lalpa vansawlchâk chun a kiang in, “Bang ding ah ka min ei dong la hem? Ka min chu mak talua ahi ngâl ah,” ti’n a dawnhu a.

PAWTDAWNA THU 23:21

Ama thu chu ngaisak inla, a thu mang in: hilungna kin la, ama’n la bawlkhialnate chu hun ngaidam lo hial ding ahi ngal in: ka min le ama ah chun a um ngal a.

THILSIAM THU 32:29

Chuleh, Jakob in ama chu a dong ah, “Lungsiat in la min ei hil in,” a ti’n. Ama chun, “Bang ziak ah ka min ei dong la hem?” a ti’n. Tichun, zia mun ah chun a maljawl tai.

THUPUAN 6:2

Ka vak et leh, sakol kâng pakhat ka mu, a chung ah chuangpa chun thalpi pakhat a nei a; chun, lallukhuk pakhat a hun piau a; zo ding leh zo pek dingin a kuandok ta.

ISAI 62:3

Lalpa khutpek ah chun, lopina lal lukhuk hung hita’n la tin, la Pathian khut ah chun, lengpa lal lukhuk jem in hung pang ta’n la.

THUPUAN 13:1

Sahâng pakhat luchang pasagi leh kî sawm nei; a kîte ah chun lallukhuk sawm leh a luchangte ah chun Pathian gensiatna min kizik, tuisuagiat ah kipat hung pawt chu ka mu’n.

MATTHAI 21:5

Zion chanu kiang in: En in, la lengpa chu kingaitawm tak in, sabiltung chung ah chuang in, sabiltungno ngei chung ah chuang in, a hung hi, ti’n la hil un, ti thu kha, a tia.

SOLOMON LÂ 3:11

hung pawtdok tau in. Aw Zion nungakte haw, Lengpa Solomon a ji nei ni a lungthim kipak ni ah, a nu’n lal lukhuk a khuk sak hi, hung en ma tiam un!

THUPILTE 30:4

Kua a hem van ah kaldok ah hung kumtha kit chu? Kua a hem a khutpêk sung ah hui kichoi thei chu? Kua a hem puan ah tui chûn thei? Kua a hem lei chung kawlkil zosia phu det? Ama chu kua a hia, a chapa min le bang a hem? Nang in la he ma ma hi!

DANIAL 10:6

A pumpi chu beril suang mantam gual, a maichang kawlphe tawh bang, a mitte meisel kuang gual, a khutbânte leh a kengte chu sum-eng kinawtval tak gual leh, a aw chu mipi husa gual ahi.

JOHAN 17:11

Tu’hin, keima khawvel ah umlo ding ka hi tai, amau haw vang khawvel ah a um nalai ui; chuleh, keima la kiang ah hung ding ka hi tai. Pa thiangtho, ei teni pumkhat I hi gual in amau le pumkhat ahi theina ding un, nang in kei lei piakte haw hi la min in vop pha’n.

JOHAN 17:12

A kiang ua ka um sung khan, nang in kei lei piakte haw hi la min in ka vop pha tai. Amau haw hi ka vêng in, Pathian Lekha thu guitunna dingin mangthai chapa bep longal pakhat chale a mangthai puau hi.

EPHESA 1:21

lalnate, thuneinate, thilhitheinate, vaihawmna zosia chung leh, tu’ khawvel bep hilo ah, khawvel hung tung ding nangawn ah,