THUPUAN 18:4 - PATHIAN LEKHABU THIANGTHO (BSI)

⁴ Chun, van lam ah kipat aw dang khat ka he kit a: “Ka mite haw, ama ah kipat hung pawt unla, a gitlonate ah la pankhâk lona ding leh, a chung ah gawtna chu la chan lona ding un, a hun tia.

THUPUAN 18:4 Referans Kwoze

2 KORINTH 6:17

Ziaziakchun, a lak ua kipat hung pawt unla, a chuam in um un, Lalpa‘n a tii. Thilbuak him him khoi kiu in, chutichun, hun lop ta’ng ka tin;

JEREMIAH 51:6

La hinna ding chiat uh kingaituau inla, Babulon khua sung ah kipat in jamdok kin un! Lalpa phuba lâk hun a hiziak in, a gitlonau ziakin nanghaw mangthai khawm kiu in; amau bawldan tawh kigûn in a thukna a piai.

JEREMIAH 51:45

Ka mipite haw, a sung ah kipat hung pawtdok un! Lalpa lungnatna huaisia tak lak ah kipat, mitin in la bitna ding chiat uh kihawl tau in!

ISAI 52:11

Hung pawt un, hung pawtdok unla, zia kipat chun hung pawtdok un! Nanghaw Lalpa bêl thiangtho, pua tawl tawl ah pangte haw, thilbuak chu khoikha kiu in; a lak ua kipat hung pawtdok unla, kihi’thiangtho un.

JEREMIAH 50:8

Babulon ah kipat taidok unla, Kaldaite gam ah kipat tai mang un la, kêl hon lak ah a chal a malat gual in, a taidok tau in.

1 TIMOTHI 5:22

Kuama chung in la khut nga pai ziang kin la, midang gitlona ah le pang kin; kikoi thiangtho zing in.

ISAI 48:20

Babulonte ah kipat pawtdok unla, Kaldaite ah kipat in tai mang un; kipak tak ah kiko in, “Lalpa‘n a suak Jakob chu a hukdok tai,” ti’n, kawlkil tiang in genjak unla, va puangjak tau in.

SAM 50:18

Gucha la mu leh gualpha’n la siam a; mi thanghuaite la kivoppi zing hi.

2 JOHAN 1:11

Zia gual mite a la lop chu a thil phalo hi’nau ah pang ahi ngal ui.

JEREMIAH 51:50

Nanghaw, chemjam ah kipat suakchate haw, chiau inla, khawdâng kiu in! Gamla tak ah kipat in Lalpa chu hiau inla, Jerusalem chu ngaitua zing un:

MATTHAI 23:30

nang uh chun, I pu leh pateu hun lai ah khan a la um hileu hin chu, jawlneite thisan suana khan bangma’n pang lo ding I hiu ah, la ti sek ui.

THILSIAM THU 19:14

Chutichun, Lot chu a va pawtdok ah, a chanute kichenpi ding a mâkpa hung hidingte kiang ah chun, ‘Tho unla, zia khawpi hi nusia un; Lalpa’n zia khawpi hi hi’mangthai ding ahi ngal ah,’ ti’n a vagen a. Himaleh, ama chu a mâkpa hidingte ngai ah chun tawt thu gen gual bep ahi tai,” a tia.

JEREMIAH 51:9

Babulon chu sukdam ka guau a, maleh, sukdam kit thei ding dan a hita puai. Nusiau inla, mitin I gam lam chiat un chia kit mai tai tiu; ama thiamlona chung ah vaihawmna’n van a thawng in, van sûmte chan ah vawk to ahi tai.