THUPUAN 18:3 - PATHIAN LEKHABU THIANGTHO (BSI)

³ A thanhuainau lungnatna uain chu a dawn khawm ua, lei ah lalte chun a thanhuai piu a, amanu nopsakna ah chun, lei ah sumkawlveite a hausak khawlaw tau a”.

THUPUAN 18:3 Referans Kwoze

THUPUAN 17:2

lei chung ah lalte chu ama tawh a thânghuai un, chuleh a thanhuaina uain chun lei ah lalte vâk kham in a um un,” ti in.

THUPUAN 14:8

Chuleh, vansawlchâk panina a nung ah chun a hung kit ah, ama chun, “Thanhuaina, lungnatna uain, nam zosia dawnsak sek, Babulon khawpi chu a chim tai! A chim tai!” a tia.

THUPUAN 18:9

Chun, lei a lalte a thanhuaipi sia leh a kinoptelpi sia chun, amanu kihâlna meikhu chu a mu tak ua leh, kap leh mau in a awm uh chûm in au.

THUPUAN 18:23

Chuleh, la sung ah hin thaumei him him le vâk kit ta pua’n tin; la sung ah hin mo leh moneipa aw git ti le kihe ta pua’n tin; la sung ah sumkol veite kha lei miliante a hiu a, la dawi thiamna nam zosia thep zaw a um a hiu kha.

JEREMIAH 51:7

Babulon chu Lalpa khut ah sana no, khawvel pumpi dawn kham sak chu ahi; namtin in a uain chu a dawn un, tichun, namtin chu a ngol zo tau hi.

KÂ LATE 4:5

An tui tak ah luaithe zingte chu, kotzing in a thigam tau in; puan sandup sil ah seiliante chun, vaivut a bâk tau hi.

JEREMIAH 51:34

“Babulon Lengpa Nebukadrezar in ei ne zo in, ei khênbuang ta’n; bêl awng gual in ei siam ta’n, gûlpi ei val zaw gual in ei val zo tai; ka tuinate chun a gilpi a sudim in, ei sêkdok kit tai.

ISAI 47:15

La sepgim ga la chung ah tung ding chu, zia gual hi ahi: La khangdawn lai ah la khualzin khawmpite chu, amau nopna lam chiat in a vâk vêl tau a, nang hun hukdam ding kuama um ta pua’n au.

LUKA 7:25

Aleh, bang en ding him him ah chia la hiu em? Puan nêm silte maw? Ngai tiam un, puan lopi sil leh mi nuamsate chu lal In ah ei vei a um sek uh.

NAHUM 3:4

Zia chu nawchizuaknu mêlpha tak, dawithiamnu thanhuaina ziak ah namtin zuak mang, a dawithiamna ziak ah namtin zuak chavainu ziak ah, hung um chu ahi.

1 TIMOTHI 5:11

Himaleh, meithâi khangdawng nalai deute chu ziklut kin; amau chun Khrista tawh kikãl ah taksa nopna lam ah a kipiak phat ua leh, pawsal nei a nuam kit sek un;

THUPUAN 18:7

Ama leh ama a kichawisan leh, a kinoptel dungzui in sukgimna leh, lungngaina’n vuk unla, a lungthim in, ‘Lengnu’n ka kichu, meithâi ka hi pua hen, lungngaina nei pua’ng ka,’ a ti ziakin.

THUPUAN 18:19

Chun, a luchung un leivui a kibuak khum un, a kiko ua, kap leh mau kawm in: “A chung a gik hi, a chung a gik hi! Khawpi lopi, tuisuagiat ah Long nei zosia hausak khawlawna, hun dan kâl khat sung in ama chu, bangmalo a hita!